¹ Au anan, Jisus ne menetapkan tusu' pulu' kalunaan pengikut lang ble, dahin Hia' nyuhuu' daha' leka' dua-dua' jung una' man-Hia' ha' putung kuta dahin ngayaan alang sang Hia' nagah. ² Kurin-Hia' ta' daha', "Hasel panen saja ngahum laan, tapi alang nyadi in' uk tua'. Kenan anan, ake nah ta' Tuan alang hipun hasel panen nan jung ne mengutus daha' penyadi-penyadi sebe mengumpulkan hasel panen-Na'." ³ "Tenah! Akui ne mengutus ka' kelung anaa' dumba ha' tebeluaa' kawanan serigala. ⁴ Am ne geri' kantong kelupah, tas, atau sandal. Dahin, am nah ne menyapa hi' pun halaam alaan. ⁵ Ha uma' hino' pun alang ika' mutaam, ne ucapnah una', 'Damai sejahtera ha' husun ua' ani'.' ⁶ Ha' kalunaan alang te' ha' tinan cinta damai, damai sejahtera ka' sang mela'ha' husun na'. Tapi, ha' jaan, damai sejahtera anan sang nekulaah ta' ika'. ⁷ Mela' nah ha' uma' anan. Kumaan nah dahin dui' nah nun alang au ga' ai man ika', kenaan ji' kalunaan penyadi pantas kelaan upah hia'. Am ne pude-pude man ji' uma ta' ji' uma alang bale. ⁸ Putung kali ika' mutam ha' ji' bua' kuta dahin d'kaunaan ha' tinan nyambot ika', kumaan nah kaan alang au ga' hidangkan ta' nang ika'. ⁹ Na' sayuu' nah d'kalunaan alang medam alang mela' ha' tinaan, dahin duaan na ta' daha', 'Kerajaan Tipang au jelang ta ika'.' ¹⁰ Tapi, ha' ika' mutaam ha' ji' bua' desa dahin d'kalunaan tinan jaan nyambot ika', te nah pano ha' alaan-alaan kuta anan dahin duaan, ¹¹ 'Bahkan debu man kuta anan alang nempel ta' tudaa' kame' sang kame' kebaskan ha' nang ika'. Tapi, ingatnah ani': Kerajaan Tipang au jelang.' ¹² Akui duaan ta' ika'; teguu' do anan, tanggungan Sodom sang lebih ringan man tanggungan kuta anan." ¹³ "Celaka nah ika', Khorazim! Celaka nah ika', Betsaida! Seandai na' Akui na' mukjizat-mukjizat alang tiah dahin Tirus dahin Sidon, maka daha' pasti au dara' ne bertobat dahin melo' dahin mete' kain kabung dahin abu. ¹⁴ Tapi, teguu do penghakiman, tanggungan Tirus dahin Sidon lebih ringan man tanggungan ika'. ¹⁵ Dahin ika', Kapernaum, te' ka' ga' ju' ha' t'lang julaan? Jaan, ika' sang ga' so ha' dania kalunaan mate! ¹⁶ Hi' pun alang ngering ika', ngering Akui. Tapi, hi' alang ne nolak ika' hia' pun nolak Akui. Dahin, hi' pun menolak Akui, hia' menolak Hia' alang ngutus Akui." ¹⁷ Au anan tusu' pulu' pengkikut anan nekulah dahin sukacita sambil duaan, "Tanangaan, sitan-sitan anan pun tunduk ta' kame' halam araan'-Ka'." ¹⁸ Jisus duaan ta'daha', "Akui nginaang Iblis lega' man langit kelung kikat. ¹⁹ Jaam nah bahwa Akui mai ika' kuasa jung ngajaa' nyipa' dahin kalajengking, pun kuasa husun lim kekuatan musoh. Jaan sang te' alang ngeperah ika'. ²⁰ Tapi, am nah ika' bersukacita kenan roh-roh anan tunduk ta' ka', melainkan bersukacita nah kenan araan ka' ga' tulis ha' t'lang julaan." ²¹ Teguu' do anan, bersukacitanah Jisus ha' halam Roh Kudus dahin duaan ''Akui besyukur ta'-Ka' Ame, Tanangaan husun langit dahin bumi, kenan Ika' muhu' kan gat-gat ani' man kalunaan bijaksana dahin cerdas. tapi, Ika' prtujokkan na' ta' bayi-bayi. Ya Ame, kenan anan nah alang berkenan ha' nang-Ka'. ²² Ame-Kui au mai lim sesuatu ta'-Akui, dahin jaan ji' kalunaan pun alang jaam Anaa' kecuali Ame. Dahin, jaan ji' kalunaan pun alang jaam Ame, kecuali Anaa' serta