¹ Au ngahum kalunaan ne usaha nyusun ji' bua' catatan tentang peristiwa-peristiwa alang au terjadi ha' tebeluaa' ita', ² kelung halnya catatan alang au ga' sampaikan ta' ita' man d'kalunaan alang man tahari' au jadi saksi mataan dahin alang mai daho' Firman. ³ Kenan akui aku ngepekale lim ina' dahin teliti man tahari', sayuu' nah akui pun menuliskan ina' secara berurutan man ika, hai Teofilius alang mulia. ⁴ sebe ika' hamaan jaam tentang gat-gat alang au ga' ajarkan ta' ika'. ⁵ Teguu masa pemerintahaan Herodes, dahun araan na' Elisabet. ⁶ Zakharia dahin Elisabet d'kalunaan alang laan ha' mataan Tipang. Daha' murip jaan te' cela tiah dahin lim hukum dahin pesuhuu' Tanangaan. ⁷ Tapi, daha' jaan hipun anaa' kenan Elisabet jaan haman hipun anaa' dahin dawa' au muku' laan. ⁸ Teguu' atang giliran rombongan na' jung bertugas, Zakharia kelaan tugas jadi imam ha'nang Tipang. ⁹ Menurut kebiasaan keimaman, Zakharia ga' pili' berdasarkan undian jung mutam ha' Uma' Tipang. ¹⁰ Teguu' ukupan ga' persembahkan, lim umat ne sabayaang ha' hawa'. ¹¹ Takjat, malikat Tanangaan te nampakkan diri' ta' Zakharia dahin nekering ha' behenji betaoh altar ukupan. ¹² Teguu' nginaang malikat anan, Zakharia te ngedar dahin takut laan. ¹³ Tapi, malikat anan duaan ta' hia' "Am takut, Zakharia, kenan doa permohonan ka' au ga' kering. Hawaan dooh ka' sang nganaa' ji' kalunaan nyam lake' man ika' dahin ika' sang mai araan na' Yohanes. ¹⁴ Ika' sang bersukacita dahin ne bergembira, dahin ngahum kalunaan pun sang ne bersukacita ta' nganaa' na'. ¹⁵ Hia' sang jadi taya' ha' nang Tanangaan dahin jaan sang dui anggur atau dui ata' mahing bale na'. Bahkan, man halam butit hinaan na' hia' sang ga' penuu' man Roh Kudus. ¹⁶ Hia' sang na' ngahum kalunaan Israel ne nekulah ta' Tanangaan, Tiipang daha. ¹⁷ Hia' sang pano una' man Tanangaan dahin roh dahin kuasa Elia Hia' pun sang na' d'kalunaan alang jaan taat jung nekulah ta' hikmat d'kalunaan laan. Dahin nunan, hia ne mempresiapkan umat alang au ga' sediakan man Tanangaan." ¹⁸ Zakharia duaan ta' malikat anan, "Nuno' kah akui haman sang jaam gat ani'? Kenan, akui ani' au muku' laan dahin hawaan dooh akui pun au sang muku'." ¹⁹ Malikat anan nyuee, "Akui Gabriel, malikat alang nekering ha' nang Tipang. Akui ga' suhuu' jung duaan ta' ika' dahin mai daho' sayuu' ta' ika'. ²⁰ Namun kere ngering nah! Ika' sang jadi bisu dahun jaan haman duaan atang teguu' do gat-gat ani' jadi kenan ika' mam pesaya' ta' daho' kui, alang sang ga' genapi teguu' do na'." ²¹ Jaruun anan, unat kave Zakharia. Daha' metang na' nun Zakharia te dara' laan ha' halam Uma' Tipang. ²² Teguu' musaang, Zakharia jaan haman duaan ta' daha'. Daha' pun jam bahwa Zakharia au kelaan pekinaang ha' halaam Uma' Tipang kenaan hia' peging na' isyarat ta' daha', tapi jaan haman duaan. ²³ Au do tugas keimaman na' pah, lap nah Zakharia ha' uma' na'. ²⁴ Au peristiwa anan, Elisabet mali' dahin muhu' hia' dap atang lima bulaan. Hia' duaan, ²⁵ "Ani' nah alang au Tanangaan