¹ Teguu' duman ke puluu' kima' masa pemerintahan na' Kaisar Tiberius, teguu' Pontius Pilatus jadi gubernur ha' Yudea, Herodes jadi hipi' Galilea; Filipus harin Herodes jadi hipi' ha' wilayah Iturea dahin Trakhonitis; dahin Lisanias jadi raja Abilene, ² Hanas dahin Kayafas menjabat sebagai imam agung, atangnah firman Tipang ta' Yohanes, anaa' Zakharia, alang mela' ha' padang belantara. ³ Maka, te nah Yohanes ha' lim daerah ha' sekitar Yordan dahin mai daho' baptisan pertubatan jung pengampunan dusa. ⁴ kelung alang ga' tulis ha' halam kitab Nabi Yesaya: "Ani' nah dahun kalunaan alang pebuka'-buka' ha' padang belantara, 'Siapkan nah alaan man Tanangaan, tutokan nah alaan man-Hia'. ⁵ Putung lembah sang ga' timbun, dahin putung gunung dahin bukit sang ga' ratakan. Alaan alang berliku-liku sang ga' tutokan, dahin putung alaan alang mam rata ga' muluskan. ⁶ Dahin lim kalunaan sang nginaang keselamatan man Tanangaan!"' ⁷ Lalo, Yohanes duaan ta' kalunaan banguu' alang atang jung ga' baptes kenan hia', 'Hai, ika' keturunan nyipa' beludak! Hi' alang memperingatkan ika' jung ngeliung diri' man murka alang sang atang? ⁸ Kenan anan, hasilkan nah bua'-bua' alang nujokkan pertubatan ka'. Am duaan ta' ika' dap, 'Abraham uku' aya' kame'!' Akui duaan ta' ika' laan na' man bato'-bato' ani' Tipang haman ne membangkitkan anaa'-anaa' ta' Abraham! ⁹ Bahkan, man kere kapak au ga' lo' ha' akar puhon. Putung puhon alang jaan menghasilkan bua' alang sayuu' sang ga' putong dahin ga' so ha' halam api." ¹⁰ D'kalunaan metang ta' Yohanes, "Ha' nunan, nun alang harus kame' na'?" ¹¹ Hia' nyuee, "Putung kalunaan alang hipun dua' basung, hia' harus membagi ina' dahin kalunaan alang mam hipun. Dahin, putung kalunaan alang hipun makanan, harus na' gat alang tiah." ¹² Kuri' pengumpul pajak pun atang jung ga' baptes. Daha' metang ta' Yohanes, "Guru, nun alang harus kame' na'?" ¹³ Yohanes megi' daha', "Am mihir pajak lebi' man alang ai ga' tetapkan ta' ika'." ¹⁴ Kuri' tentara metang ta' hia', "Nuno' dahin kame'? Nun alang harus kame' na'?" Yohanes duaan ta' daha', "Am ake kelupah ta' hi' pun secara paksa atau dahin tuduhan amoh. Sukupkan nah ika' dahin gaji ka'." ¹⁵ Teguu' lim kalunaan tengaah mengharapkan atang na' Mesias, daha' pah metang ha' halam kenap tentang yohanes, Hia' ni' Kristus atau jaan. ¹⁶ Yohanes nyuee daha' dahin duaan, "Akui membaptes ika' dahin ata'. Tapi, Ji' kalunaan alang lebi' berkuasa man akui sang atang. Jung ma'ap tale' sandal-Hia' pun akui mam layak. Hia' sang ga' baptes akui dahin Roh Kudus dahin api. ¹⁷ Alat penampi au te' ha' usuu-Hia' jung membersihkan lantai pengirikan dahin jung mengumpulkan gamdum alang sayuu' ha' halam lumbung-Na'. Tapi, Hia' sang nutung sekam ha' halam api alang jaan akan pernah param." ¹⁸ Dahin ngahum nasihat alang bale, Yohanes ne mengajarkan Injil ta' ngahum kalunaan. ¹⁹ Tapi, kenan Yohanes menegur Herodes hipi' wilayah, ta' gat alang hia' na' dahin Herodias, hawaan dooh harin Herodes, dahin lim gat ula' alang au hia' na', ²⁰ maka Herodes menambahkan ani' ha' husun lim ina' dahin menjebloskan Yohanes ha' halam penjara. ²¹ Teguu' lim kalunaan ga' baptes, Jisus pun ga' baptes. Dahin, teguu' Hia' sabayaang, langit pa'ap, ²² dahin Roh Kudus ngileh ha' husuun-Hia' halam wujud manuk merpati. Lalo, te' dahun man langit dahin duaan, "Ika' Anaa'-Kui alang Akui kasihi. Ta'-Ika' lah akui berkenan." ²³ Teguu' Jisus nahari' pelayanan-Hia', Hia' berumur kira-kira na' telo' puluu' duman. D'kalunaan berpendapat bahwa Jisus anaa' Yusuf. Yusuf anaa' Eli. ²⁴ Eli anaa' Matat. Matat anaa' Lewi. Lewi anaa' Malkhi. Malkhi anaa' Yanai. Yanai anaa' Yusuf. ²⁵ Yusuf anaa' Matica. Matica anaa' Amos. Amos anaa' Nahum. Nahum anaa' Hesli. Hesli anaa' Nagai. ²⁶ Nagai anaa' Maat. Maat anaa' Matica. Matica anaa' Simei. Simei anaa' Yosekh. Yosekh anaa' Yoda. ²⁷ Yoda anaa' Yohanan. Yohanan anaa'Resa. Resa anaa' Zerubabel. Zerubabel anaa' Sealtiel. Sealtiel anaa' Neri. ²⁸ Neri anaa' Malkhi.Malkhi anaa' Adi. adi anaa' Kosam. Kosam anaa' Elmadam. Elmadam anaa' Er. ²⁹ Er anaa' Yesua. Yesua anaa' Eliezer. Eliezer anaa' Yorim. Yorim anaa' Matat. Matat anaa' Lewi. ³⁰ Lewi anaa' Simeon. Simeon anaa' Yehuda. Yehuda anaa' Yusuf. Yusuf anaa' Yoham. Yoham anaa' Elyakim. ³¹ Elyakim anaa' Melea. Melea anaa' Mina. Mina anaa' Matata. Matata anaa' Natan. Natan anaa' Daud. ³² Daud anaa' Isai. Isai anaa' Obed. Obed anaa' Boas. Boas anaa' Salmon. Salmon anaa' Nahason. ³³ Nahason anaa' Aminadab. Aminadab anaa' Admin. Admin anaa'Arni. Arni anaa' Hezron. Hezron anaa' Peres. Peres anaa' Yehuda. ³⁴ Yehuda anaa' Yajub. Yakub anaan' Ishak. Ishak anaa' Abraham. Abraham anaa' Terah. Terah anaa' Nahor. ³⁵ Nahor. anaa' Serug. Serug anaa' Rehu. Rehu anaa' Peleg. Peleg anaa' Eber. Eber anaa' Salmon. ³⁶ Salmon anaa' Kenan. Kenan anaa' Arpakhsad. Arpakhsad anaa' Sem. Sem anaa' Nuh. Nuh anaa' Lamekh. ³⁷ Lamekh anaa' Metusalah. Metusalah anaa' Henokh. Henokh anaa' Yared. Yared anaa' Mahalaleel. Mahalaleel anaa', ³⁸ Kenan. Kenan anaa' Enos. Enos anaa' Set. Set anaa' Adam. Adam anaa' Tipang.