d'kalunaan alang ta' daha' Anaa' berkehendak jung menyatakan na'." ²³ Au anan, Jisus berpaling ta' murid-murid-Na' dahin duaan ta' daha' secara pribadi, "Berbahagia nah matan alang nun alang ika' inang, ²⁴ kenan Akui duaan ta' ika': ngahum nabi dahin hipi' alang ikam laan nginaang gat-gat alang ika' inang kere, tapi daha' jaan nginaang ina'. Dahin, ikam laan ngering gat-gat alang ika' kering kere, tapi daha' jaan ngering na'." ²⁵ Au anan, ji'kalunaan ahli Hukum Taurat nekering jung nesa' Jisus, kurin hia', "Guru, nun alang harus akui na' jung kelaan urip alang kekal?" ²⁶ Sue Jisus ta' hia', "Nuh alang ga' tulis halam Hukum Taurat? Nun alang ika' basa halam na'?" ²⁷ Kalunaan anan nyuee, "Kasihi nah Tanangaan, Tipang ka', dahin segenap kenap ka', dahin segenap jiwa ka', dahin segenap kekuatan ka', dahin segenap akal budi ka'." ²⁸ Jisus duaan ta' hia', "Sue ka' nan tepat. Na' nah anan, maka ika' sang murip." ²⁹ Tapi, kalunaan anan ikam membenarkan diri' na', maka hia' duaan ta' Jisus, "Dahin, hi'kah sesama kui manusia?" ³⁰ Jisus nyuee anan dahin duaan, "Te' ji' kalunaan alang ngileh man Yerusalem ha' Yerikho, hia' lega' ha' usuu' lim perampok alang merampas hakaow na' dahin nukul hia', au anan mela' hia' tergeletak halam keadaan hampir mate. ³¹ Kebetulan, ji' kalunaan imam lawat alaan anan. Teguu' hia' nginaang kalunaan anan, hia' te nunan tua' dahin pano ha' sisi alaan alang bale. ³² Nunan pun alang d'na' ji' kalunaan Lewi, teguu' atang ha' ngayan anan dahin nginaang kalunaan anan, hia' ngelawat hia' dahin pano ha' sisi alaan alang bale. ³³ Tapi, te' ji' kalunaan Samaria alang tengaah halaam alaam lawat man tinan. Dahin, teguu' hia' nginaang kalunaan anan, hia' merasa kasihan ta' hia'. ³⁴ Lalo, kalunaan Samaria anan jelang hia', dahin membalut luka-luka na'. Hia' mengolesi hia' dahin minyak dahin anggur, lalo mu'un kan kalunaan anan ha' husun keledai hia' dahin geri' hia' ha' ji' bua' penginapan, lalo merawat kalunaan anan. ³⁵ Jima' do na', kalunaan Samaria anan musangkan kelupah 2 dinar dahin mai na' ta' penjaga penginapan anan dahin duaan, 'Rawat nah kalunaan alang terluka ani'. Dahin, kuri' pun ika' ngepah kelupah man hia', akui sang ngali na' teguu' aku nekulah."' ³⁶ Lalo, Jisus duaan, "Menurut ka', hi' kah ha' antara telo' kalunaan anan alang menjadi sesama manusia man kalunaan alang lega' ha' usuu' lim perampok anan?" ³⁷ Sue ahli Taurat anan, "Kalunaan alang nujokkan belas kasihan ta' hia'." Lalo, kurin Jisus, "Te nah, dahin na' nah gat alang tiah." ³⁸ Teguu' Jisus dahin murid-murid-Hia' ³⁹ halaam alaan, Jisus mutam ha' ji' bua' desa dahin ji' kalunaan dooh araan Marta menyambot Jisus ha' uma-hia'. Marta hipun harin dooh araan Maria alang melok jelang tudaa' Jisus dahin ngeringkan pengajaran Jisus. ⁴⁰ Tapi, Marta lale' sibuk ne na' lim hadi alang harus ga' selesai. Marta pun ne jelang ha' Jisus dahin duaan, "Tanangaan, jaan pedulikah Ika' bahwa harin dooh kui ne membiarkan akui na' lim hadi ani' dap? Suhuu'nah hia' te nulong akui!" ⁴¹ Tapi, Tanangaan nyuee hia', "Marta, Marta, ika' khawatir dahin ne ngeliwa' ika' dap dahin ngahum gat. ⁴² Hanya ji' gat alang penting. Maria au mili' bagian alang lebih sayuu', dahin bagian na' jaan akan pernah api' man hia'."