¹ La rehi nuna, ama mbokul angu angudedi-angudedi mapawai nama ninya la Yudea rongu mba tau-tau nda Yahudi mbu mbada kataku ya na pulung nai Allah. ² Kanadu nuna, larehi yi petrus na hei la Yerusalem, tau-tau napa sunat napa hili kanadingu dangu nyuna, ³ Hi wanna, "Nyumu laku hanggang la tau-tau nama da sunat dangu ngangu duangu nyuda." ⁴ Jiayaika, Petruhu pakiring papaluahanya weli hupung hanggang lai nyuda, wananya, ⁵ Nyungga hambayang la paraingu Yope, la dalu dena pinya nyungga ku itangu hau paitang, mbai nggarangu hama hawala katari ma mbalaru na puru, napa pajualana wangu patu mbua kawudu welingu la awangu, ndangu na benda nuna na ndaharungu lai nyungga. ⁶ Mba mbada ku tarruya, nyungga ku hamataya ndangu ittangu kandunu- kandunu ma wihing pattu la pinutana, mbanda-mbada matamba, mbada-mbada mandialang, dangu manginu-manginu la ngilu. ⁷ Nyungga mbu ko rongu ningu lingu ma wana lai nyungga, 'Hadang, petruhu, rupuya dangu nganguwa!' ⁸ Jiayaka, nyungga wanggu, 'Ndi'a, Miri. Ka nadu, da ningngu a manda hamu jaka ndia manda marihak matama la ngarunggu.' ⁹ Jiayaka, na lingu nuna dena hiama aya ndumang padambu wana welingu la awangu, 'Nggaraya napa mbada pamau nai Ala ambu handakang-handakangu nyumu mu paninya dahamu!' ¹⁰ Ruku yiana na tungu li patailu wana, halaka mbulu dabana nuna na piti mbeliya la awangu. ¹¹ Taruya, la rehi nuna mbu, ningu tau matailu papaliawa lai nyungga na mai la uma pangia ngiapa ningga nyungga welingu la Kaisarea. ¹² Halaka, ngahu wana lai nyungga ndumangu pa laku duangu lai nyuda wangu da nggidiku. Tau manomu angudedi mapawai yiana mbu laku duangga nyungga dangu nyuma tama la uma tau nuna. ¹³ Halaka, napa takanya hanggang lai nyuma nggiki wada napa mbada itana na maranongu nama ndualak la umana dangu wana, 'paliawaya tau la Yope dangu karai yai Simon napa pani nai Petruhu pamai lai yohu, ¹⁴ Dangu daingu pani nanya na langu hanggang lai nyumu rai ruku na langu nuna nyumu daingu pamana nggau, nyumu dangu mbulu daba tau nama todu la umamu.' ¹⁵ La rehi nyungga pakiring papani-niya, ngahu matua na puru lai nyuda, hama jiangu la kawungana nama tungngu li lai nyuta. ¹⁶ Hi, nyungga namuya na pani nai Miri, la rehi mba wana, 'Yuhani napa paihu wangu wai, jiayakai nyumu daingu ihu wangu ngahu matua.' ¹⁷ Njadi, Jakai Ala na wuanda papingu wangu nama pahama hanggang lai nyuda hama napa wuana lai nyuta mba mbada parhaya lai Miri Yehu Karitu, nggamu ka nyungga hi nyungga njadi pa mbiatanyai Ala?" ¹⁸ La rehi nyuda mbada roinguya na ruku-ruku nuna, nyuda njadi pahanang dangu pawotunyai Ala dangu wana, "Jaka tunanu, hi Miri mbu mbada na wuanja la hanggang tau-tau da Yahundi pa manja ria hanggang lapa luri wangu." Na Pulungu Taka La Antiokhia ¹⁹ Halaka, tau-tau nama pawarungu-pawarungu ka nadu na pamayila ya nama pali hanggang lai Stefanus, na liambaru taka la Fenisia, Siprus dangu Antiokhia, dangu da mbuambaru ya na pulung nai Miri hanggang lai nggamu mbu la hambeli na hanggang la tau-tau Yahundi. ²⁰ Jiayaika, ningu tau ma pira welingu lai nyuda, nuna tau-tau Siprus dangu Kirene, nama mai la Antiokhia dangu mbu pabanjar hanggang la tau-tau Helenis, lundu pa mbuambaru ya ruku nai Miri Yehu. ²¹ Limma nai Miri na kapipi ha nyuda, ndiha dangu tau nama njadi parhaya mbeli hanggang lai Miri. ²² Na hilu rukuna nyuda taka la hilu kabunggur la Yeruhali, dangu nyuda paliawa yai Barnabas la Antiokhia. ²³ La rehi Barnabas na taka dangu na itaya panamungu pawuanai Ala, na hanangu dangu n panaunja nyuda mbulu dabada ndumangu padaingu da tuturu hanggang lai Ala wangu eti nama kapanduk. ²⁴ Ka nadu Barnabas jiaya na tau nama hammu, mbinu wangu ngahu matua dangu pawai, padiha pabakul tau na ngandiya la hangga nai Miri. ²⁵ Halaka, Barnabas laku la Tarsus ndumangu pa himbu yai Pauluhu. ²⁶ Dangu, mba mbada hungguya, na ngandi ya la Antiokhia. Lundu hau ndaungu, nyuda pahamburu dangu kabungguru dangu na anjaruha dangu tau. Dangu, la Antiokhia, da matundungu-matundungu ndumangu la kawungana nuna "Tau Harani". ²⁷ La lodu-lodu nuna, ma pira ama mbokulu puru welingu la Yeruhali mai la Antiokhia. ²⁸ Ha atu weling lai nyuda matamungu Agabus, na ndualak dangu ndihaya na panamung na ngahu ba daingu tungu li napa manju wangu nama hanggari la mbulu daba pinu tana. Dangu, pamanju wangu nuna tungu li na la rehi paliawa nai Klaudius. ²⁹ Hi, nda matundungu da mbuataya ndumangu papa ngandingu kawara pawuada, hama dangu kaparu da nyuda ha atu-ha atu, hanggang la angudedi-angudedi mapawai nama todu la Yundia. ³⁰ Dangu, napa papalaku da nyuda mbu, dapa ngandingu da kawara pawuada nuda hanggang la ama mbokulu la limma nai Barnabas dangu yi Saulus.