,Amon go Iryam

¹ Nahas,sedue Amon nemotanggo pleso mangteguot Yabesh Gilead. Sedue kabung naklai-naklai Yabesh sgolo mang pu Nahas sno,"Mot atang ngei go tagadi madok,genam nang motang nogo sgo-sgo maiti. ² Ngano,Nahas sedue Amon nganemodo mang puton nemotangno,ngasogoso genam motang ngei tegadi madok,motang go nemu tasemela iji ado mawagot motang suong sut trasgo sedue Israel blonogo. ³ Sedue -sedue Yabesh nembut tuot nemotang sno,motang genam nang nogo dabui ya iwot seguaiso ku taji naklai taijiso namon genam nanggo plesedue mapugo klong motang sip suing ikum sgo. genam nang kuikling genang sgo kwago susuoi suing gennag,genam nang mapung go mugo sedue kabung so malemoi. bano Kuimakling

⁴ Nemotanggo sedue kuoi Gibea punggo Saul mitno ngano mangpen nembut saula nganemotno,saula nganemot naklai-naklai nemotanglo u kulogo usgutdetup. ⁵ Nganemot no,Saul mang weng ladang sikso mangweng masilo nemogo sapi ei,ngano mang usi Saul lo, Sgo a lemoi sedue kabung nganemot nogo nemotang ungatemoi yamso kulogo? "Ngano mangpen sedue yabasiksgo nemot nogo?

⁶ Waglo Waly Ayah siksogo mangli Saul blosno Saul nganemot tup gono,nemogo dabui piam koi kalik mang blon. ⁷ Ngano nemodo sapi nemonei mang iti,go mang kop,ngano mang idok go klong Israel sno wasei nemogo kebaijeso lekgo,ngano mangpen,"nando Saulno kwa kengmo no,Samuel no mokong mo,ngekalik so ma smu,nemotanggo sapi-saipi nogo,"ngano Tuhan no nemotangno swali kunala maiti nemotang swali tragenang sgo itigono nemotang kerlam-kerlam so klong plesgo. ⁸ Besok no punggono Saul lo nemotang togu mangiwon,sedue Israel tigaribu yamso ngano sedue Yehuda tiga puluh ribu yamso. ⁹ Ngano nemotanglo mangpu koibu tasmu wenggono,ngekalikso sepen sedue Yabesh-Gilead: Utep kuwoi sgono,motang tamaitak nemotang mokuoigo nga mang klong nembut penso sedue kabung yabesh nogo nemotang dabui yakai nang. ¹⁰ Sedue kabung yabesh lo mangpu,"Utep,atang maweng modei tugu sgo. mugo duduing selemoi modo ikumgo suei go. ¹¹ Nga utep,Saul lo nemogo sedue kabung mang kuoi nangglik yamso plepung genang. Nemotang klonggo wadi kwa perkemahan bano mang dugut go sedue Amon yamso tuk woi maning kwa klak gono,nangglik gei itak go kaiso banom-banom kuek klaya namon kwa ikum. ¹² Ngano,saula nganemodo mangpu Samuel no,nandolo pu,Saul yalemoi Iryam sgo genam nang blonogo? sedue kabung nganemot atang sno seitak atang lo dok go bitep go kebuong. ¹³ Saul lo mangpu,klaya duo yakwa kebong ngeasuigo kunago! ngeasuigo kunogo,Tuhan go klum mo taling sedue Israel nogo. ¹⁴ Ngano,Samuel lo mangpu saula nganemotno,weng imotang Gilgal no yaklong Iryam go sip suing sueiso ya nimbuenggo ngano. ¹⁵ Ngano saula nganemot mang klong Gilgal sno,ngano Saul mang Iryam pu,Tuhan go nemu kuno Gilgal no,nemotang lo ngano taiti suei smu genang sgo kurban,ngano,taiti nemotang plesiksgo suei so punggo Tuhan nogo tangso. Saul nemogo sedue kabung Israel ei dabui yakai kangok.