¹ Ngge Nemot go Wali nembut : Ut ngga genam go sip syung, kukenan ngge Genam go masi sio so tui go. Yap sogo kalik go-a motnang lo Genam no ya semu? Ngga ey sip sekalik go-a Genam go engkabu ya tui? ² Naklai ngge Genam lo ago ta lo mo semu, nggano naklai gemang lemoy, Wali nembut. No sikabung ngge nemot kalik go-a genam mea ikum; nemotnang ngga masi lo gluik go, kuasep tangso dabui lek go, ngga ey Genam go nembut kluim tangso bobong ey kiking. ³ Sikabung lembu kemsi so wewok ngga nemot sedue but kalik so mea lemoy. Sikabung domba nok so tetonggo ngga nemot lo udo go susudon pudeng kalik so mea lemoy; sikabung nemot lo taiti so mo semu nemot ngga nembo go kin so iti go kalik mang lemoy; sikabung lo kameaning mo duk nemotnang demat-demat no ta so gemang kekong. Ngga ey nemotnang tab meno lo mea pay sing, ngga ey nemotnang go iku lo yakai mea pla nemotnang go tasam piam-piam baso. ⁴ Ngga nemot tangso, Nemot blosono Genam go takebali dodon mea tui suali kibu ey nemotnang naklai mea tra. Ngga nemot sogo so, ku Genam lo nembut pen go nemot nang kwa tub gono. Nemotnang lo taibat piam mo semu Genam go Soungkuno, nggano Genam go dabui yakai kwa genang so nemotnang gemang keng ⁵ Tup-a Wali nembut, ei..naklai nemotnang bobong kiking genam go nembut tangso! Akasatyap naklai ikle gono mot ey gemang yat Genam go syu tangso, nggano gemang pen Wali Iram blosono ita ya ngga ey motnang go nenem mea ikum; no nemotnang-a songsut ey mea tra. ⁶ Kluim yakena dega siksogo gemang, kluim klaya Wali Aya go sip syung sik sogo, yang ngga Wali Iram go nembut, ngga Nemot lo way ple gemang pung Nemot go plesi nogo. ⁷ Maning syasuk sadu-a kwa tetegle, duo-a mo tui; duo tui sadu-a maning kwa tra nemot-a duo sedue denok-a gemang tui nawon. ⁸ Nandolo mo tub duo ngge kalik go? Tasam ngga mo ikum? Naklai ya tui saula ngge ku klaya ba nogo? Saula klaya kai seguing-a ya tui? Ngga tangso, Sion lo sadu duo tui kalik trago, nggano duo nemot lo tui natun, ⁹ Genam lo nemot go sani-a tenung go no menot tui genang so yakwa? Wali Nembut, sogo tangso Genam lo nemotnang go sani ya kadun no Genamlo nemotgo sani mo semu go? Nemotgo Wali Iram go nembut. ¹⁰ Yakay nenem pepla ya Yerusalem ey dabui ey se iti. Sikabung naklai Nemot sono dabui itigo. Sikabung naklay nemotgo kebong sip no Yakai kangok so sepepla nemotnang ey. ¹¹ Nemotnang lo min sub gono nu gemang mo temoy, nemotgo min lo suswoy, nemot ba sik sogo sup nggano dabui ey setra nemotgo nenem yakai blong ey golo. ¹² Ngga nemotangso, Ki Wali Iram, seni so Genam lo dabui suwot genang bu go sip kalik mea weng, ngga ey nan naklai nenem yakai blong eygo so mea lemoy bu kalik so mea pi. Ngga ey nemotnang min mea sup, motnang sum ta no mea iti nemot lo, nggano nemot go ta balo kubum bloso mea wew. ¹³ Mia lo don kok goso motnang mea tra nemot lo mang wew, Genam lo motnang no don mea ko dali, Yerusalem no don mea kok dali ¹⁴ Ngga nemotno kuno Nemotgo takebali mot mea ikum, gano mot go dabui balo nenem yakai ey mea pung, Nemotgo tamot-tamot nogo Wali Iram go ta ba sik sogo mea nengon, no Nemot go plesi nang nogo koy dalu ey mea pung. ¹⁵ Ngga nemot sogo so ikum-a, Wali Iram koy balo mea weng Nemotgo kleta-kleta kluim kangok go kalik balo. Nemot lo kisebu nongon go dalu dalu balo ngga ey Nemot gemang bebat Nemot go koy nembleng balo. ¹⁶ Ngga nemot ey goso, koy ey go, Woy Iram go nemudi sekeklong, ngga ey tengang sebu ey; sikabung kebonggo mata dega seni Wali Iram lo but go. ¹⁷ Nemotnang maning usu bano kwa degut go nemot go sasyuk kon so suep semening kalik so gemang lemoy, sedue nesip nogo gemang keng natun, ngga nembo, usum ey, menay-menay meno kagot sogo nemotnang nemotgo tang ey mea bun, Wali nembut. ¹⁸ Ngga nemot tangso, Genam logo nemotnang go kunala, takebali yamso mea senung nemotgo ku kabe mo pung nggano yalum genang saula-saula nakali nemotgo nembut ey. Nemotnang mea weng Genam tangso, Genam go yakay blong tang so. ¹⁹ Genam lo tasam mea taling nemotnang nesib bano, ngga ey genamlo sikabung mea pu go klong-a ngge basiksogo nan-nan nogo no. Tarsis, Pul, nggano Lud ey pleso kikik kalik, nggano Tubal, Yawan ey gono. Sip ngga ket gono kukenan bu biap lo tong ey gono klong ngga Genam go syu iway ey maning kwa tub nggaye nenen yakai blong ey go semu go maning kwa ikum. Nemotnang lo Genam go nenem yakai blong eygo saula-saula nesib nogo. ²⁰ Nemotnang lo itigo klong genangso ngga nemot go aksatyap nang taiti kalik Wali Iram nogo so kuda, keleta, dingpat, keledai, e…unta blolo Genam go mendum kon kwa gono Yerusalem no, Wali nembut “ Israel go dou kalik sogolo taiti mo suswoi go gemang itigo klong Kiwali Iram go yap bano ²¹ Genamlo nemotnang ba sik sogo mea iti gano tamot-tamot so mea taling sikabung Lewi nogo” Wali nembut. ²² Ngga nemot tangso, Kukenan ey Ut demening sogo kalik nemot kalik so mea lemoy genam go Suongkuno” Wali nembut Nemot go syu ey nemot go mlenawalasrang ey ngga kalik so mea gigit. ²³ Mo lemoy, banu demening go ku e…banu demening no pung, ngga ey wali aya go ku e…wali aya go ku meno no pung, sikabung naklai lo masi so unuk go Genam go soungkuno. Wali nembut. ²⁴ Nemotnang ja no pung gano mea ikum sedue temoy Genam nogo so sagui semugo, ngga nemot tangso nemot bloso tetnang kwa kebong, koy nembleng kwa sut nggano nemotnang sikabung go nemu nogo sueykwaseni goso mea ikum.