¹ Bana ngitahaka da tau dangu nuda, hei nanyaka hi Yesus la pinu palindi. Hala, hina uhuku, mai danyaka lai Nyuna da makiku-Nya. ² Halaka, ka pakiringu Nanyaka Nyuna papabanjarungu, hala hina ajaruha nyuda, hi wananja, ³ papakanyurungu wangu Ngahuya na tau nama mayilla kaba nyuna duka nama mangunya na Pahanganji Awangu. ⁴ papakanyurunguya na tau nama handuka kanadu nyuna ba papanggauru duya. ⁵ Papakanyurunguya na tau nama malidjangu etina, kanadu nyuda du dama mangunya na pinu tana. ⁶ Papakanyurunguha nyuda manju dangu mamadau lailuna na mapadeningu, kanadu nyuda daingu mana ba papambihuha. ⁷ Papakanyurunguha nyuda da mapanamungu kanadu daingu mana bada ngalanya na panamungu. ⁸ Papakanyurunguha nyuda dama yahangu etida kanadu nyuda dangu mana bada ngitayakai Allah. ⁹ Papakanyurunguha nyuda dama ngandiya na ndami kanadu nyuda ba djiaha da ana-ananai Allah. ¹⁰ Papakanyurunguha nyuda dama djara wanya lailu na mapadeningu kaba nyuda duka dama mangunya na Pahanganji Awangu. ¹¹ Papakanyurungukai nyimi djaka na paakanggai taui dangu djaka da padjarakai, dangu djaka na paniwanggainya nama akatu lai nyimi wangu palapinguda lailu ruku Nyungga. ¹² Mbaha etiwa dangu hananguwa kanadu bana bokulu na wundamu la awangu kaba tud nuduka nyuda bada padjaraha da Wunangu mba ndedi ninggai nyimi. ¹³ Nyimi djiakai mehi pinu tana, taka djaka na kabbaka na mehi nuna, ka nggaraka badi papambaru beli wanya? Ndaningu apa linguna djiaya ba waru anyaka hina diliya tau." ¹⁴ "Nyimi djiakai mehi pinu tana. Na paraingu nama ninya la pindu palindi ndapa njadia pakawininya. ¹⁵ na tau ndana paruakaa epi halla hina tuya la lumbu ngiapa pakatudana, taka natuya la tandai palita, taka hina hambilanya mbu dabana nama ninya kuru Uma. ¹⁶ Mata na hambilamu kana handarakuwa mata nyuda dama ngutaya na papalokumu nama hamu kada pamangaranya na Amamu nama ninya la awangu. ¹⁷ Ambu djia ninyaka la kanadingumi na mai-Nggu kaku puadahuya na Uku Taurat djaka ndia da Huratuda da Wunangu. Hiku mai nda djiaaya kaku pamauya nda wan-Nggu taka kaku pangganapuya wan-Nggu duku. ¹⁸ Nyungga nahu kaku paninggainya na,ma padeningu lai nyimi, lundu na mau na awangu dangu na pinu tana, ndia djia ningua hau makadutulu djaka ndia mamrihaku ma mbulangu welingu la Uku Taurat lundu kana padeningu hala. ¹⁹ Lailu nuna, Nggamu biaya nama pamauya na hau pareta nama rihi pakudu yiana hala hina ajaru wanya la tau hawiangu lupa kana palakuya nama pahama, nyuna marihi pakuduya la Pahanganji Awangu. ²⁰ Kanadu, Nyungga nahu wanggunggai na papalakumi nama hamu djaka ndana parihingu madu welingu la papalakuda nama hamu welingu lama Pingu Taurat dsangu da tau Farisi, nyimi nda njadi ami la patama la Pahanganji Awangu. ²¹ Nyimi mbada rongu maminyaka na pambada da Boku Apunda, ambu pameti tau, 'dangu 'Djaka nggamuya nama pameti anguna pakarianguya la pengadilan. ²² Djiaba tunanu, kaku paninggai taka djaka nggamuya nama mbeninya na angu dedina nyujna pakarianguya la hangga Ama Bokulu Anggama, halla djaka nggamuya nama paninya 'nduba' na na angu dedina nyuna na parakangu paninya la epi manda mbada. ²³ Lailu ruku nuna, djaka mi marakunja da marakumi la pinu altar, taka batalanga ninggai laiu namu minyai na angu dedimu na angumu papahili dangu nyumu. ²⁴ Mata kadinja da marakumu la Altar, hu laku kadi kau pandami da pakunya nyuna na angu dedimu, kau