Na pabuabaruna hi Yohanes parunungu ¹ La lodu nuna, na wuwa hi Yohanes maparunungu na wara la marada tialangu la Yudea. ² Hi wana,"Manjariawa ba mareni amanaka na takana na Hanganji Awangu," ³ Ma bajiaya Nyuna duka na papaniwana hi Wunangu Yesaya bana pambanjarungu,"Ninya na tau nama wara la marada tialangu,'palanyapunyawa anda nduma nai Miri, patanji nyawa andana." ⁴ Dangu, hi Yohanes na paki kalembina welingu la ru ihi unta dangu borungu manulangu la banggina. pangana kabala dangu manggaluangu la uamangu. ⁵ Halaka, da tau welingu la Yerusalem da mai lai nyuna, dangu mbu halana welingu la Yudea, dangu welingu la lihina la luku Yordan. ⁶ Halaka, nyuda hina parununja pariana hi Yohanes la luku Yordan dangu hida piaka kahala iara njalada . ⁷ Hala, bana ngitahaka bada dangu da tau da tau Farisi dangu da tau Saduki dama mai la paparununja, hala hiwananja, "nyimi nuwa nai ularu, nggamuka nama paninggai la papalai welingu la hukungu nama namunya? ⁸ Batuna, mata kaninguma badi wuana nama pahama dangu na manjariami, ⁹ dangu ambu djia wamika la kanadingumi wikimi,'ba nuanda nyutaya hi Abraham, na kawunga mbokunda. Nahu, kaku paninggai hi Allah mbu na njadi papaluringgai ananai Abraham. ¹⁰ Dangu, nahu mbu, na kataka punggu aii patuyaka la pingi aii, dangu da aai dama nda hamu wuada pa pungguha hala hi tokunja la epi. ¹¹ Nahunyungga kuparunu wanggai wai ka peku manjariami, taka nyuna duna nama namunyapa la hambelinggu nyungga na rihipa una pakuaha welingu lai nyungga da halapa djua anapa ndaku parakangua la pangandinya. Nyuna duna na parunu wanggai Ngahu dangu epi. ¹² Na tapi na patapi wangu ninya la limana, Nyuna na pamanandanya na ngia padengi-Na, hala hina pauhinya na gandum hina pahamuya la dandaku. Halaka, na kalambana hina tunuya wangu epi manda mbada. ¹⁵ Hi Yohanes parunungu bana parununya hi Yesus ¹³ Halaka, hi Yesus na pamaingu welingu la Galilea hina laku la luku Yordan lai Yohanes hina parunu-Nya. ¹⁴ Hala, hi Yohanes ndana mbuhangua paparununya hiwana, mba nyungga badi paparunumu, kataka hili Nyumu biaka nahu ma mai lai nyungga? Hala, hina hiama hi Yesus ¹⁶ Bahalaka, paparununya, ka ditananyaka welingu la wai, dangu hina tawanggahu ana awangu dangu Nyuna hina ngitaya na Ngahu Nai Allah bana puru hama rupa kulundihaya na puru weli ditangu hina taka lai Nyuna. ¹⁷ Dangu, ronguyawa nama kareuku welingu la awangu nama wana, "Yianayaka na Anan-Nggu napa namu-Nggu, lai Nyuna aka na ngia paningga."