kedong Ngei Manaei Utblosik sogo Israel nogo ¹ Sedue kabung Israel sikso mang iplakgo e padang gurun sin no mangpung sip nganemot Elim ei munduini Sinai eigo nesip so,kutaiji-ijiei masi iji naklai banu namon,nemotang nan Mesir siksogo mang pung. ² Sedue kabung Israel go tang dabui saduiei wenggo Musa nogo ei Harun ei padang belantarano. ³ Ngano Israel go tang nemot nang lo mang pu nemotang sno,genam nang nge Tuhan go tano ya kebong nan Mesir nogo genam nang blang bata manai kedong ngei king go mitno suing lak go ngano genam nang roti damgo nuei temoi No,motang lo genam nang padang belantarano wawigo weng go ngeno genam nang naklai tenlo ya kebong. ⁴ Ngano Tuhan lo Musa no mang pu," ikuma,atdo roti utblo sikso sakodik mapu nemotang punggo mata so seyaluim nemotang nemogokuno-kuno dam sogo ngano genam nemotang nogo mataling,nemotang sniso ago nembut kluim blolo ke klong yakusa wayang. ⁵ Kutaiji taijiso klaya,nemotang ten nganemot sukgo,miyam degaei kunmonso yakuimgo kalik. ⁶ Ngano Musa ei Haru ei mang pu sudue kabung Israel sno,ngeasui use,motang ma snung sniso TUHAN lo genam nang wawigo punggo nan Mesir siksogo. ⁷ Wadi kwasmi motang TUHAN go Blong maikum. nemot motup motang go dabui piam atang nogo? ⁸ Musa lo mangpu,ngenemot malemoi Tuhan motang nogo manai kedong itigodam nang sogouse woi yam no,Roti wadi kwaitigo motang dam go nu temoi,TUHAN motup motang lo dabui piam motang lo walong luik go nemot sno,genam nang nando? motang lo dabui piam smugo nga genam nanglo kua,nga TUHAN no smu go mang. ⁹ Ngano,Musa lo Harus sno mang pu, "penna Israel go tang nogo,seweng dago no TUHAN mit sno nemot motup motang go dabui piam. ¹⁰ Harun lo kedaso kabe pen Israel go tang snogo nemotang tandali kabe likek padang belantara sno,ngano kabeikum,nemblong TUHAN siksogo gumbalo mangli. ¹¹ TUHAN go nembut kluim mang weng Musa nogo. ¹² Genam kabe motuo sedue kabung Israel lo walong klikgo. nemotang nosepen use woi yam no,nemotang manai kedong madam,wadi kwago motang roti lo nu ei ma temoi,motang nganemot no se snung genam ngeTUHAN,kiwaly Iram motang go. ¹³ Ngano,mang lemoi use woi yam no winok nemogo sui puyuh wongkekgo mataso kema blo lo mata so; wadi kwa sni,kubupbu kema dagu lo. ¹⁴ kubub ngane mot yamso buso lemoigo pat yamso,ikumgo padang belantara sno ikum go kusop go kluip kalik,kubup bu demo so lemoi go kalik nan blono. ¹⁵ Israel ngane mot ikum gono,mang usi ne tena won, nga sogo? ne motang kwa snung ganogo. ngano Musa lo mang pu nemotang sno,nga Roti Tuhan lo motang nogoso itigo dam nangsogo. ¹⁶ Nge nembut TUHAN go, seyaluim,nemogo-nemogo dam yamso,segomer klaya duo,sedue kabung nga tenda basago nganemot yamso, sedue kabung Israel. ¹⁷ Tup ne nawon gono mang ijok nenawon temung lo mataso ijok temung nenggiligei. ¹⁸ Nemotanglo ngane mot takar nena wongo gomer ei, mata so ijok go miyam ei kwa,nanggligei jokgo maning kwa-kwa nemotang ijok go dan yamso. ¹⁹ Musa lo nemotang sno mang pen," meno dua ngesiksogo kwa punggo weng imotang suinggo wadikwa gono ma pung. ²⁰ No,nomotang yakwa tup Musa nogo nemotang punggo klong go wadi kwa gono pung,Roti tetdei tui ngano yamso pegop. Musa nemotang no sagui mangkong. ²¹ Nemotang wadikwa-wadikwa mangjok,nemotang dam yamso maijok,woi masi tegago,buso malemoi. ²² Kutaji naklai taiji so klaya,nemotanglo tenjok nenawongo ku namon yam so dam nang sogo,gome namon klaya duo,ingkabui-ingkabui wenglak naklai Musa sno mang pen nenawon. ²³ Musalo nemotang sno mang pen; nge nembut TUHAN siksogo,utep go ku nga ja suing genangku,Sabat kudus TUHAN nogo. ko inseta ngeasui ku nogo,kabui no suik genang sgo se suik,ngano temung seta wadi kwago nang sogo. ²⁴ Nemotang lo temung ta go wadi kwa gono pung Musalo pengo kalik,Roti nakalai kwa pegop ngano tet kwa tui dali. ²⁵ Musa lo mangpu, "Dama ngeasuiku nge Zabath TUHAN nogo,ngeasui gekuno,motang padang nogo yakwa tugu. ²⁶ Kutaiji naklai taijiso klaya motang sejok mataso,nokutaiji naklai. taiji so namon,Zabathku,ku nga nemot nogo Roti kwa klaya namon kwa. ²⁷ Kutaiji naklai taiji so namon saula nganemot nemogo sesuekabung temung mangklong Roti wet so,no nemotang kwa tugu klaya namon. ²⁸ TUHAN pen Musa no,"ku nago yam so ya motang Ago nembut kwa kenggo,- Ado sang motuigo? ²⁹ Sueisoseikum TUHAN lo Zabat motang negoso itigo,nganemot segoso kutaiji naklai taijiso klaya nemodo motang negoso Roti kunamon yamso dam nang sogo mang iti. Nganemot segoso motang mogo sip-sogosip sesuing lak,klaya duo kwa pung nemogo sip siksogo kutaiji so namon ku nganemot nogo. Ngano saula nganemot ja mang suing kutaiji taijiso namon nogo. ³⁰ Ngano saula nganemot ja mangsuing kutaiji taijiso namon nogo. ³¹ Sedue Israel lo pugo nemogo sui 'manna' Nemot ketumbar don kalik,klaut,nemogo tom kue madu ei dam go kalik. ³² Musa mang pen,"Nembut TUHAN siksogo: Ijok nga Roti nemotang no gomer klaya damoi ei setram sotasueiso mogo duono-duono,ngsogoso motang go duo kabung yansigo maikum Roti nga genam lo itigo padang gurun no,nga genamlo motang nan Mesir sikso wawi go punggo. ³³ Musa lo Harun sno mang pu," Buli-buli ei ijok ngano manna nganemot basno se sre ngano TUHAN go nemukuno setui mogo duo nogo so seta. ³⁴ Sekalik so TUHAN lo Musa no pen,nganemot kalik mang smu Harun lo Tabut mitno mang tui Tabut kesaksian ngabano sekok. ³⁵ Israel sedue kabung manna damgo yagui empat puluh, ngano nemotang mang pung nan sedue kabung ngei sui-suing gono, nemotang manna dedam weng ngano mangpung perbatasan nan Kanaan no. ³⁶ (Gomer klaya seper sepuluh efa)