na' ta' akui. Hia' nginaang kui dahin mebat aib kui man antara kalunaan banguu'." ²⁶ Teguu' do umor mali' na' Elisabet enam bulaan, Tipang nyuhuu' malijat Gabriel ga' ji' bua' kuta ha' wilayah Galilea, alang araan na' Nazaret. ²⁷ Hia' ga' suhuu' jung pehina' dahin ji' kalunaan perawan alang betunang. Araan perawan anan Maria. ²⁸ Lalo, malikat anan atang ta' Maria dahun duaan, "Salam, hai ika' alang ga' berkat! Tanangaan peji' ika'." ²⁹ Ngering daho' anan, Maria ne hiran. Hia' metang ha' halam kenap hia' nun arti man salam anan. ³⁰ Malikat anan duaan ta' hia', "Am takut, Maria, kenan Tipang au mai kasih karunia-Hia' ta' ika'. ³¹ Ngering nah, ika' sang mali' dahin nganaa' ji' kalunaan Anaa' lake', dahin ika' sang mai Hia' araan Jisus. ³² Hia' sang jadi taya' dahin sang ga' uvi' Anaa' Tipang Alang Bo. Tanangaan Tipang sang mai-Hia' takhta Daud, uku' aya'-Hia'. ³³ Hia' sang memerintah ha' husun keturunan Yakub jung selama-lama na' dahin kerajaan-Hia' jaan akan pernah paah." ³⁴ Lalo, Maria duaan ta'malikat anan, "Nuno' gat terani' sang jadi sedangkan akui jaan pah hipun hawaan lake?" ³⁵ Malikat anan nyuee ta' hia', "Roh Kudus sang atang ha' husun ka' dahin kuasa Tipang Alang Bo sang menaungi ika'. Anan nah sebab na', Anaa' alang sang nganaa' anan kudus dahin sang ga' uvi Anaa' Tipang. ³⁶ Dahin, jaam nah Elisabet, harin ka' anan, tengaah mali' pun ha' umor muku' na'. Hia' alang una' ga' uvi' mam haman hipun anaa', kere au mali' atang enam bulaan. ³⁷ Kenan, jaan te' gat alang mustahil man Tipang." ³⁸ Dahin, Maria duaan, "Laan na', akui ani' hamba Tanangaan. Jadi nah ta' akui kelung alangg ika' duaan anan." Au anan, malikat anan leka' mela' hia. ³⁹ Teguu' do-do anan, Maria ne bersiap-siap jung temoh leka' ha' daerah pengunungan, ha' ji' kuta ha' Yehuda. ⁴⁰ Hia' mutam ha' uma' Zakhara dahin main salam ta' Elisabet. ⁴¹ Teguu' Elisabet ngering salam man Maria, anaa' ha' halam butit na' petekujo' dahin Elisaber ga' penuu' man Roh Kudus. ⁴² Au anan Elisabet pebuka' dahin dahun alang taya', "Ga' berkat nah ika' ha' antara lim dooh, dahin ga' berkat nah bua' kandungan ka'. ⁴³ Hi' kah akui ani' atang hinaan Tanangaan atang ta' akui? ⁴⁴ Laan, teguu' dahun salam ka' atang ta' apang kui, anaa' ha' halam butit kui petekujo' kenan sukacita. ⁴⁵ Berbahagia nah hia' alang pesaya' bahwa nun alang ga' duaan Tanangaan ta' hia' sang ga' genapi." ⁴⁶ Lalo, duaan nah Maria, "Jiwa kui memuliakan Tipang, ⁴⁷ dahin Roh kui bersukacita ha' halam Tipang, Juru Selamat kui. ⁴⁸ Kenan, Tipang au memperhitungkan hamba-Na' alang hina ani. Ngering nah, kere ni' atang nguaa', lim generasi sang muvi' kui berbahagia. ⁴⁹ Kenan Hia' Alang Mahakuasa au na' gat-gat alang taya' ta' akui, dahin kudus nah araan-Hia' ⁵⁰ Rahmat-Na' ga' ai man generasi ta generasi, ta' d'kalunaan alang takut ta' Hia'. ⁵¹ Hia' au menunjukkan kuasa-Na' dahin usuu'-Na', Hia' mencerai-beraikan d'kalunaan alang sumbong halam pikiran kenap na'. ⁵² Hia' ngilehkan lim penguasa man takhta daha', dahin na' bo d'kalunaan