¹ Au anan, Jisus muvi puluu' dua murid-Hia; lalo mai daha' kuasa dahin otoritas ta' roh-roh ula', dahin pun jung na' sayuu' pedam. ² Hia' nyuhuu' daha' jung megi' tentang Kerajaan Tipang dahin memulihkan. ³ Kurin-Hia' ta' daha', "Am geri' nun pun halam alaan ka', am geri' tungkat, tas, roti, kelupah, atau bahkan dua' helai basung. ⁴ Ha' uma' hino' pun alang ika' mutam, mela' nah ha' tinan atang ika' leka' ha' ngayan anan. ⁵ Man daha' alang mam ikam menerima' ika', la' nah kuta anan dahin kebaskan nah debu na' man tudaa' ka' sebagai peringatan ta' daha'." ⁶ Au anan te nah lim rasul dahin berkeliling ha' desa-desa sambel megi' Injil dahin na' sayuu' d'kalunaan medam ha' tino'-tino'. ⁷ Herodes, sang hipi' wilayah, ngering tentang lim hal alang tengaah terjadi dahin hia' hiran laan kenan kuri' kalunaan megi' Yohanes Pembabtis au bangket man kalunaan mate, ⁸ sedangkan alang bale megi' Elia au muncul ngua', dahin te' pun alang megi' salah ji' kalunaan man lim nabi alang murip teguu' zaman una' au bangket. ⁹ Herodes duaan, "Akui au memenggal kuhung Yohanes. Jadi, hi' kah Kalunaan alang tentang-Hia' ak kering daho' alang nuni'?" Maka, Herodes ikam laan jung pehinaa' Jisus. ¹⁰ Teguu' lim rasul nekulah, daha' megi' ta' Jisus tentang lim gat alang au daha' na' dahin Hia' geri' daha' jung menyendiri ha' ji' bua' kuta araan Betsaida. ¹¹ Tapi, kalunaan bangu' jaam gat ani' dahin daha' pun ne-Hia'. Maka, sambel menyambut daha', Jisus duaan ta' daha' tentang Kerajaan Tipang dahin pun daha' alang membutuhkan kesembuhan. ¹² Teguu' do nahari' malam, puluu' dua' murid Jisus atang ta'-Hia' dahin duaan, "Suhuu'nah d'kalunaan anan te ha' kampong-kampong dahin pedesaan ha' sekitar ani' jung ilo ngayan tuduu' dahin kanan kenan ha' tini' ita' te' ha' ngayan alang terpencil." ¹³ Tapi, Jisus duaan ta' daha', "Ika nah alang mai daha' kuman." Sue murid-murid-Na', "Kame' hanya hipun lima' roti dahin dua' masik, kecuali ha' kame' te mele' kanan man lim kalunaan ani'." ¹⁴ Ha' tinan te' sekitar lima' ribu kalunaan lake'. Jisus duaan ta' murid-murid-Na', "Suhuu' nah daha' melo' secara berkelompok, kira-kira lima' puluu' kalunaan per kelompok." ¹⁵ Maka, daha' pun na' tiah dahin alang Jisus suhuu' dahin nyuhuu' lim kalunaan anan melo'. ¹⁶ Lalo, Jisus api' lima' roti dahin dua' masik anan, mengadah ha' langit, memberkati ina', memecah-mecahkan ina', dahin nyebe ta' lim murid sebe daha' menghidangkan na' ta' kalunaan bangu'. ¹⁷ Dahin, lim daha' kuman atang besoh. Au anan, sisa-sisa putongan roti alang ga' kumpulkan te' puluu' dua' keranjang penuu'. ¹⁸ Ji' kali, teguu' Jisus tengaah sabaayang dap, murid-murid-Hia' te' peji' dahin-Hia'. Lalo, Hia' metang ta' daha' "Hi' kah Akui ani' menurut kalunaan bangu'?" ¹⁹ Sue daha', "Yohanes Pembabtis, alang bale megi' Elia, dahin alang bale ngua' megi' Ika' salah ji' man nabi-nabi teguu' una' alang bangket ngua'." ²⁰ Au anan, Jisus duaan ta' daha', "Namun, menurut ka', hi' kah Akui?" Suee Ptrus, "Ika' Kristus man Tipang." ²¹ Tapi, Jisus memperingatkan