¹ Teguu' do anan, Kaisar Agustus musang pesuhuu' sebe ga' adakan nah sensus man lim penduduk ha' lim dania. ² Ani' nah sensus penduduk alang tahari' kali ga' adakan teguu' Kirenius jadi gubernur ha' Siria. ³ Maka, lim kalunaan nekulaah ha' kuta asal daha' pedap-pedap jung mendaftarkan diri'. ⁴ Yusuf pun mela' Nazaret, kuta ha' Galilea, dahin te ha' Yudea, ha' kuta Daud alang ga' uvi' Betlehem, kenan hia' berasal man garis keturunan Daud. ⁵ sebe hia' ga' daftarkan peji' dahin Maria, tunangan na' alang tengaah mali'. ⁶ Teguu' Yusuf dahin Maria te' ha' Betlehem, atang nah do na' ta' Maria jung nganaa'. ⁷ Maria pun nganaa' Anaa' lake' na' alang tahari'. Hia' membungkus-Hia' dahin kain lampin dahin ngemiri'-Hia' ha' halam palungan kenan jaan te' nguaa' kamar man daha' jung tuduu' ⁸ Ha' daerah alang tiah, te' kuri' gembala alang mela' ha' padang jung jaga kawanan dumba daha' teguu' do malam. ⁹ Takjat, malikat Tanangaan nekering ha' nang daha' dahin kemuliaan Tanangaan malaah ha' sekeliling daha' atang daha' takut laan. ¹⁰ Tapi, malikat anan duaan ta' daha', "Am takut kenan ngering nah, Akui mai daho' ta' ika' daho' sayuu' alang ga' peruntukkan bagi lim bangsa. ¹¹ Tegu do ani', au nganaa' nah man ika' ji' kalunaan Juru Selamat, Kristus, Tanangaan, ha' kuta Daud. ¹² Ani' nah tanda man ika': Ika' sang havung Bayi alang ga' bungkus mete' kain lampin dahin miri' ha' halam palungan." ¹³ Takjat, tampak nah peji'-peji' malikat anan sekumpulan taya' tentara t'lang julaan alang memuji Tipang dahin duaan, ¹⁴ "Kemuliaan man Tipang ha' ngayaan alang bo dahin damai sejahtera ha' bumi, ha' antara d'kalunaan alang berkenan ta'-Hia'." ¹⁵ Teguu' lim malikat mela' lim gembala anan dahin nekulah ha' t'lang julaan, lim gembala anan duaan ji' dahin alang bale, "Te ta' ha' Betlehem jung nginaang gat-gat alang au Tanangaan gi' ta' ita'." ¹⁶ Lalo, daha' haring-haring te dahin havung Maria dahin Yusuf, serta Bayi alang miri' ha' palungan. ¹⁷ v 17 Teguu' lim gembala nginaang Hia' daha' megi' daho' alang ga' duaan ta' daha' tentang Anaa' anan. ¹⁸ Dahin lim kalunaan alang ngering gat terani' ne hiran ta' gat-gat alang ga' duaan lim gembala ta' daha'. ¹⁹ Tapi Maria melo' gat ani' dahin merenungkan-ina' ha' halam kenap hia'. ²⁰ Lalo, lim gembala nekulah ta' dumba-dumba daha' sambel memuliakan dahin ne memuji Tipang ta' lim alang au daha' nginaang dahin ngering kelung ga' duaan ta' daha'. ²¹ Dahin, au genap saya' do jung ne nyunaat Bayi anan, araan-Na' ga' uvi' Jisus, kelung araan alang ga' ai man malikat sebelum Hia' ga' kandong ha' halam rahim. ²² Teguu' do-do penyucian tiah hukum Musa jung ne menyerahkan-Hia' ta' Tanangaan. ²³ kelung alang ga' tulis halam hukum Tanangaan, "Putung anaa' lake' sulung harus ga' kuduskan man Tanangaan. ²⁴ dahin jung mai persembahan tiah dahin nun alang ga' duaan halaam hukum Tanangaan, hia' ti' ji' pasang manuk dara atau dua' ikoh manuk merpati muda." ²⁵ Te' ji' kalunaan lake' araan Simeon alang mela' ha' Yerusalem. Hia' kalunaan alang laan dahin saleh, alang kave-kave penghiburan Tipang ta' Israel, dahin Roh Kudus peji' hia'. ²⁶ Roh Kudus mai daho' bahwa