Tuigo

¹ Sedue meno Ramataim-Zofim siksogo, Efraimgo kumunduim siksogo, nemogo sui, nemogo sui Elkana bin Yeroham, bin Elihu, bin Tohu, bin Zuf, sikabung Efraim. ² Sedue ngenemot nemogo kabung namon. nemogo sui Hana, nemogo sui Penina. Penina go duo mang, no Hana duo kwa. ³ Yagui-yagui, nemogo kota sikso klonggo Silo no dewi pusgoso taiti TUHAN ku knan so lemoi won gonogo itigenang sgo. dmusung kai so pu puit go Eli nemago duo namon, Hofni ei Pinehas ei, nemotamon dmu sung koi so pupuit go ngaso. ⁴ Ku nga Elkana nemogo taiti ei itigo, nemodo temung mang itak Penina go tite, nemogo sumum, ngano nemogo duo naklai-naklai sedue denok kabung denok. ⁵ Nga sogoso, Hana no temung mang itak jaiji ya, nemot klum kangok Hana nogo TUHAN no nemogo sani mo kibet LO DABUI SADUI MANG SMU HANA NOGO

⁶ Nemogo nembut pentui dabui piam ei matra, TUHAN lo nemogo sani mo kibet. ⁷ Nganemot kalik so mang yagui-yagui. Kuno-kuno Hana maklong TUHAN go yap bano, Penina lo nemot dabui sadui tragenang sgo mo smu mo nemot uma kulo ngano ten yakwa dam. ⁸ Nemogo kinin, Elkana, nemot no mang pen, "Hana, mot sgo uso kulo? Mot sgoso ten kwa dam? Mot sgoso dabui sadui tra? genam nogo mugo klum kangok yakwa kerlam due sedue denok tamamon neigologo. GO DEWI

⁹ Nemotang Silo no tendam bu drop, Hana ipgono. kunganemot no, dmusung koi so pupuit go Eli sip suimg blono mang suing Kiwali Aya go yap bano. ¹⁰ Hana go dabui kujop kalik mang sbuk, nemot dewi mang pu uei TUHAN sno usuget dei iti.

¹¹ Ngano, nemodo nazar mang smu, ngekalik "Ya TUHAN kuknam so lomoi go, smiso mot ago dabui mo ikum tegoi mo genam-mugo tamot, genam nogo sepen, ngano genam-mugo tamot genam kwa kai, karunia karunia siti genam nge-mugo tamot. nge duo sedue denok, duo ngenemot TUHAN no go nangso, ngano tengamsue logo nemogo butolop yakwa endok. ¹² Nemodo kuno woino dewi pupugo Tuhan sno, Eli nemu matui nemogo lomno. ¹³ Hana lo nembut mang pen dabui balo. nemogo lom menop goya ikum,nembut kluim ma kwa tup. nganemot ikum goso Eli lo duing go kabung nge mo yane bulo. ¹⁴ Ngano Eli lo mang pu nemot sno,kunago yamso ya mot mot yane? nga sno seitak anggur nga mot sik sgo," ¹⁵ Ngano,Hana nembut mang tuot,"kwa,Tuiam,genam nge kabung dabui saduiduduinggo. genam nge anggur sadui Tuhan sno kabe taling. ¹⁶ Motang lo nge kalik kwaduing tamot nge kunala suei kwa go,ago duduing ngano ago dabui sadui kangok dega nga sgoso genam pepen ngeasui gono kabe pupung." ¹⁷ Ngano,Eli lo mang pu,klong dabui demo se bitep. Kiwaly Ayah Israel go taiti mot nogo se iti mogo duduing selomoi mogo mogo wadonggo kalik nemot nogo. ¹⁸ Hana lo nembut mang tuot,"Nogo mugo tamot nogo klum maseweng mugo nemu kuno. Ngano,kabung nganemot mang klong. nganemot no.nemot tendam sgo mangduing ngano nembuem nemu sikso ikum go nemot umoitak. ¹⁹ Nga utep,nemotang bonggo wadi kwa sni,nemotang samklaut ikumgo dewi mangpu Tuhan go nemukuno.ngano nemotang mangklong nemotang go yap rama sgono. ngano Elkana Hana ei srekgo,nemogo snun ei,Tuhan lo mang snung duduing nemot nogo weng nemot nogo. ²⁰ unganemot mapungayun,Hana duo nuso,ngano mang tui duo sedue denok, nemogo sui Samuel,ngekali mang pu genamlo Tuhan sno wadong gono itigo, ²¹ Elkana,sedue yangga nemot,mangklong nemogo sedue kabung yap basogoei taiti Tuhan nogoei mang iti go klong yagui yam nogo taiti nazar. ²² No,Hana yakwa klong,nemodo mang pu nemogo sedue/kinin no,duo yangge nemot kangok gano,atdo nemot ma wawigo Tuhan sno ma klonggo ngano maitak go ngaso masusuing." ²³ Elkana,nemogo sedue/kinin,nemot no mang pepen,"Takebali se smu modo sgo kalik duinggo nga suei mot sesuing nemot kangok sgo,ngano Tuhan nemogo duduing malemoi, nganemot no kabung nganemot mang suing go nemogo duo min mamng linguit go nemot kangok genang kedaso. ²⁴ Denok ganemot kangok gono,nemodo sapi mang wawi go klong kemsi klaya yagui nangglik nogo,tepung efa klaya,ngano anggur saula kabui klaya,ngano maidok go klong Tuhan go yap bono Silo so. ku nganemot no duo nganemot maning seguai. ²⁵ Nemotang sapi kemsi duoi lo itigo,nganoduo seguai goei mang klong Eli mitno. ²⁶ Ngano mang pen,"suiso mot,ago ayah wali eigo,genam nge kabung banim go sikso genam ngeno mo suing/ ngeno moip,ayah mot mitno,dewi pupu genang so Tuhan nogo. ²⁷ Duo ngenemot iti genang sgoso,atdo dewi pupu ngano Tuhan no ago duduing kabe lemoi nga ado wu wadonggo nemot sno. ²⁸ Nga sogoso,ado nemot Tuhan sno kabe iti,kaiso nemot ago taiti Tuhan snogo nemodo kabe iti,"ngano nemotang susu bu mang wia Tuhan sno.