¹  Ku ngga nemot nogo Yosua mo kebong, Ki Wali Iram  no sedue Israel lo gemang usi nawon nando logo banim ple yaking sedue Kanaan nogo? ² Ki Wali Iram lo pugo: nan ngge tang Yehuda no mo Itak gemang, ngga nemot sogoso nemotang logo banim mea bisi. ³   Ngganemot sogo Yeguda go tang lo gemang pen-atun simion go tang nogo, imotnang kerlam sogo ple ya semugo genam go nan sip nogo genam- ey mea tebok dali, ngga-ey nomotnang kerlam sogo gemang klong. ⁴ Utep wadikwa seni go nemotnang lo demu taitisopuit genang sogo gemang semu sip ngga no nggano taitisopuit go ey taiti suswoy go gemang puit ngga nogo. ⁵ Ngganemot ku nogo sedue Israel gemang pen: “nando lo tang naklai blung Israel sik sogo mo weng ngge nogo Kiwali Iram dabui iti genang?” no nemotnang lo seni so tegadi mo dok nembut pen go sedue kwa weng mo Woi Wali Iram go suong ku no ip genang ngga Mizpa no ngge kalik mo lemoy: “Kisebui iti go mea kebong.” ⁶ Sedue Israel lo dabui klum tra go tang Benyamin nogo nggano ntaton nang lo gemang pen nawon: “ngeasui go ku nogo tang meno mo tong sedue Israel logo. ⁷ Sogo-a imotnang lo ya semu yon sedue nang suing go nemotnang go senun iti genang imot tangso tegadi mo dok Kiwali Iram ey nemotnang nogo duo kaguit yakwa iti nemot go senun so lemoy sogo?’ ⁸ Ngga tangsogo nemotnang gemang pen: “Israel go tang sik sogo klaya go Mizpa no kwa weng Kiwali Iram ey tugu genang?” nggano gemang ikum ngga Yabesh-Gilead sik sogo klaya go ngga sono kwa weng blung go bala ngga sono. ⁹ Nggano hemang klong go ikum tang ngganemot nemotnang ngga so kwa ikum klaya gokwa ngga sikabung Yabesh-Gilead. ¹⁰ Nggano sip nemotnang yaluim go sip lo gemang pu go klong 12.000 sedue don-ey nemotnang ngge kalik gemang pen: “ klong-a sikabung Yabesh-Gilead se but tengang kalong lo duo, kabung ey dali se but. ¹¹ No taibat ngge kalik: sedue naklai nggano kabung naklai sedue-ey mo sedek-a se but go kebong.” ¹² Nemotnang nggano gemang tugu sikabung Yabesh-Gilead so 400 kabung kaguit maning madenok sedue ey kwa sedek nggaey kabung kaguit nang gemang wawi go bala Silo nan Kanaan no. ¹³ Ngganemot blo idi lo blung ngga lo deguo sedue gemang klong tang Benyamin no metuik demu Rimon sono ngga ey gemang ngengam nemotnang ey. ¹⁴ Ngganemot ku nogo tang Benyamin tandali gemang weng nggaey nemotnang no kabung kaguit nang gemang iti nemotnang suing genang ngga kabung Yabesh-Gilead; no nemotnang ey kwa I. ¹⁵ Nggano blung nggalo dabui klum gemang tra tang benyamin nogo Kiwali Iram tang sogo tang-tang Israel nogo mo waluk. ¹⁶ Nggano blung ngga go trang-trang lo gemang pen: “sogo kalik so imotnang nemotnang nogo ya semu nemotnang nogo kabung ya uwet? Kabung nang naklai mo kwa tang Benyamin sik sogo.” ¹⁷ Tandali go gemang pen: “sedue nang go duo no duo no itak go nan itak go se itak tang Benyamin nogo nggatang sogo nemotnang yakwa suep sedue Israel sik sogo. ¹⁸ No nemotnang lo kabung so iti genang pu go imot lo yakwa iti imotnang go duo kaguit.”sedue Israel tegadi so mod ok ngge kalik: “kuaseni go mea lemoy nemot lo tang Benyamin no kabung iti go!” ¹⁹ Nggano nemotnang gemang pen: “yagui yam nogo wallop gemang semu Kiwali Iram nogo Silo no sip ngga dun idi Betel sik sogo ngga woy klak idi tap kangok Betel sik sogo Sikhem sono ngga Lebona Sada idi.” ²⁰ Nggano nemotnang lo nembut tegadi gemang pen Tang benyamin nogo:” klong-a usu anggul sono ta no se tong. ²¹ Suey so se ikum; nggano kabung kaguit nang Silo sik sogo pung go usre sengat go usu anggul sik sogo suey so punng go nemotgo-nemotgo se luik go kap kabung kaguit Silo sik sogo nemotgo senun sose lemoy nggaey Benyamin go nan no se iti go klong. ²² Ngga tang sogo so nemot go aya, ntaton yap ey mo weng go drang nembut mo pen genamnang-ey nggano genamnag lo mea pen nemotnang nogo: nemotnang dabu lo iti-a genamnang nogo no genamnang plepung go ba nogo kabung kwa mlak go so imot ngg nogo kabung-a gabe mlak nemotgo-nemotgo senun so gemang lemoy. Seni seguong so motnang lo kabung kaguit nang nemotnang ngga sono kwa ti; ngganemot kalik so lemoy go motnang mea piam.” ²³ Ngga tangso tang Benyamin lo ngganemot kalik gemang plok; kabung kaguit usre so sengat go motnang lo se luik go iti nggano kabung nang tagu I go kerlam so gemang nemot nemotnang ey nggano tadali gemang klong nemot nan nogo nggaey yakena dega nang tandali gemang semu suey so ngga nemot no gemang suing yakot so. ²⁴ Ku ngga nemot no sedue Israel ngga sik sogo gemang klong nemotgo-nemotgo tang no gemang klong; nemotnang sip ngga sik sogo gemang klong nemot go babu asi go sip nogo. ²⁵ Ku nggga nemot nogo iram so suing go kwa sedue Israel nesip ba nogo; nemotgo-nemotgo taibat plok suey seguong so nemot tangso duing go.