(Salomo O Okawerek Awi Tegelak Hano Welagarek Mene Wutike Wene) ¹ Salomo o Ninopase Etagepogot awi o Yerusalem tom Moria oba wusigeluk halike, atire oguluk atem Salomo opase Daud Ninopase Etagepogot en okawerek en eilekan lakasike oba. Salomo o oguluk wusigin isike ati Daud en arat heragasogo hisikeba, keang'ma wabun hutagarek oba Ornan, ebe aua Yebus mene ati welaike. ² Salomo o wusigeluk hagasike ati tugi pire hollelogo, tahun ekaminogo warogo at aweama hagasek welaike atem higit hogo. ³ Salomo o Ninopase Walowak awi wusigeluk ilireke ama mene alep agik walasike, uan he 30 nen nukulik he 10 ilireke oba walogo hisike. ⁴ Selepon o eloke ati ilireke uan he 10 o wurik nukulik mene higik ati, nen eligik mene ilireke uan he 60 huliba. Selepon talek akit atla ke elokoma emas ebe nak oba opoloake labetukwa. ⁵ Atiba lagakogo at en e sabia sanobar mene halek atla huko sekelek oba hogat lebetukwa. Atiba lagakogo e sabia a'nogo bake emas enak opoloa labetukwasik ake e kurma abigit wagak halugasik nen sikan hake walinggirik mene opoloa halogo hisukwa. ⁶ At en Ninopase Etagepogot awi helep oko uan at mene oba oke hanorogo halogo. Emas halogo hisike re Parwaim oba. ⁷ Ninopase Etagepogot awi wurik'mo a'lake akit emas oba opoloake lebeligik hisukwa. E balok pogot-pogot, e nukulik lago ke, hogat obake,nen kwe apebake emas opoloake labetigik hisukwa. Hogat oba ke pogot oba nen yogo pelaksawagarek mene Kerub apigit haligik hisukwa. ⁸ Atiba lagakogo at en oguluk aligat mene tegelek kek hogo halogo hisike. Ilirek uan he 10 huli nen ilireke nukulik he 10 huli at, Ninopase Etagepogot awi wurik nukulik mene obogat ati. Hogat sekelek aligat keksek mene emas enak huko 600 eka Syikal mene opoloake labetigik hisuwa. ⁹ Hele papku-paku ekin emas 50 eka syikal oba hisukwa. Sekelek abel oke mene emas oba opoloake labetigik hisukwa. ¹⁰ At en sekelek aligat kek sek oba pogot oba nen yogo pelaksawagarek mene Kerub aliwit waganek halogo hisukwa. Yabu halarek mene nen pogot oba nen yogo pelaksawagarek mene Kerub aliwit waganek hake ati emas opolake labetigik hisukwa. ¹¹ Pogot oba nen yogo pelaksawagarek mene Kerub aliwit waganek ebe lopok ogolabi ilireke uan he 2,5 huli. Ilirek uan obogat lapukogo 10 huliba. Pogot oba nen yogo pelaksawagarek mene Kerub aliwit waganek hake alep agik mene o sekelek'ma hogat oba horokogo hisukwa. Pogot oba nen yogo pelaksawagarek mene Kerub aliwit waganek hake ogolabi ake pire halek oba tip hogo hisukwa. ¹² Atiba ake pogot oba nen yogo pelaksawagarek mene Kerub aliwit waganek kahe pire oba ogolabi ilireke uan he 2'5 huliba, hetakit hunigat mene oba o sekelek ati hisukwa, nen ogolabi omoke, pogot oba nen yogo pelaksawagarek mene Kerub aliwit waganek hake alep agik hisukwa a'nogo oba tip hogo hisukwa. ¹³ Pogot oba nen yogo pelaksawagarek mene Kerub aliwit waganek pire ati ogolabi langsek ilireka uan he 10 huliba. Pogot oba nen yogo pelaksawagarek mene Kerub aliwit waganek halek pire ati eloke o sekelek aligat kek sek'ma lagasogo metek welaike. ¹⁴ At en su eloken wiayuken warek hake ungu tua, su wiayuken warek hake ungu muda, su kirmizi kain nen su lena eil sigil hapuksek, ake pogot oba nen yogo pelaksawagarek mene Kerub aliwit waganek halek tirai kwe palek logousak mene ati halike. ¹⁵ At en Ninopase Etage pogot awi wurik'mo e atuli selek'ma hilik laike, ilireke uan he 17,5 huliba ukuloak e atuli pire ati ilirek uan he 2,5 huliba. ¹⁶ At en untaian sikan walinggik hagarek nen e atuli abel poke ati ba haligik hisukwa. At en delima 100 mene nen sikan walinggik werek'ma ati bake hilik laike. ¹⁷ Atiba lagakogo Nninopase Etage pogot awi wurik'mo e atuli ati soulam akit hilik laike, atuli ake ineki eboke akit hisike,nen e atuli ake ineki peike akit hisike. E atuli ineki eboke etage "Yakhin." Nen ineki beike peike etage "Boas." "iluk isike.