Sagui Smugo

¹ Nga sgo sedue dursila mang,nemogo sui Seba bin Bikri,sedue Benyamin. Nemodo sangkakala ugono mangpu,atang Daud siksogo sgo-sgo genam nang nogo warisan kwaiti,Isai go danon logo, mugo-mugo klong kemah no hai sedue Israel. ² Ngano sedue kabung Isarel ngasikso sgo Daud itak go nemotang klonglak ngano mang keng go klong Seba bin Bikri ei,no sedue Yehuda ya maning Iryam mitse susuing bu Yordan sikso kenggo Yerusalem no pung. ³ Daud mang pung nemogo istanano Yerusalem no,iryam lo gundik sepuluh yamso,nganemodo nemogo istana yaiso susuinggo,ngano nemotang wawigo nemogo yap kuiji sgo jaiso susuing gon nemotang ngakalikso ma susuing sedue kebonggo kabung kalik susuing ma kebong. ⁴ iryam lo mang pu Amasa sno,seuri sedue Yehuda genam nogoso ku nangglik bano,ngano se weng genam mitsno. ⁵ Ngano Amasa mangklonggo nemotang ngei mang weng sedue Yehuda ei,mo nemogo takebali nemot kwa smu,ku nganemotno pu iryam lo,tituai smu. ⁶ Ngano Daud lo mangpu Abisai sno ngeasui go Seba,Bikri go duo nemot naklai suei kwa sni mang, Absalom ei kwa kerlam,nganemot sgoso mot sedue kabung nge so wawigo klonggo nemot seituik nemotang kota kubu ei gono pung ngei go,nga sgo so nemot imot blologo yakwa klak, ⁷ Ngano Yoap nga sedue Kreti siksogo ngano sedue Pleti sedue pleso pupunggo naklai nemotsno keng. nemotang Yerusalem sikso punggo mang klong go Seba bin Bikri mang truik, Yoab,Amasa tebuet go. ⁸ Nemotang Gibeon no punggo nga sgo dmu kangok go dega,Amasa mopung ngano banim nemotang maning. Yoap amka pleso pupunggoei kok go susuina ngano taiti kuitegan cidok. Nemogo sarung banoking tegolo ijisno,ngano sring nga blosno pung ngano nemot banim bisigono tengang mang kunung. ⁹ Yoab lo mang pu Amasa sno,mot sueiso,saudaraku?ngano nemogo ta semeleaijine mogo tugu wo ditno melok Yoap go ta Amasa go tegu wadit no melok go nemot nembuem kuong tebok sgose. ¹⁰ Amasa nemot kwa snung Yoab go tengang nemodo tano mulokgo; Yoap lo nemot tenganglo kaiso lukgo teguwean sno,nemodo kluik ei tegueyan ei kaiso nan blo sno net,da namon so kwaluik,nemot mokebong mang,ngano Yoap ei Abisai ei nemogo entaton sat kaiso mang truik Seba bin Bikri so. Dayd go sedue kabung nemotno kenggo Seba so cari go,Yoab ei Abisai go adik melanjutkan pengajara Seba sno. ¹¹ Gano,sedue temung Yoap go,nemogo bubung sedue temoi nemotno,ngano mang pupu: nando Yoap no tebok,ngane nando Daud sno tebok,keng ya Yoap sno. ¹² Amasa kebonggo kinlosbut yamso tap kangok nesiplo,ngano sedue meno ikumgo,sedue kabung naklai nemuya luik,nemodo temoi lekgo padang sno tap kangok go siksogo,ngano amka lo mang kut,nemot ikumgo sedue kabung nemoda ikum go kwa ikumgo kalik nemuya bubung. ¹³ Sedue temoi nga tapkangokgo siksgo lekgo,sedue kabung naklai-naklai Yoap sno keng,nemotang Seba bin Bikri ya truik. ¹⁴ Seba kaiso kap Israel duen siksgo klonggo Abel no Bait-Maakha. Bikri go tang nemot mitno punggo nemot sno keng. ¹⁵ Yoab go sedue ngano punggo,ngano mangtuguwot Abel-Bet-Maakha no: nemotanglo neya tetega sip klaya gono yamso kumunduim so lemoikata nganemot ngano tembok sno tugui ngano Yoap nemogo sedue kabanggei nan tutueteu nan ku no sigilik sgoso. ¹⁶ Ngano kabung bijaksana kota nganemot sgolomangpu, ngesnotuo! Yoap no pu: genam mitsno weng genam modei nembut penso. ¹⁷ Yoab mang dagu sno klong nemotsno,Yoap mitno, nganogenam kabung ga nemotno mang pen,Mot nemot Yoab?" Nemodo mang jawab,Ngga sni. Kabung nga mang pu," hamba ge nemogo perkataan se tub," Yoab lo mang pu,yangga genam mang tup. ¹⁸ Ngano nemot mangpu,"Banimgo sedue kabunglo ngekalik so mang pu: sgo-sgo ikumsomo maklong Abel ei dan ei go mitno maklong petunjuk ikum sgo,nganemot masuep. ¹⁹ Nga nemogo maklik go sedue duk keng nemotanglo Israel sgo,no mot ngewakulu we be smu tegoi kota no,ngano nge kota kangokgo Israel sgo,modo Tuhan go sedue kabung yamso nu nogut tegoigo. ²⁰ Ngano Yoaplo mangpu,ketsnoklong,genam mitsiksgo,nunogut ke yamso tuk sgo. ²¹ Ngakalik so kwa nemogo sni,ngano sedue meno Efraim go munduim siksgo nemogo sni Seba bin Bikri,nemodo iryam Daud no nembut waiwai so pengo;nemot segueong ya se mulok,genam kota ngesiksgo makap. ngano kabung nganemodo mangpu Yoap no: suei,"nemogo ingkabui motsno matuk tembok blolo kadinglo. ²² Ngano kabung nganemot dugut ganomang pen sedue kabung naklai gone,ngano nemotang lo Seba bin bikrigo ingkabui mang plonewon,ngano Yoap sno mangtuk,ngano Yoap lo sangkakala mang ud,ngano nemotang kaiso kuekgo kotanga siksgo,nemogo,nemogo: ngano Yoap mang klong Yerusalem no iryam mitno. Kebali Sedue

²³ Plesedue Israel go ingkabui Yoap,ngano meno Benaya bin Yoyada,nemot ingkabuiso Kreti no lemoi ngano sedue Pletino lemoi kuoigo. ²⁴ Adoram ingkabui so mo lemoi sedue rodigo ngano Yosafat bin Ahilud nemot nga duoi taso mulokgo negara go, ²⁵ Seya panitera negara,Zadok gei Abyatar ei dmusung koiso puitgo. ²⁶ Gano,Ira sedue yair,dmusung koiso pupuit go Daudgo batas.