Na manangu na manda najarungu ¹ Tuna nuduka hilupangu tapamandu langataka- manjaka badi da lii papiakangu lapawainda. ² Da lii langu pambada piakada da papaliawa la boku la mangilu- nda ma-deningu- maha, taka na tau na mapangga-ya dangu na manda nunjuya nangala-nya tuda himbalu-na. ³ Narihi- aipa duna na manangu narihi hala wala-nja nuda da lii langu! Jaka nda ta eti wanya nuna na manangu, nda tamara-a lahukungu.Nadu ba i Miri wikima nama bobaru mangilu-ya mbada wuangu daka mbuti lai nyuta ba madeningu-maya. ⁴ La piarada nuda. Na-pamandu-nya napa- hakahingu-da tau parainai i Allah wanguma-matu pa- hangatarungu dangu tanda manda ningu hamangu, hinapaba-berinja pa wuana na ngahuna iAllah nunjunya na pambuha wikina. ⁵ Da papaliawa nda da ngalangu-a kuaha welingu lai Allah la pa- paretanya na tana bidina manamu-ya nu na tana na papanii wanda yiana. ⁶ Taka ninguma pa- tulihu la hilh hau pangia la huratu matua, nggara-mayaka nu na tau, dou Allah, hiu namuya? Na tau duna tau-ma-aya. Na nyuna mu ihili bianya! ⁷ Ndumana la rehi dan mapadikaggitu mu- pangia wawaya hawutu welingu la papaliawa muwua-nya bunjuku dangu tembi, ⁸ Dangu mu- pakata-nya kuaha la mbuu ndabana, na mawana jia ba tuna, i Allah Ama na-mapadika-nya na tau pa kuaha-ya mbuu ndabana; jaka wana, nuna ihina nda jia ningu-a manda karuduku-nya na tau, wana duka nu. Jiapakai ba tuna, ndata ita-aya nahu na tau bana kuaha-ya mbuu ndabana. ⁹ Taka mbada ita- ndanyaka bana kuaha i Yehu! Nda nggi tuna-a mandaina Nyuna ba papawa-ya hawutu welingu la papaliawa. Matawa ba ruku hamu etina i Allah kapeku meti lumu-nanya nggubulu-na na tau pinu tana ta ita-ya nahu Nyuna pa wuangu-ya ngia pamandapu ma-bunjuku dangu patembi, nadu ba mbada mayila lundu meti-naka. ¹⁰ Raka-mana duna i Allah- na-madika-nya mbuu ndabana ndmd pawuku wikina-na pawiti-nya i Yehu na ma-pamanangu malanyapu pali ningu lamayila jia ba tuna nu peku-naka i Allah pawunda-ya na tau dangu duna. Bunjuku- karia-nya i Yehu. Ma-a ba Nyunamaka duna ma-bunggahu-nja anda kapeku pamara-ha. ¹¹ Yehu na payaha-nja da tau welingu lanjala-njala-da; Nyuna nu nama-payaha-nja dangu Nyuda da-papayaha-na, ha-atu Ama-ma aha. Tuna nuduka hindana na-makia i Yehu, papiaka ba angu dedi-nanja. ¹² Yehu na panii-nya i Allah, kabuabaru-nja napa da angu dedinggu rukumu Nyumu. Napa kuwotu-nggau Nyumu da-a lapa-jamburu-da” wana. ¹³ Napanii-mbu i Yehu, jiaya i Allah Ama nangia pamonu-nggu, wana Dangu nahili panii-mbaui,Yungga yia. Karia-mada Ana pawua-nangga Nyungga i Allah.”wana. ¹⁴ Rukuda da tau nu ananggu-nja ba wana-nja, ba tau ma-ngalangu pameti-ha, ka pahamangu-nanyaka wikina i Yehu dangu Nyuda hina luri la huri tau Nu hi tuna nu-napawunda-na ka peku palaru-nanya i kambaliku nama kuaha-ya na pameti wangu rukuna na meti Nyuna. ¹⁵ Tuna nuduka ba-na pahala-ha da tau papa-atangu la ngala lurida parai pa-mangadatungu meti. ¹⁶ Nu luahangu-nanyaka ba nda jiaha da papaliawa-a da pandula-na taka jiaha da walana i Ambrahamu duda. ¹⁷ Na ihina nuna lupangu nahamu-manja badi la ngga-nggarada angu dedina, wana duka nu ba tuna nu peku naka panjadi Ratu Bokulu ma-tuturu dangu mamila etina. Wangu lumungu-na na matuna nuduku hi peku jamangu-da danjalana na tau. ¹⁸ Dangu rukuna ba mbada padangu-naka mayila dangu ba mbada kamanyaka, peku ndula-nahaka da tau dapa-kamangu.ma-a ba pambada kamangu-duya Nyuna wiki dangu mbada-manyilanaka.