¹ "Pananjarungu bai palakuya na huri Anggamami la hangga tau dangu kana ngitakama nyuda ambi wamidu. Taka djaka tunanu, ndai ngalangua wundami la Amami la awangu. ² Djaka tuna, djaka mi wuangu pandulangu, ambi palingudu tarompet la hanggamu hama djangu da tau dama mahi da pakali palakuda la uma kabungguru dangu la mata anda mata kana wotunggama tau hawiangu ba wada. Nyungga nahu kupaninggainya nama padeningu kanadu nyuda mbada ngala madanyaka na wundada. ³ Djiaba tunanu djaka mi wuangu pandulangu, mata ni lima kalaimu ambu na pidunya na papalakuna na lima kawanamu, ⁴ mata na pandulangumu na makawiningu hala na Amamu nama ngitaya na makawiningu nuna na wuanggaunya wundana lai nyumu. ⁵ Dangu djakai hambayangu, ambu hama djiangu da tau mahi nyuda da mbuhangu pandualaku bada hambayangu la Uma kambungguru dangu la halinggi anda kana ngitakama tau ba wada, ⁶ taka nyimi djaka talanga hambayangumi, tamawa da lakurungumu bitanya na pindu hala kau hambayangu la Amamu na maninya la pangia makawiningu,hala na Amamu nama ngitaya nama kawiningu nuna hina wuanggau wunda mu. ⁷ Dangu, djaka talanga hambayangumu,ambu djia panimuka kareuku manda ningu ihingu, hama djangu napa kali wada da tau dama nda tandayai Allah, taka wada nyuda djaka na dangu na papaninda, hina wangu parongu ta ba wada. ⁸ Djiaba tuna, ambu tundu dunja nyuda kanadu na Amamu bana pimanya duna na pawukumu ba ndedi mbupa hu paninya. ⁹ Timinu djaka hi hamayangu: Amama ma ninggau la awangu, pamangaranguya na tamu-Mu. ¹⁰ Na takawa na pahanganji-Mu, na njadiwa na pawuku-Mu.di pinu tana hama djiangu la awungu. ¹¹ Wua kinggama, la lodu nahu tuda raka ngama. ¹² Dangu, ai arunja da njalama, hama djiangu nyuma bama ainya na anguma na njala lai nyuma. ¹³ Dangu, ambu ngandi du kama la mapakamangu, taka pahala kama welingu la akatu. kandu ba Nyumudu ma mangunya na pahanganji, dangu na kuaha, dangu na mangarangu lupa lundu nunu. Aming ¹⁴ Kandu djakai ainya na angumi nama njala, na Amamu la awangu na ai mangga mui ndumu. ¹⁵ Taka, djaka ndai ainja da njala Angumu, na Amamu ndana ai mbunja da njalamu. ¹⁶ Dangu djaka puaha, ambu kamundangudu hama djangu da dama mahi, kandu nyuda da haleliya na huri taruda mata kana ngita tau hawiangu ba puaha ndanya wada. Nyungga ku paningainya na mapadeningu nyuda mbada ngala madanyaka na wundada. ¹⁷ Djaka tuna, nyimi,djakai puaha, tunya luanahu na katiku, bahaya na matamu, ¹⁸ Mata na puahamu ambu na ngitaya tau, taka djiaya na Amamu nama ninya la pangia maka winingu. dangu, na Amamu nama ngitaya na papalakumu nama kawiningu nuna hina himbaluya lai nyumu. ¹⁹ Ambu pabundungu du pawulu la pinu tana nduma wikimu, pangiada da mangani dangu na patairara nama paruhaha, dangu nama bohu hina njanggaruha hina bohuha. ²⁰ Djiaba tuna. pauhinguwa pawulu wangu la awangu nduma wikimu, nda ningua pangia da mangani dangu na patairara mapa ruhaha dangu nda ningua pangiana na tau bohu lapa nyanggaruha hina bohuha. ²¹ kanadu la ngginiha da pawulumu ngia paninja, lai nu mbuduya na etimu na ngia paninya. ²² Na mata djiaya na palita tolumu. njadi, djaka na hamu na matamu, mbu halana na tolumu na hambila. ²³ Njadi na hambila nama palangatakangu lati lai nyumu djaka na kapatanguka, kama rihi kapatang mayaka nuna. ²⁴ Nda djia ningua tau makabubulu tau madua maramba na haatu na karaunya eti taka na hawiangu na namuya, djaka ndia nyuna na tuturnya na haatu hala na hawiangu nda na eti waanya. nyimi ndai njadia la pakabubuluya hi Allah dangu hi mamon ²⁵ Lailu ruku nuna duka nyungga hiku pakaluakanggai, ambu gidikudu rukuna na lurimu, nggaraka pangamu djaka ndia nggaraka pa ngunumu. tuna numbui rukuna na tolumu,nggara ka papakimi. ka ndana rihia papawilingu na luri welingu la pangangu, dangu na tolu welingu la pangangu? ²⁶ Tangaruha da mabohu la awangu dama nda tondungu, ndada muti ndada pahamu mbu la dandak taka na Amamu la Awangu ma duna nama wuanja pangangu.kamala nyimi ka ndai rihia papawilingu welingu lai nyuda? ²⁷ Nggamuyaka nu lai nyimi nama tambangu hakabika ndaungu na lurina ruku nggidikuna? ²⁸ Dangu, ruku papakina, kja nggikina hu nggidiku wanya? tangaruha da bunga bakungu la padangu, nggiki wada bada tumbu, nyuda ndada ramaa dangu ndada tinungua ²⁹ nahu Nyungga ku paninggai hi Salomo djapangukai bana mangarangu taka ndana pakia katari mahama manandanguna na bunga nuna. ³⁰ Hala, da rumba la padangu, dama ninja la lodu nahu taka haromu hi ndauhaha la ruaka epi, ba dira pamananda naha pariana hi Allah, kandai parihingua nu nyimi, ha nyimi dimi manda mandungu parahayami? ³¹ taka batunanu nahu, ambi djia wadaka da kanandingumi djakai nggidiku nggaraka pangama,? ,'djaka ndia, nggaraka pa ununda? djaka ndia papakima? ³² Kanadu, da mbanjaru hawiangu bada himbu hala maya yiana taka na Amamu la Awangu na pimanya mbu halada nuda mabadjiaha da pakaruhimu. ³³ Djiaba tuna nu, hu himbu mangilu pakuya na pahanganji dangu na mapadeningu, hala hina wangu pa mbuanja nggaunya. ³⁴ Njadi, ambu nggidiku dunya ndumana na lodu haromu kanadu na lodu haromu ba ningumai duna panggidiku wandanya djiakaa duna bata nggidikunya na hauna na lodu.