kabung Gibeon Ei Saul Go Yaptengelam ei
1
Daud lo tamulok gono,tenkwa go yagui nangglik,tongkwa tong,ngano Daud mangklong Tuhan no usiso,ngano Tuhan go nembut mang weng: Saul go yap tengelam no kin utang go mang subut nemogo tangno,nemodo sedue Gibeon tukgo.
2
Ngano iryam lo sedue Gibeon pugo mang pulep nemotang nga tang meno,sedue Israel kwa,nemotang nga sedue Amori,sedue Israel kwa,nemotang nga sedue Amori,sedue Israel nemotang no mang sumpah,Saul kwatup,nemotang yamso tuk,nemogo saisuk temoi go duduingso sedue Israel ei Yehuda ei kerlamso.
3
Daudlo mangpu sedue Gibeon no: Genam sgaya ya smu motang nogo,genam sgo ya yaiti nganemot tebus sgo,motang Tuhan go milik pusaka berkati sgo.
4
Ngano sedue Gibeon lo mang pu nemot sno: nosgo nembut,emas,perak,nga genam nanggo nembut Saul ei go ngano nemogo duo nang eigo,genam nang go duduing sedue Israel but nang sgo: ngano Daud lo mangpu,motang go duduing sgo kalik,genam sgo ya yasmu:
5
Ngano nemotanglo mang pu iryam sno nga sedue kabung genam nangso tukso,ngano genam nanggo tang yamso kwa sgoso smugo nganemot nogo genam nang Israel nogo sip kwa.
6
Nga sgoso nemogo duwo sedue denok tujuh yamso seitak genam nang lo nemotang dino magulung Tuhan go nemu kuno Gibeon no,ngano iryam lo mangpu: ado motang maiti nemogo tasno.
7
Iryam lo klum trago Mefiboset no,bin Yonatan bin Saul,Tuhan sno kabe pu nemotang Daud ei Yonatan bin Saul ei nemotamon go sumpah Tuhan no banim smu go,daud ei ngano Yonatan ei.
8
Ngano iryam lo duwo sedue denok namon nganemot itigo rispi binti aya Saul go duwo,Armoni,Mefiboset,Merab binti Saul,Adriel nogo sa tuigo bin ba cilo sedue Mehola.
9
Nemotang ngane mot iryam lo sedue Gibeon sno mang srakan,ngano nemotanglo dino mang gulung munduim blono,Tuhan go no ma kuno,Tujuh yam sgo sedue donok mang kebong kerlamso nemotang kebonggo ususui yamno,jelai sni bubo yamno.
10
Ngano,Rizpa Aya go dnun lo mang iti karung mangse kumunduim don blono,nemotang usu sui bubogo sikso itigo yagui so sno pung nemotang go temoi blono;nemotang yau sning winde lo nemotang go temoi dam eigo kublong sgomngano wadigo yai masuing manai anen balo ketgolo dam eigo.
11
Ngano klonggo Daud no mangpu Rizpa,Aa go dnun,Saul go gundik.
12
Daud klonggo nemotanggo don mang ijok Saul goel go yonatan go ei nemogo danon,sedue kabung kota Yabesh gano Gilead, nemotanglo womso tuetgo Bet-San sikso,sedue Filistin lo Saul butgo ngano mang don ma lo Gilboa no
13
Ngasikso mang Saul go don nang gano Yonatan go don nang, nemogo duo. ngano nemogo don nang sikabung di no glung.
14
Saul go don ngano Jonatan nemogo danon go don kaiso mang tuet muklaya gono,Benyamin go nan no,Zela no,Kish nemogo aya sedue kebali sgo kalik go smuso mo,nemogo iryam pugoso,nganemot sgoso Wali Aya nemogo dewi motup yakna nganemot siksogo. perang mang smu sedue Filistin ei.
Sedue Filistin ei
15
Plesagui tandali sedue Filistin ei,sedue Israel ei Daud nemogo sedue ei mangklong,ngano ple mang pung sedue Filistin ei,ngano Daud yamso don wakot.
16
Yisbi-Benob nemotang ga tang raksasa siksgo,nemotangga suon tiga ratus syikal tembaga ngano nemotanggo tengan imeninggo,nemotanglo duinggo Daud nga nemodo yabut.
17
Zeruya go danon Abisai lo mang wenggo Daud yaisuing,ngano mangkusno puigono ngano mang but sedue Filistin nemot,Daud go sedue kabung lo nemot sno walong luik go,plepung sgo mot kwadugut,nga Israel go tang yamso ma buin modei.