wangu pakabeli la pamaraku wanja da marakumu. ²⁵ kaharukuma badi, kau pandami danya na tau na tau nama pahidu nggau eti ba talanga pakariangumi la anda mata kaambu na karianggau la hakimu, hala na hakimu hina wuakau la angu ramana hala hina puhikau la uaka. ²⁶ Nahu ku paninggainya nama padeningu, nyimi nda djia njadi ami paluhu welingu lainu lupa hi lunahuha da wutami dama rihi pakudu. ²⁷ Nyimi mbada rongu maminyaka na pakali paniwangu,'Ambu njuraku' ²⁸ Nahu, Nyungga wanggunggai mnimbihu na tau tangaryuiya bna na haatu tau kawini hala hina mbuhanya, nyuna mbada njuraku manaka la etina. ²⁹ Taka djaka na mata kawanamu nama pawitinggau hu njala, alinya nuna na matamu nuna klau warunya. kanadu na rihi hamupa banda ninya na hau tolumu ba ndauhakau la neraka. ³⁰ Taka, djaka na lima kawanamu nama pawitinggau hu njala, kadipuya dangu warunya na limamu nuna kaba na rihi hamupa banda ninya na hau tolumu welingu bada matu da tolumu ba ndauha kau la neraka. ³¹ Mbada paniwama dunyaka; nggamuya nama pahiawa danya na papahana hala hina wuanya huratu pahiawa na papahana nuna. ³² Djiaba tuna, nahu Nyungga ku paninggai taka djaka nggamuya nama pahiawa danya na papahana, taka djaka nggamuya nama hili pitiya na kawini nuna, nyuna mbu njuraka mananya. ³³ Nahu hili wanggu manggai, nyimi mbada rongu maminyaka na pambada paninja da Boku Apunda. Ambu djia harangu anga mika, taka palundu manya na harangumi nuna la hangga nai Miri. ³⁴ Taka Nyungga nahu wanggunggai; ambi djia harangu anga dimi, wanya na awangukai kanadu na Awangu ba kanjaka Hanganji nai Allah duya, ³⁵ djaka ndia na pinu tana kanadu na pinu tana ba lata wihina-Nya, djaka ndia na Yerusalem kanadu nuna ba kuatakuna Maramba bokulu duya. ³⁶ Dangu ambu djia harangu waminyaka na katiku wikimu kanadu nyimi bandai njadi mbu na hawala ru lunggimi, papabaraya djaka ndia papamitinya. ³⁷ Djiaba tuna, matawa na papanimu, djia wamu djaka djiaya, ndiaa wamu djaka ndia, kanadu nama rihi welingu lainu paweli na lai maakatu. ³⁸ Mbada rongu maminyaka na pambada pani wangu,' mata hilu hama hilu mata ngandu hilu hama ngandu. ³⁹ Djiaba tuna, nyungga nahu ku paninggai ambi lawa dunya nama akatu, taka djaka nggamuya na tabaya na papu kawanamu, padjama kinya na papu hapapamu. ⁴⁰ Dangu, djaka ningu ma mbuhangu pa pitiya na kalembimu, wuambunya na kalembi bakulmu lai nyuna. ⁴¹ Dangu, djaka nggamu ya nama wanda kau palaku 1 mil, laku karianya 2 mil marauna. ⁴² Ndulaya natau nama karaiku pandulangu ambu tebukduya na tau na makarai panjuanjang lai nyumu. ⁴³ Nyimi mbada rongu ma minyaka na pulungu, namuya na angumu patau, dangu karaunya eti na muhumu ⁴⁴ Djiaba tuna, Nyungga nahu ku paninggai, namuha da muhumu dangu hambayanja ndumada da tau dama pamayilakai, ⁴⁵ taka ba tunanu duka hi njadi anana na Amamu la Awangu ba Nyuna du nama pahunganya lodu na tau akatu dangu na tau na hamu,dangu nama papurunya urang na tau nama padeningu dangu na tau na manda padeningu. ⁴⁶ taka, djakai namuya urang na tau nama namu akai, nggara wunda ka pangalami? kanda tuna numbui duda nama pauhing hilu katiku napa mbada palakuda? ⁴⁷ Dangu, djaka mi pamataru danya na angu dedimi nggarayaka na rihina na papandoimi? kada tau da manda tandayai Allah kanda tuna numbui na papalakuda? ⁴⁸ ka batuna nu, nyimi hi patutung ma badi, hama djianga na Amami la Awangu bana patutungu ma una."