Pasal 1
He ino kain age Wasti Welaike mene wulekesukwa wene
1
At Ahasyweros werek oba-ati ebe Ahasyweros ebe inoe kain etege werek o sili ebe lopok 127 huliba o India nen motok pikit o Etiopia huli nen aweama hagasek welaike-,*
2
Ineki ake atem welaukwa ati, at inoe kain etage werek ahasyweros ebe Susun a'la huli palek welaike,
3
Ineki ake wam mauge henagan warogo nen at aweama hagasek welaikesik en, eki ake oba at en apuni inougi kaintek inetege werek nen ayabu halarek mene hesik inom pesta 'isago nasukw. ap inasike hago mene inaua Persia mene nen ake Media mene, ap kaintek nen ukuloak o sili lopok hago welaikarek mene at oba waukwa,
4
At en agorok poke ya etage pogot logolik nen aguk pauksek hanoma logolik eki ebe lopok werekolek,180 huli hagalaike.
5
Ineke ake atem oba arat hagalaimoko re, Inoe kai etage werek en pesta isagago nasak oba apuni inebe obogat lapukogo inougi kaintek welaikarek oba Susan werekma kisukwa, Ap inetage werek mel apuni inetage abelmake welaikarek mene mel kisukwa,kisukwasik Ineo kain etage werek werekma awulu ineki 7 huliba pesta isago niko welaukwa.
6
Inoe kain awulu hiasi su pogoka Tirai Lenan eloken kut mene ake eloken kerekapalek mene, hele su pogoka Lenan eil hapuksek mene oba eloken loge warek hake mene sikan perak oba ugu mene oba hapelogo e atuli marmer telik oba halogo hisukwa. opoloba talek he marmer eloken mem,kereka,kut nen muli,dipan oba emas nen perak oba halogo selekma hisukwa.
7
It en ''i soak emas oba halek mene i a'la ke keraligik hisukwa,nen isoak ebe lobok eloken hunik-hunik mene hisukwa. I anggur inougi kaintek welaikarek motok apik oba hilarek werekma inoe kain etage werek ati etauken seberek welaike.
8
I keralek werekma we nasak oba higit hogoat nasukwa ake ineramen ninghogo nani iluk yogosigilek, ati nen Inoe kain etage werek en ap inougi inetage werek kaintek welaikarek oba mene werekma yogosigilogolik i ati apuni ake inala walok noak iluk isike.
9
He Ratu Wasti hogo re hemi hugi inom pesta o ap inoe kain etage werek Ahasyweros welagarek oba halogo nasukwa.
10
Ineki paigoak atiba pesta isatukwa mene re, Inoe kain etage pogot he i anggur hinago nasikesik a'la hai apik akasike, at en Mehuman, Bizta, Harbona, Bigta, Abagta,Zetar, nen Karkas mel yogosasike,
11
He Ratu Wasti wolok inoe kain etage werek oba wesuageip en he ukuloba karekare kaintek inetage werek itarek mene igogo wolok weno iluk isike, he ati apuni nen ebe hano lakoak, nen at ebe re he tugum hanogo.
12
Ati nen he, inoe kain etage werek ane isike mene He Ratu Wasti nen ane hologo higit hogo halugun lek iluk ayabu at welagarek oba halelaukwa mene ati yogosasikomo at ebe amage huko mene liagasogo hisukwa.
13
Nen, inoe kain etage werek en apuni wene inala kauksek mene inoba hinok waogosasike, o oawut oba hagalaganem lakelik hutagarek mene nen ati hake inoe kain etage werek oabut higit mene apuni ukum palarek awerugi inelu mene nen ukum sigipogo palarek mene inebe obota lapukogo hesik inelutesukwa,
14
Nen apuni inoe kain etage werek inom horogat mene: Karsene, Setar, Admata, Tarsis, Meres, Marsena, nen Memukan, ap kaintek inebe 7 nen o Persia nen Media mene it ati nak he inoe kain etage werek inom elok apiasusak nen it inebe inayau huko ap inogogi kaintek welaikarek oba yabu halo welaukwa,
15
" Ukum welagarek oba higit hogo re, Ratu wasti hesik kinogo halusak nen at en inoe etage werek ane hologo halilekma at welagarek oba ayabu halarek mene nen at yogotukwa?"
16
Inoe kain etage pogot ei'lanem mel yabu halasek mene ineilanem, ane iske memukam ane igilogolik,''He Ratu Wasti nen inoe kain etagepogot oba ake yinak weak hale lek, meneat he at kaintek inetage pogot inebe obogat inoba nen apuni inebe obogat o inawi ukul lopok inoe kain etage pogot Ahasywereos inoba weak hagate.
17
Nen at he Ratu oabut oba hemi obogat it atoma mene it inaguni inoabut oba igilogolik,'Inoe kain etage pogot Ahasyweros en he Ratu wasti'an noba wesuak 'iluk kino isike,mene re at en oba wesusak abit en kamoikasike,'
18
O yogotak'ne yiba, ap inoek kain etage pogot Persia mene age nen Media mene arat asuk holike re he Ratu oabut ati mene ap inogi kaintek inetage pogot inoba agogoat isike,nen ato wene weak mene seken waganogo nen weak halike.
19
Nen wene yi at inoe kai etage pogot a'la nen ebete, inoe kain etage pogot en ane palogo wulauak nen ane palogo suesika oba higilogolik it apuni Persia mene nen Media mene hesik wene ane palek ati oba torogo lakusak lek iluk wulapike, atiba Wasti nen inoe kain etage pogot oba lagilek kamoisike, nen inoe kain etage pogot en he Ratu oguluk logousak oba hemi ake at obat heke lek hano mene logouagaluk wogosasike.
20
Inoe kain etage pogot at ane isike mene ati o at welagarek oba hukoma atoma nen obogat lapukogo ane wulapike ati, hemi inepe lopok en inaguni inane aguk hogo yogosasak, inaguni inebe yabu hukotek mene werek mene a magatek werek mene a inane agouk hogo yogosasak.''
21
Yinogo halugun ati iluk inoe kain etage pogot a'la walok oba nen ap inougi inetage pogot nen inoe kain etage pogot en Memukan ane isike mene higit hogoat halike.
22
Nen, inoe kain etage pogot en suesika oba holal palogo ap inougi kaintek obogat inoba o ugul etage lopok inane egarek higit hogo holal palogo lakesike nen apuni inukul etage lopok it inane egarek higit hogo ap hugi ukuloak lopok halogo inaliketek logoini,''iluk isike.