hia' jaan akan mate sebelum nginaang Kristus alang ga' urapi Tanangaan. ²⁷ Lalo, Simeon atang ha' Uma' Tipang husun tuntunan Roh Kudus, teguu' Yusuf dahin Maria geri' Bayi Jisus ha' Bait Tipang jung melaksanakan ta'-Hia' nun alang au ga' tentukan man hukim Taurat. ²⁸ Au anan, Simeon menggendong Bayi anan dahin memuji Tipang, kurin na', ²⁹ "Kere, ya Tanangaan, kira na' Ika' mengizinkan pelayan-Ka' ni' te halam damai, tiah dahin firman-Ka'. ³⁰ kenan mataan kui au nginaang keselamatan-Ka', ³¹ alang au Ika' sediakan ha' nang lim bangsa; ³² hia' nan malaah alang sang mai malaah d'bangsa-bangsa alang mam jaam Tanangaan, dahin alang jadi kemuliaan bagi umat-Ka', Israel." ³³ Yusuf dahin hinaan Anaa' anan jadi hiran ta' nun alang ga' Simeon duaan tentang Hia'. ³⁴ Au anan, Simeon memberkati daha' dahin duaan ta' Maria, hinaan Jisus, "Ngering, Anaa' ani' au ga' tetapkan jung na' lega' dahun ngebiti'kan ngahum kalunaan ha' Israel, serta jadi tanda alang ga' tentang ngahum kalunaan. ³⁵ (Dahin, ji' bilah malat sang nusuk ta' jiwa ka') sebe isi kenap ngahum kalunaan sang ga nyatakan." ³⁶ Ha' tinan pun te' ji' kalunaan nabiah araan na' Hana, anaa' Fanuel man suku Asyer. Hia' au muku' laan. Hia' hanya murip dahin hawan lake na' atang tusu' duman au pehawa' hia', ³⁷ dahin au anan jadi janda atang 84 duman. Hia' jaan kalak mela' Uma' Tipang, tapi beribadah siang dahin malam dahin berpuasa dahin sabayaang. ³⁸ Teguu' do anan, atang nah Hana dahin hia' ne ngucap syukur ta' Tipang serta mai daho' tentang Jisus ta' lim kalunaan alang kave penebusan Yerusalem. ³⁹ Au Yusuf dahin Maria na'lim gat tiah hukum Tanangaan, daha' nekukah ha' Galilea, ha' kuta asal daha', Nazaret. ⁴⁰ Anaa' anan pun bertumbuh makin taya', mahing, penuu' dahin hikmat, dahin Tipang memberkati-Hia'. ⁴¹ Putung duman, taman hinaan Jisus te ha' Yerusalem teguu' Do Raya Paskah. ⁴² Teguu' Jisus umor dua' puluu' dua' duman, daha' te ha' tinaan tiah dahin kebiasaan do raya anan. ⁴³ Au perayaan anan pah, daha' lap. Namun Jisus tetap mela' ha' Yerusalem tanpa sepengetahuan taman hinaan-Hia'. ⁴⁴ Kenan taman hinaan Jisus ngira bahwa Hia' te' ha' antara rombongan, daha' pun ne ngelanjot alaan atang ji' do penuu'. Lalo, daha' nahari' ilo-Hia' ha' antara kaum d'amin alang daha' jaam. ⁴⁵ Teguu' daha' jaan havung Jisus, daha' nekulah ha' Yerusalem jung ilo-Hia'. ⁴⁶ Au telo' do, daha' havung Jisus ha' Uma' Tipang tengaah melo' ha' antara d'guru agama, sambel ngering dahin ne mengajukan pertanyaan ta' daha'. ⁴⁷ Lim kalunaan alang ngering-Hia' ne hira-hiran ta' pengetahuan dahin jawaban-jawaban-jawaban Hia'. ⁴⁸ Teguu' taman hinaan-Hia' nginaang Hia', daha' pun hiran. Lalo, hinaan-Hia' metang, "Nak, na' nun Ika' na' ani' ta' kame'? Taman-Ka' dahin akui cemas laan ilo ika'." ⁴⁹ Sue Jisus ta' daha', "Na' nun ika' ilo Akui? Jaan jaam kah ika' Akui pasti ta' ha' uma' Ame-Kui?" ⁵⁰ Tapi, daha' jaan jaam nun alang Hia' duaan ta' daha'. ⁵¹ Lalo, Jisus lap peji' daha' ha' Nazaret dahin menuruti daha'. Namun, hinaan-Hia' melo' daho' anan ha' halam kenap hia'. ⁵² Jisus pun bertumbuh makin bijaksana. Hia' pun makin ga' ikam Tipang dahin manusia.