¹ Nu, bana dedikai Yehu la Betlehem, la tana Yudea, ngitaha, da tau Majus welingu la pahunga lodu da mai la Yerusalem ² Hida paarangu,"langgiya ehi nyuna, nama dedi, na Hanganji tau Yahudi nuna? Kanadu ba mbada ngitamayaka na kandunu-Na la pahunga lodu taka hima mai pamarubukunya." ³ Bana ronguyaka na rukuna nuna pariana na Hanganji Herodes, ka barangu nanyaka na etina dangu mbu halana la Yerusalem. ⁴ Halaka, hina pauhinja da Ratu Bokulu dangu dama pingu Uku Taurat la banjaru nuna. hala hina paaranja langginiya na dedi ningu hi Karitu. ⁵ Taka hiwadanya Nyuna, "La Betlehem la kuruna la Yudea, kabatuna yiadu napatulihuda da wunangu; ⁶ Dangu nyumu nahu Betlehem, la tana Yehuda, nda djiaaya kamarihi pamarahukau welingu lama kuaha la Yehuda, kanadu welingu lai nyumudu napa nataka na haatu makapipi nama pawanya na banjaru-Nggu. ⁷ Hala, hi Herodes na paau kangunduhunja da tau Majus, hina paaranja pahamunja rukuna djaka langgiya na wuwa ningu na kandunu. ⁸ Halaka, hina parahanja la Betlehem dangu hiwananja, "Lakuwa kai himbu pihamunya rukuna na anakiada nuna. Hala djakai pihamunyaka, kai wangu papaningga nyungga hala kaku lua pamarubuku-Nya" ⁹ Bada halaka papatinginya na Hanganji, laku danyaka, Hala, hida hili ngitaya, na kandunu na pangita la pahunga lodunama ndutuha hi lupa da taka dangu hina ndudi la tuba ngia oaninya na Anakiada. ¹⁰ Bada ngitayaka na kandunu,mbaha eti danyaka, nda uku mbaha etiha. ¹¹ Bada tamaka la uma, ka ngita danyaka na Anakida dangu hi Maria na ina-Na. Hala, hida patika hida marubuku-Nya. Hala, hida bunggahuha da pangia pawuluda hida maraku wan-Nya, djiaha da amahu rara,kemenyan, dangu mur. ¹² Bana panamunjaka la manggadipangu ka ambu dakabeli dupa lai Herodes, kalaku lii ningu danyaka la anda hau bada kabeli la parainguda. ¹³ Bataliu beli daka da tau Majus, ngitaya, na Maranongu nai Miri na pawuwangu wikina lai Yusuf la manggadipangu hi wana; Hadanguwa, karianyawa na Anakiada dangu na ina-Na kai laku la Mesir. Hi ndadikuwa lai nahu lupa kaku hili paninggau kanadu hi Herodes ba himbu nanya na Anakiada nuna ka pametiya ba wana." ¹⁴ Halaka, hi Yusuf na hadangu hina karianya na Anakiada dangu na ina-na la rudungu nuna maka bada laku la Mesir, ¹⁵ dangu ndadikuwa lai nulupa kana meti paku hi Herodes mata kana padeningu hala na Pulu nai Miri nama lii la Wunangu; "welingu la Mesir kupaaunya na Ana-Nggu. Ba pameti halaha da anakiada mini la Betlehem ¹⁶ Halaka nu, bana pinyaka hi Herodes bada mahinya pariada da tau Majus, ka mbeni nanyaka, hina wuangu pareta la papameti halaha da anakiada mini la Betlehem hamangkai lalihina, dama hakambulu dambu ndauda hanahu wawangu, panamatunya na rehi papanida da tau Majus. ¹⁷ Njadi ka ngganapu nanyaka na papanina hi Wunangu Yeremia; ¹⁸ Nama wara la Rama paronguyaka, na mahi padudurungu parai pahanduka. Hi rahel na hiinja da ana-Na, Ndana mbuhangumai ka panggauruya kanadu banda ni halla anjapa. na pareta kada kabeli la Israel ¹⁹ Bataliu metinaka hi Herodes, ngitaya na Maranongu nai Miri na pawuwangu wikina la manggadipangu lai Yusuf la Mesir, Hasla hi wana, ²⁰ "Hadanguwa kau karianya na Anakiada dangu na ina-Na la tana Israel kanadu na tau nama mbuhangu papametiya na hamanguna na Anakiada ba mbada meti naka. ²¹ Hala, hina hadangu ka kariananyaka na Anakiada dangu na ina-Na la pakabeli la tana Israel. ²² Halla batuna nu, bana ronguka ba djiaya hi Arkelaus nama pareta la Yudea nama hiluya hi Herodes, amana, ka mangadatu nanyaka hi Yusuf la palaku lai nu. Ba halaka papainganya la manggadipangu , ka laku nanyaka la Galilea. ²³ Hala bana takaka hi Yusuf ka ndadiku nanyaka la kuataku nama tamungu Nazaret mata kana padeninguwa na pambada panida da Wunangu," Tau Nazaret ba wadanya Nyuna;"