¹ Ku ngga nemot nogo Yosua mo kebong, Ki Wali Iram  no sedue Israel lo gemang usi nawon nando logo banim ple yaking sedue Kanaan nogo?  ² Ki Wali Iram lo pugo: nan ngge tang Yehuda no mo Itak gemang, ngga nemot sogoso nemotang logo banim mea bisi.   ³ Ngganemot sogo Yeguda go tang lo gemang pen-atun simion go tang nogo, imotnang kerlam sogo ple ya semugo genam go nan sip nogo genam- ey mea tebok dali, ngga-ey nomotnang kerlam sogo gemang klong. ⁴ Ngganemotnogo Kiwali Iram lo Yehuda go tang no sedue Kanaan-ey, sedue Feris gemang iti ngga-ey  yamso gemang but Bezek dagu nogo, I genag sedue 10.000 yamso gemang kebong. ⁵ Bezek nogo nemotnang adoni-Bezek ey gemang tugu, nggano sedue Kanaan-ey sedue Peris-ey ple gemang semu, nggaey nemotnang nakali gemang but ⁶ Nggano Adoni-Bezek gemang kap, ngganemot sogoso, nemotnang lo truik go gemang mlak, ngganemot sogo so nemot fo ta enen-ey masi unen-ey gemang tong nawon. ⁷ Adoni-Bezek lo pu go” Deguena 7 yam sogo nemotnang go ta gelang-ey masi gelang-ey yamso muntung go sogo, ten yamso gemang yaluim genam media masi baso; seni so ngga genam go taibat semu go lo ngganemot sogo so Kiwali Iram lo genam nogo gabe taling dali.” Ngga-ey Yerusalem no nemot wawi go gemang kebong ⁸ Nggano Yehuda go tang lo Yerusalem  gemang but, ngga-ey tengang kalong lo but go nggano koy lo yakena dega ngga gemang puit go yamso kuim nggano gluik go gemang suing nawon. ⁹ Ngganemot no nan Negep go metuik-ey nggano medium blo logo susuing go sedue Kanaan, Yehuda go tang-ey ple way gemang semu dali.  ¹⁰ Nggano Yehuda go tang lo Hobron nono sedue Kanaan suinggo ple gemang semu – banim go hebron go sui ngga Kiryat-Arba – ngga-ey Sesai gemang but nggano Ahiman – ey Talmai-ey. ¹¹ Ngga sik sogo neot-nang klong go Debir sikabung ple gemang but, debir nemot go sui banim ngga Kiryat-Serfer. ¹² Ngganemot ku nogo Kaleb lo gemang pu nawon : nando logo Kiryat – seper mo but go gliuk, nomot nogo genam go denun Aksha nemot sono mea iti, nomot go senun so mea lemoy ¹³ Nggano kaleb go ntaton sat kenas lo gemang gluik Yakena dega ngga nemot ngganemot sogo so Kaleb Aksha gemang iti Otniel sono. ¹⁴ Kabung ngga nemot weng go ku nogo, nemot go nembut wew kenin nogo gemang pen; genam go Aya no nan temung iti ya. Keledai blo sik sogo kabung ngga li nggano Kaleblo gemang usi ” sogo kalik?” ¹⁵ Nemot lo gemang pen taiti genam nogo iti-a nan deglong ngga genam no mo iti no genam no nan bu pay/bu put dega ngga dali-ey se iti nggano Kaleb lo gemang iti bu put damoi tete nogo ey buput bu degueng dagu nogo ey. ¹⁶ Hobab go Mlenawalasrang ngga Musa go mesanon sedue keni, kerlam-kerlam so klong go Yehuda go tang ey ngga Yakena dega di korma sik sogo ngga nan Yehuda bu kwagosip ngga nemot go sni nan negeb Arad dagu so ; ngga-ey nemotnang ngganemot so gemang suing sedue kabung sip ngga nogo ey. ¹⁷ Yehuda ntaton Simeon ey kerlam so gemang klong ple gemang pung sedue Kanaan gemang but nawon, ngga sikabung Zefat yakena dega ban naklai gemang but, ngga nemot sogo so yakena dega ngga nemot  Horma so gemang usi ¹⁸ Nggano tang Yehuda lo nan gaza, nan Askelon, nan