Pasal 35
Ku Sabat teguop genang sogo
1
Ngga ey, blung Israel naklay yalui so Musa usi go, nggano, nemotnang no pen go: "Ngge, Woy Wali Iram logo demutrui, imot lo pupluok genang gabe.
2
Se tup! Seni so, ku taidisoklaya ba no kebali se semu! No, ku taidisonamon tete sogo ngga, motnang nimla genang ku, mo teguop go gemang. Yangga, Sabat ku, ku klaya naklay, Woy Wali Iram nogo ku, nimla genang ku gemang. Nemotgo-nemot go sedue kabung, ku ngganemot no kebali semu go, idekeba iti go but go se kebong.
3
Nago-nago nogo, motnang susuing go nogo, ku Sabat nogo, koy kua puit."
Taiti teguop nang sogo Bala Teguop klik genang, nggano, dewi nang sogo, ngga ba nogo.
4
Blung Israel naklay sono Musa lo pen go: "Woy Wali Iram go nebut pen ngge kalik so gabe:
5
Motnang go taut sik sogo taiti teguop Woy Wali Iram nogo se iti; nando go dabui ba no tra go taiti teguop iti genang sogo Woy Wali Iram nogo: emas, perak, tembaga,
6
amka ungu suk seni sogo, dinekuoy lep go suk sogo amka, kermisi suk sogo amka, amka lenan susuot sogo, kambing dit;
7
domba kemsi suk buom-buom so ut go, dasi lumba-lumba go suk, di panada,
8
sagoynang sogo mlay, rempah-rempah nang sogo mlay urapan, nggano, ukupan sik sogo kinemon eygo,
9
permata krisopras, nggano, permata tatahan baju efod nang sogo, nggano, dabuidon so kebet go keba nang sogo ey.
10
Takebali pega eygo sedue-sedue, motnang sik sogo, naklay se weng-lak. Woy Wali Iram lo pen go naklay semu genang sogo,
11
yangga, Bala Teguop, nemot go yabla, nggano, kebet genang tenda, tegan, nggano, nemot go dipap, nemot go neguontum, nemot go neguon, nggano, nemot go kutrui;
12
peti ey nemot go to ey, nemot go ngengam dam, nggano, amka kebet genang sogo;
13
media, nemot go to ey, nemot go taut naklay ey, nggano, loti dedam go;
14
kandil sagoy nang sogo, nemot go taut ey, nemot go sagoy, nggano, sagoynang sogo mlay;
15
demusung ukupan koy puit genang, nemot go to ey, mlay urapan, nggano, ukupan sik so kinemon eygo; Bala Teguop yataput nogo amka kangok go;
16
demusung taiti koy puit genang, kisi-kisi tembaga nemot go to ey, nggano, nemot go taut naklay, bu so lu go sip nemot go kemledon ey;
17
pelataran no glung genang amka kangok go, nemot go tiang di, nemot go kutrui ey, nggano, pelataran yataput ngga nogo amka tirai;
18
Bala Teguop nemot go patok, nggano, pelataran go patok, nggano, nemot go tegan ey;
19
teguop sip ba no dewi pu genang sogo so amka sipsuing se kok. Nggano, amka teguop go seni, imam Harun nogo. Nggano, danonnang go amka nemot dali, woy kebali sipsuing genang sogo amka."
20
Ngga ey, Blung Israel naklay, Musa go suongku sik sogo, gemang klong-lak.
21
Ngga ey, nemot go-nemot go so, dabui ba no tra go sedue kabung, nemot go-nemot go dabui lap ba no mot-ak go sedue kabung lo taiti teguop go, Woy Wali Iram go kebali Bala Tetegu go naklay klik genang so, taiti teguop iti go gemang weng, nggano, ngga ba nogo dewinang sogo naklay, nggano, amka teguop seni go ngga iti go gemang weng.
22
Yang, nemotnang weng-lak go, sedue ey kabung ey, nemotgo-emotgo dabui ba no mot-ak go, iti go gemang weng: nebuem nogo anting-anting, kama nogo anting-anting, cincin meterai, nggano, kerongsang naklay, sammeno-sammeno sogo emas sik sogo; ngga kalik so, nemotgo sedue kabung taiti-taiti dali, emas sik sogo semu go, Woy Wali Iram nogo so gemang iti.
23
Nggano, sedue kabung nemotnang go amka ungu tua gemang go, dinekuoy lep go suk sogo amka, kermisi suk sogo amka, amka lenan susuot sogo, kambing dit, domba kemsi go suk buom-buom so ut go, nggano, dasi lomba-lomba suk, nemot ey iti go gemang weng-lak.
24
Sedue kabung, ngga iti genang sogo, taiti teguop sik so, perak kua go tembaga, iti go weng, taiti teguop Woy Wali Iram nogo. Nggano, nemot go sedue kabung, di panada eygo iti go weng go, naklay kebali ngga klik genang sogo.
25
Kabung-kabung dan ining senong go, nemotnang tang so ta lo ining go, nggano, nemotnang lo ining go ngganemot iti go gemang weng. Yangga, amka ungu tua suk sogo, dinekuoy lep go suk sogo amka, kermisi suk sogo amka, nggano, amka lenan susuot sogo.
26
Kabung-kabung dabui ba no tra go naklay, nemot go senong gemang go, kambing dit ining go. Wengkabui-wengkabui lo, permata krisopras iti go weng, nggano, permata tatahan baju efod nang sogo, nggano, dabuidon so kebet go nang sogo,
27
Wengkabui-wengkabui lo, permata krisopras iti go weng, nggano, permata tatahan baju efod nang sogo, nggano, dabuidon so kebet go nang sogo,
28
rempah-rempah, nggano, sagoy nang sogo mlay, urapan nang sogo mlay, nggano, kinemon eygo ukupan sik sogo.
29
Sedue ey kabung ey naklay, nemotnang go dabui ba no mot-ak go, iti go mea weng, sogo-sogo Woy Wali Iram go kebali Nemot lo pu go nang sogo so, Musa no pen go ngga kalik pluok genang sogo so. -- nemotnang ngga, yangga, sedue kabung Israel, nemot ey iti go gemang weng, taiti dabui logo Woy Wali Iram nogo sogo.
Bezaleel ey Aholip ey taling go nogo
30
Sedue Israel sono pu go, "Ikum-a, Woy Wali Iram lo mo taling, Bezaleel Uri go danon Hur, suku Yehuda sik sogo,
31
nggano, Waglo Ki Wali Iram nemot mo tram, senong iguong, nggano, sesenong, kebali-kebali naklay nogo.
32
Yangga, atuia naklay semu go, takebali emas logo sesemu genang, perak, nggano, tembaga logo;
33
demu permata li gono, suey so semu genang sogo; di sam pung sogo kebali naklay ba nogo lemoy genang atuia mo semu go ngganemot
34
Nggano, Woy Wali Iram mo iti, nemot go dabui ba no, nggano, Aholiab go dabui ba no danon Ahisamakh suku Dan sik sogo, sesenong nguok genang sogo.
35
Nemot lo, mo tram nemotnang keahlian lo, sedue tukang go kebali naklay semu genang sogo. Kebali sedue senong eygo, kebali sedue nggano ining go sammeno-sammeno sogo amka dinekuoi suk sogo, dinekuoy lep go suk sogo amka, kermisi suk sogo amka, nggano, amka lenan susuot sogo, nggano, kebali sedue senong go amka semu genang, yangga, kebali naklay semu genang sedue, nggano, sogo sogo atuia semu genang.