(O okawerek Awi Tegelek Hano Welagarek Mene Wususak Hesik Halukwa Wene) ¹ At Salomo o ake Ninopase Etage pogot etageba nen ake inoe kain etage werek at okawerek lagousak hesik wusugun isike. ² At en inebe yabu halusak 'iluk 70.000 huliba yogosasike nen o tom oba e ako holelogo auak halusak mene inebe 80.000 huliba. At en yabu halo kolek yage logousak mene hesik inebe 3.600 huliba wogeinapike. ³ Atiba lagakogo Salomo nen ap ake inoe kain etage werek Huram mene o Tirus oba lan iluk wene warogo lakesike. Salomo nen igilogolik, "Nopase, Daud lebetigilaigin a'gono eperak higit hogo an lebeneanok. Hat en e Cedar arat lakeiagino at ebe logousak oba hesik wutike. ⁴ Eberogat mene, an nen o okawerek awi tegelek hano mene Ninopase Etage pogot, Walowak etage ba wusigin. O okawerek awi wurik'mo ati nit en dupa weragosogo elokoma liakigik nen ninuke nanuke supuruk Roti weragasogo higik ake okawerek hesik hai warogo ohealegat hup siak hogo nen homanoke mo korokogo kikololek etu loletilogousak, ineki oakwerek awi wetewerogo hakasikeba, tugi ket holelenem, nen ineki ato isago nikilogolik halelogousak oba horogat aganem halusak. ⁵ An nen o okawerek awi hukorogo wusigin nen Walowak nit mene ebe motok huko mene at he we keang'ma yoma ake hogoratarek mene hake lek. ⁶ Apuni ake nen o Ninopase Walowak a'la husak oba hesik ake wusugun motok lek. Pogot oba, ake pogot abel poke Ninopase Walowak logousak oba lek hagalaga, atiba an nen o okawerek awi hesik Ninopase Walowak a'la logousak oba wusigin lek. An o wusigin he oguluk dupa weratelogousak hesik At hesik hagoratiloigin. ⁷ Yogotak emas, perak, tembaga, besi, su eloken wiayuken werek hake, su Kirmizi nen su eloken kereka hake ake inetauken sekelek ake mene ake mene elok halusak inelu mene laksawesusak hesik an hat hoba kino igi. At ebe yabu o yoma haliloigin, o Yehuda, nen Yerusalem nopase nen o wutarek mene wetewetigik hisasike. ⁸ E cadar, e sanobar, nen cendana o Lebanon mene e atoma an hesik lakeiweno. An nelu hat hayabu halogo haegarek mene e o Libanon aroma mutenem ineki ineki hano. An hesik yabu halarek mene hat hayabu halarek mene teberisogon ⁹ Ati hesik e motok apik hogo hagalogo O okawerek awi hukoro wusumo nen hogoratilougun. ¹⁰ Hat hayabu halarek mene nen E musugun halok an nen 4.400.000 liter gandum al tagalek, 125.000 huliba jelai a'la kalogo, 440 liter anggur, nen 440.000 liter amusu ineki oko wogosegen.'' ¹¹ Atiba nen lagakogo Huram en wene oko salomo yogotike nen weni yi at yogosilano: ''Ninopase Etage pogot Aginapuri hesik etabi hisasike. Nen atire, At en it hesik inoe kain etage werek wetewerogo hisike.'' ¹² Huram en igilogolik, "Ninopase Eatgepogot, walowak Israel mene hogotapi! At en keang pogot elalogo hisike nen haput ake oabut higit, atla yikagalek yikagalek welagarek nen ebeterek, Ninopase Etage pogot awi wusigin, ake okawerek logosak oba inomat wusigin. ¹³ Yogotak ap ake atla kagalek nen hutikerek mene etage Huram Abi an nen hat hoba lakeiwesigin, ¹⁴ At hemi inukuloak Dan mene ineak, opase ebe aua o Tirus mene. Huram Abi yabu emas, perak, tembaga, besi, helep, nen e, su wiayuken werek hage,su kereka hake, nen su kirmizi halo motok eluk. At hogo yabu ilireke walagarek mene obogat halusak enak nen halasusak oba nen yabu halin 'iluk wogotenem elok wususak enak. At en yabu hat mene o wutarek mene inom nen o wutarek mene inoe kain etage werek Daud, an nopase mene inom yabu halugun. ¹⁵ Yogotak at en wogosegen 'iluk isike mene amonogo gandum, jelai, amusu mene nen anggur an naginapuri inoba lakewesuak. ¹⁶ Nen nit e o Lebanon hat halusak egen higit hogo apik hogo musugun. Nit en hele homagasogo nen i laut yekelek o sili Yope ke wolok wesugun, atiba lagakogo hat en o yerusalem wolok lano.'' ¹⁷ Atiba, Salomo nen apuni etake mene Israel werek welaukwa mene inebe obogat eki wenageinapike. Daud, opasenen eki wenatike higit hogo at, it en inebe 153.600 huliba nen apuni etake mene o ati welaukwama. ¹⁸ It inebe ati mene, Salomo nen 70.000 huliba wetewerinapike, apuni yimene timene wolok laguke, 80.000 huliba, apuni tom oba pisok oba ake apuni-apuni halarek inelu mene, nen apuni yabu halokolek yage logousak hesik 3.600 huliba wogeinapike, "iluk isukwa.