Ekron naklai-naklai gemang gluik dali. ¹⁹ Nggano Kiwali Iram lo tang Yehuda ey gemang suing ngga tang so menduim no nemotnang gemang suing, no pay ba tete sikabung nemotnang lo yakwa yat ngga sikabung kleta-kleta besi ey go lo gemang suing. ²⁰ Kaleb logo Hebron mo suing, Musa lo pen go kalik ngga sik sogo Enak go duo 3 so mo yat sing. ²¹ No ngga sikabung Yebus, sedue banim go yakena dega Yerusalem ngga kwa yat Benyamin go lo, ngga tang so nemotnang kerlam so mo suing Benyamin go tang-ey ²² Yusuf go mlenawalasrang lo gemang klong ple pung sogo Betel no, nggano Kiwali Iram nemotnang ey mang. ²³ Yusuf go mlenawalasrang lo sedue meno no gemang pu go klong nemu luik genang sogo betel no, sip ngga nemot go sui banim nogo ngga Lus.  ²⁴ No si kabung nemu so lui-luik go sedue meno nemotnang lo gemang ikum yakena dega ba siksogo pung go. Nggano nemot no gemang usi : “ imotnang nogo pla taling-a sogo kalik go tap lo imotnang ya degut, ngga-ey mot atnag go andua so mea lemoy. ²⁵ Ngga-ey nemotnang nogo tap degut genong so yakena dega nemot nogo gemag taling, nggano nemotnang lo tengang/ple nemu kalong lo yakena dega sedue kabung gemang but, no sikabung nemotnang sono tap taling go-a gemang itak go klong nemotnang go duo kabung-ey pung go gemang klong sip meno no. ²⁶ Sedue ngganemot klong go, sedue Het go nan no gemang suing, nggano yakena dega gemang semu nemot go sui Lus, ngganemot go sui gemang, ngga nemotgo sui banim sik sogo temuit go e nggasui no pung go gemang. ²⁷ Menasye go tang lo Bet-Sean sikabung ne kwa yat ngga: yang ngga Taanak sikabung ey Dor sikabung, Yebeleam sikabung nggano megido sikabung naklai ngge nemot go yakena dega no maning susuing ngga nemotnang sikabung nan Kanaan no suinggo wengkabui demu so yakwa klong. ²⁸ Nggano sikabung Israel don-ey mo suing nemotnang lo sikabung Kanaan kebali sedue so gemang pu no nemotnang kwa yat sip ngga siksogo. ²⁹ Efraim go tang lo Gezer sik sogo sikabung Kanaan kwa yat, ngga tangso sikabung Kanaan nemotnang-ey kerlam-kerlam so gemang suing nawon. ³⁰ Zebulon go tang lo sikabung Kitron-ey sikabung Nahalol-ey kwayat, ngganemot tang sogo sikabung Kanaan nemotnang balo kerlam so mo suing, no nemotnang kebali sedue so gemang lemoy Zebulon go tang nogo. ³¹ Asyer go tang lo Ako sikabung, Sidon, Ahlab, Akhzib, Herba, afek nggano Rehob nemotnang naklai kwayat dali. ³² No Asyer sikabung nemotnang nesib bano kerlam-kerlam so gemang suing. Ngga Kanaan sikabung seni, nan ngga sik sogo, ngga tangso sikabung ngga ne kwa gat dali. ³³ Tang Naftali lo sikabung Bet-Semes ey sikabung Bet-Anat ey kway at ngganemot tangsogo nemotnang kebali sedue so gemang lemoy si kabung Kanaan nesip so Naftali go tang ey kerlam so gemang suing ³⁴ Sikabung Amori lo Dan tang no gemang neyboy klong go menduim idi no klong genang sogo no pay ba logo kwa li,. ³⁵ Nggano sikabung Amori dabui ide go nggaso gemang suing Har – Hereno, Ayalon nogo ey Saalbim nogo ey, nemotnang Yusuf go tang logo kangok so gemang bebat nawon kebali sedue so gemang suing. ³⁶ Sedue Amori go nan, metuik Akrabim sik so Sela no nggano blo idisono.