Pasal 10
lo Saul Urapigo
1
Samuel buli-buli mang iti minyak gei srego ngano mang pi Saul go ingkabui blono. Nemodo nembuem kuong tebok gono mangpu,mot Tuhan nogo kwa urapi Raja Iryam so lemoi nang sgo nemogo tasmu yai suing gemang.
2
Ngeasuigo mot klonggo genam maitak ngeasuigo mot matugo sedue namon ei matugu Rahel go simu dagu so mang,Benyamin go yaknaso Zelzah nemotang lo mapu motsno,mot nga keledai-keledai so uwet go motugu.sni seguongso,mugo ayah mokai kunala mokwa nemot yakwa duing keledai-keledai sgo ngano,nemot dabui swali ei,ngano mangpu,genam sgo kalik so ya smu ago duo nogo?
3
Mot ma keklong ngasikso klonggo diterbantin mitno sepung dinganemot tabor somang. ngano,moy matugu sedue nangglik gei nemotang mang keklong WaliAyah mitsno Betel no. Sedue menolo kambing nok nangglik gei mulok,ngano sedeu menolo roti nangglik yamso,ngano duolo Anggur tempayan klaya.
4
Nemotanglo suei mang smu ngano motno roti namon ei maiti. modo seiti nemotanggo tasikso.
5
Ngano,mot mopung Gibea Waly Ayah,sip nga plesedue filistin go. Mot modugut kota nganemot sgo nametang munduim pengorbanan sikso ligo gambus ei mang mulok,rebana,suling ngano kecapi,ngano nemotang lo mapen,sgo-sgo nga maning kwalemoi go.
6
Ngano,waglo Tuhan sikso mali nemot blono mot mapendali. motang menosam so ma lemoi sedue kabung temung ngei yakwa kerlam.
7
Ku nganemotno nganemot kalik go molemoi klongmo, sesmu klong mugo talo sgosmusomo nga Waly Ayah mot dei mang.
8
Mot seli Gilgal no banim genam minsipso,kwa kai genam maweng mot mit nogo genamago taiti ngano ma puit koinogo taiti nang sgo ngano kurban suei smu gennag sgo. Mot se bung kutaiji taijiso namon yamso genam maweng ngano mapen motnogo mot sgo kebali ya yasmu.
Dmu sung koiso pupuitgo So Lemoi go
9
Ngano Saul ipgo mang klong Samuel lo itak, Waly Ayah lo nemogo dabui iwot go menosamso lemoi. Tasam nganemot lemoi go ku nganemot no.
10
Nemptang klonggo Gibea no mang pung,ngano mang ikum dmusung koi so pupuit go mataso mangweng nemot mit no.
11
Sedue kabung naklai banimgo sikso nemot sgo mosnunggo nemotang ta wasrang ngei glok go nemodo nembut pengo dmusung koiso pupuit go kalik sedue kabung mata sgolo mang pen klong. "Sgo kalik go ya lemoi nga Kish go danon nogo? Saul dmusungkoiso pupuit goso molemoi dali?
12
Sedue meno-menodei uwet golomang pu,nemogo ayah nando? ngasegoso mang usi,genam tup go membut bluem," Saul nemot dali ei dmusung koiso pupuitgo?
13
Nubuat gono,nemot mangklong bukit pengorbanan nogo.
14
Saul go wate lo mang usi nemotno ngano nemogo hambano," Motang nago sikso klong?" Nemodo mang pu,"Keledai-keledai so uwet. No,genam nang kwa tugu nga sgoso atang Samuel mitsno klong.
15
Saul go wate lo mangpu,"Genam nogo pen Samuel lo motamon no nembut sgo kalikso pen?
16
Saul lo mang pu nemogo wate no," Nemodo mang pu atamon no keledai-keledai nga motugu mang. no,Samuel nemogo sip suing Iryam sgo kwa pen samuel lo nemot no pengo,kwa pen.
Samuel lo Mot Mang Usi Saul Iryamso lemoi go
17
Ngano,Samuel lo mang usi saula nganemot plepgo TUHAN mitno Mizpa no.
18
Nemodo mangpu sedue Israel sno,ngekali kabe samklaut TUHAN siksgo,Waly Ayah Israel go,Genam lo sedue Israel Mesir sikso wawigo punggo Mezir sikso ngano motang itak go sedue Mesir go tasiksgo ngano yakna Mesir naklai nemotanglo motang masilo gualinggesiksogo.
19
....
20
Ngano,Samuel lo pugo Israel gotang naklai seweng dagu sno,ngano tang Benyamin goya mang kuoi.
21
Ngasikso,nemodo pugo tang Benyamin go ya mang bsi banim dagu sno nemogo tang yamtang yamso. Tang matri go mang kuoi,ngano minsip sgo Saul Kish go danon,mangkuoi. No nganemot,nemotang nemot so uwet go,nemot kwatugu.
22
Ngasegoso,nemotanglo mang usi TUHAN sno,"Sedue nganemot moweng nge snogo? TUHAN no mangpu,"Ikuma nemot ulong nesip bano mang sen.
23
Nemotang lo klonggo ngabasikso mang wawigouweng ngano nemot mang ip go nemogo saula klaya go siksogo nemogo saisuk walong nemogo sedue ei go kwa kerlam,yalu sikso itigo blosno.
24
Samuel lo mang pu nemotanggo saula nganemot no,ikuma sedue nga TUHAN no kuoigo! ngekalik,sedue nemot kalik go kwa,Israel go sedue. "Ngano saula nga nemodo sek mang iti, Waly Iryam!
25
Samuel lo mang pen saula nganemot no nemotang go sip suing, nemogo-nemogo yakna banogo,ngano mangklik sam klaut banogo,ngano kabe itak Tuhan go nemukuno,ngano,Samuel lo pu go saula nga nemot naklai-naklai nemogo yap sno mangklong nemogo-nemogo.
26
Saul nemogo yap sno mang klong Gibea sno, nemot no kenggo sedue gaga perkasa nemotanggo dabui Waly Ayah lo tamulok go.
27
No nga sgoso sedue kabung nga kunala sweikwago iseng kangok go ngekalik mangpu,sgokalik so sedue nge nemodogo imotang ya menyelamatkan imotang? Nemotang lo nemotso nembut piam-piam go pepen ngano nemotang go taiti nemot nogo yakwa itigo klong. no nemot nembut kwa tuot so susuing.