alang liva' kenap. ⁵³ Hia' au na' besoh kalunaan alang lao dahin sayuu' Hia', tapi muga' kalunaan hipun leka' dahin usuu' guhang. ⁵⁴ Tipang au mai pertulongan ta' Israel, hamba-Na. ⁵⁵ Kelung nuno' alang au Hia' duaan ta' uku' aya' ita', ta' Abraham dahin keturunan na' jung selama-lama na'." ⁵⁶ Dahin, Maria mela' peji' Elisabet kira-kira telo' bulaan dara' na', lalo hia' lap ta' uma' hia'. ⁵⁷ Kere atang nah do na' man Elisabet jung nganaa' dahin hia' nganaa' ji' kalunaan anaa' lake'. ⁵⁸ Lim tetangga dahin d'amin na' ngering Tanangaan au pekinaang rahmat-Na' alang taya' ta' Elisabet, dahin daha' turut bersukacita peji' dahin hia'. ⁵⁹ Teguu' do alang ke saya', daha' atang jung ne nyunaat anaa' anan. Daha' sang mai araan anaa' anan, Zakharia, kelung araan taman na'. ⁶⁰ Tapi, hinaan na' duaan, "Jaan, hia' sang mai araan na' Yohanes." ⁶¹ D'kalunaan ananduaan ta' Elisabet, "Jaan te' ji' kalunaan pun man antara d'harin ka' alang ga' ai araan anan." ⁶² Au anan, saha' mai isyarat ta' Zakharia jung metang ta' hia', araan nun alang ikam ga' ai ta' anaa' anan. ⁶³ Zakharia ake ji' bua' papan tulis, dahin nulis kelung ani': "Araan na' Yohanes." Dahin, lim kalunaan jadi hiran. ⁶⁴ Takjat anan pun, ba' Zakharia pa'ap dahin jela' na' terbebas. Hia' pun nahari' duaan dahin muji Tipang. ⁶⁵ Lim tentangga daha' jadi takut dahin kejadian ani' jadi gat duaan ha' lim desa perbukitan Yudea. ⁶⁶ Dahin, lim kalunaan alang ngering gat ani' metang ha' halam kenap daha', "Sang jadi nun anaa' ani' tayan?" Kenan, usuu' Tanangaan peji' hia'. ⁶⁷ Zakharia, tamaan Yohanes, pun ga' penuu' dahin Roh Kudus dahin bernubuat, kurin hia', ⁶⁸ "Terpuji nah Tanangaan, Tipang Israel kenan Hia' au melawat dahin menebus umat-Na'. ⁶⁹ Hia' au ngebiti' tanduk keselamatan man ita' man keturunan Daud, hamba-Na', ⁷⁰ kelung alang Hia' firmankan lalo ba' nabi-nabi-Na' alang kudus man una'. ⁷¹ sebe ita' ga' selamatkan man musuh-musuh ita', dahin man usuu' lim kalunaan alang besik ita'. ⁷² Hia' na' ina' jung menunjukkan rahmat ta' uku' aya' ita', dahin kenan Hia' ingat ta' perjanjian-Hia' alang kudus, ⁷³ hia' tih sumpah alang Hia' duaan ta' uku' aya' ita', Abraham. ⁷⁴ bahwa ita' sang ga' bebaskan man usuu' musuh-musuh ita' sebe ita' haman melayani-Hia' tanpa rasa takut, ⁷⁵ halam kekudusan dahin alang laan ha' nang-Hia', seumor urip ta'. ⁷⁶ Dahin ika', anaa' kui, alang ga' uvi' nabi Tipang Alang Bo, kenan ika' sang pano una' man Tanangaan, uung te mempersiapkan alaan man-Hia'. ⁷⁷ Jung mai pengertian tentang keselamatan ta' umat-Na' lalo pengampunan husun dusa-dusa daha'. ⁷⁸ Kenan rahmat dahin belas kasih Tipang ita', malaah Mataando sang ne mai malaah ita' man ngayaan bo, ⁷⁹ jung mai malaah daha' alang mela' ha' halam lidam dahin alang te' ha halam bayang-bayang maut, jung menuntun tudaa' ita' atang ha' alaan damai sejahtera." ⁸⁰ Maka, anaa' anan bertumbuh taya' makin taya' dahin makin mahing ha' halam roh, Hia' mela' ha' padang belantara atang do na' jung menunjukkan diri' ta' bangsa Israel.