daha' dahin mahing dahin nyuhuu' daha' jung am megi' hi' pun tentang gat ani', ²² Au anan Jisus duaan, "Anaa' Manusia harus menderita ngahum hal dahin ga; tulak ta' d'muku'-muku', imam-imam kepala, dahin ahli-ahli Taurat, lalo ga' nelemate dahin sang ga' bangket kan teguu' do alang ke telo'." ²³ Jisus duaan ta' lim daha', "Ha' ji' kalunaan ikam ne Akui, hia' harus menyangkal diri' na' dap, dahin memikul salib na' putung do, dahin ne Akui. ²⁴ Kenan, hi' pun alang berusaha menyelamatkan nyawa na', sang pueh nyawa na'. Tapi, barang hi' pueh nyawa na' kenan Akui, hia' sang menyelamatkan na'. ²⁵ Nun kah untung na' ha' ji' kalunaan kelaan lim dania, tapi mate atau pueh nyawa na' dap? ²⁶ Ta' kalunaan alang merasa a'eh kenan Akui dahin daho'-Kui, Anaa' Manusia pun sang a'eh ga' akui kalunaan anan teguu' Hia atang halam kemuliaan-Na' dahin kemuliaan Ame-Na', beserta lim malikat kudus. ²⁷ Akui duaan alang laan na' ta' ika', te' kuri' kalunaan ha' antara ika' alang nekering ha' tini' jaan sang mate sebelum nginaang Kerajaan Tipang." ²⁸ Kira-kira, 8 do au Jisus megi' pengajaran-Na' anan, Hia' geri' Petrus, Yohanes, dahin Yakobus mu'un ha' gunung jung sabayaang. ²⁹ Teguu' Jisus tengaah sabayaang, rupa nang-Hia' berubah dahin hakaow-Hia' jadi putih berkilauan. ³⁰ Au anan, tampak nah dua' kalunaan tengaah duaan dahin-Hia'. Dua' kalunaan anan Musa dahin Elia, ³¹ alang pekinaang diri' halam kemuliaan dahin ngumong tentang mate na' Jisus alang sang ga' genapi ha' Yerusalem. ³² Teguu' anan, Petrus dahin d'kawan-na' tengaah ga' kuasai ta' rasa kantuk alang bahat, tapi teguu' daha' laan-laan sadar, daha' nginaang kemuliaan Jisus dahin dua' kalunaan alang nekering peji' dahin Hia'. ³³ Teguu' Musa dahin Elia sang mela' Jisus, Petrus duaan, "Guru, sayuu' nah ita' tetap mela' tini'. Kame' sang ngebiti' telo' kemah, ji' man-Ika', ji' man Musa, dahin ji' man Elia." Tapi, Petrus jaan jaam nun alang hia' duaan anan. ³⁴ Teguu' Petrus tengaah duaan gat anan, atang nah awan menaungi daha' atang Petrus, Yohanes, dahin Yakobus jadi takut teguu' daha' mutam ha' halam awan anan. ³⁵ Au anan, tekering nah dahun awan anan, "Ani' nah Anaa'-Kui, Hia' nah alang Ak pili', ngering nah Hia'." ³⁶ Au dahun anan berhenti, Jisus hanya ga' dapati ji' kalunaan diri'. Daha' merahasiakan na' dahin jaan megi' ji' kalunaan pun teguu' do-do anan tentang nun alang au daha' inang. ³⁷ Jima' na', teguu' daha' ngileh man gunung, serombongan taya' kalunaan bangu' atang ta' Jisus. ³⁸ Ji' kalunaan man kalunaan bangu' anan pebuka', "Guru, akui muhon ta'-Ika', nginang nah anaa' kui kenan hia' anaa' kui ji'-ji' na'. ³⁹ Nginaang nah, te' roh alang menguasai hia', dahin takjat hia' pebuka'-pebuka'. Roh anan pun menguncang-guncangkan hia' atang ba' na' berbusa, rih anan peging menyakiti hia' dahin jaan ikam mela' hia'. ⁴⁰ Akui au ake muhon dahin d'murid-Ka' jung muga' na', tapi daha' jaan haman na' ina'." ⁴¹ Sue Jisus, "Ha, ika' generasi alang mam pesaya' dahin sesat! Kuri' dara' ngua' Akui harus mela' peji' ka' dahin bersabar ta' ika'? Geri' nah anaa' ka' anan hini'." ⁴² Teguu' anaa' anan tengaah jelang ta' Jisus, roh ja'a' anan membantingkan hia' ha' tanaa' dahin mengguncang-guncangkan hia'. Tapi, Jisus membentak roh najis anan, na' sayuu' anaa' lake' anan, lalo nekulaah kan hia' ta' ame hia'. ⁴³ Lim kalunaan merasa takjub ta' kuasa Tipang, tapi teguu' daha' masih tehiran-hiran ta' lim gat alang Jisus na', Hia' duaan ta' murid-murid-Na', ⁴⁴ "Ngering nah daho' ani' sayuu'-sayuu': Anaa' Manusia sang ga' serahkan ha' usuu' manusia." ⁴⁵ Tapi, lim murid jaan paham ta' maksod daho' anan, dahin gat anan tehuk man daha' atang daha' jaan haman memahami ina'. Namun, daha' takut metang ta' Jisus mengenai arti daho' anan. ⁴⁶ Teguu, ji' bua' pertengkaran terjadi ha' antara murid-murid Jisus mengenai hi' alang utama man daha'. ⁴⁷ Tapi, Jisus jaam pikiran kenap daha', lalo Hia' api' ji' kalunaan nyam' tu'u' dahin geri' hia' nekering ha' behenji'-Hia'. ⁴⁸ Lalo, Hia' duaan ta' murid-murid, "Putung kalunaan alang menerima' nyam tu'u' ani' halam araan-Kui, hia' menerima Akui. Dahin, hi' pun alang menerima'-Akui, hia' pun menerima Hia' alang mengutus Akui. Kenan, alang paling hina ha' antara ika', hia' nah alang utama." ⁴⁹ Yohanes nyuu-Hia' dahin duaan. "Guru, kame nginaang ji' kalunaan muga' roh ula' halam araan-Ka' dahin kame ne usaha menghentikan hia' kenan hia' jaan mutam ha' kelompok ita'." ⁵⁰ Tapi, Jisus duaan ta' hia', "Am menghentikan hia' kenan hi' pun alang jaan melawan ka', hia' memihak ta' ka'." ⁵¹ Teguu' waktu na' makin jelang man Jisus jung ga' bo kan, Hia' meneguhkan kenap jung te ha' Yerusalem. ⁵² Hia' nyuhuu' kuri' utuan una' man-Hia'. Lalo, utusan-utusan anan pun te dahin mutam ha' ji' bua' desa ha' daerah Samaria jung menyiaplan lim gat ta' Hia'. ⁵³ Tapi, d'kalunaan ha' tinan jaan menerima' Jisus kenan Hia' tengaah menuju ha' kuta Yerusalem. ⁵⁴ Teguu' murid-murid Jisus, hia' nan Yakobus dahin Yohanes, nginaang gat ani, daha' duaan, "Tanangaan, nun kah Ika' ikam kame' jung pesuhuu' api ngileh man langit dahin nutung daha'?" ⁵⁵ Tapi, Jisus menoleh ha' laung dahin menegur daha'. ⁵⁶ Lalo, Jisus dahin d'murid-Na' te ha' desa bale. ⁵⁷ Teguu' daha' tengaah halam pano, te' ji' kalunaan duaan ta' Jisus, "Akui sang ne Ika' ha' hino' pun Ika' te." ⁵⁸ Jisus pun duaan ta' hia', "Rubah hipun luvang jung ga' melak dahin manuk-manuk ha' di hipun sarang na'. Tapi, Anaa' Manusia jaan hipun ngayan te' ngelarah." ⁵⁹ Jisus duaan ta' ji' kalunaan alang bale, "Ne nah Akui!" Tapi, kalunaan anan duaan, "Tanangaan, izinkan akui te dahin ngubor ame kui una." ⁶⁰ Tapi, Jisus nyue ta' hia', "Sebe nah kalunaan mate ngubor kan kalunaan mate daha', tapi ika' harus te dahin mai daho' tentang Kerajaan Tipang." ⁶¹ Dahin, te' ji' kalunaan ngua' duaan, "Akui sang ne Ika', Tanangaan, tapi izinkan akui berpamitan una' dahin keluarga kui." ⁶² Jisus duaan ta' hia' "Jaan te' ji' kalunaan pun alang au melo' usuu' na' ha' bajak, tapi masih nginang ha' laung, alang pantas ta' Kerajaan Tipang."