¹ YESUS GA GENGKANEYA,GOLUWAI GOMARING V 1 Luwai bo Yesus Gengkanemang, ang watu akuh watu mi gawinte mang ina Maria Makdalena, Maria ibu Yakobus, serta Salome Nuwa munma pasah (Rempah - rempah) baile bo meya Yesus gowal. ² Nungtana tutaboka watu genok akuhgemungmi wati inate puh gegaima suwe kataigeng midemang. ³ Ga tawing gemtemang, " mageng siomohbo wiybata gakhete mesing gasingsi awinggabo me pida goife lakai?" ⁴ Ganingtubo, ga leitetesah wiybata le kawaile bo awingga le lakaimang. ⁵ Gasiak, gaile fe pidamidesa lutiy nok falak bila-bila geboya genang kang mi nising, gasiak gogaditteley ⁶ angak,Malaikat gagebaiteleisa gakasa akasi, "Ibiena/Iyogogadit ge, ilah Yesus Nasaret genma bo geime palbong tobat ikia no. GALA angga le gengkaneman,GALA biy akmina.iguilei wetabo anma motiy memidimang si akho. ⁷ Ganingtubo, inung iwai bo iya me sakolah-sakolah ,gase Petrus minatung gasi GALA le gesubo ya galileya manemi, iya angmidembo igaima imtatawiy, gasa getana mi le me ibaya." ⁸ Ganiak, gegaima melentagoi gejame gebiye gomung teleiak anmanok deuwe lakkawaina,gabiyme anma apenga gebaina ( Ganiak karnok bo ga gate maiya me Petrus ya genok le apenga lakmata nungtuk gapoi te me gebaimang, gahbo Yesus geng ge gensol gahsakbo ganiyta bo ya wat tang, meya wat siy goite goiwe bo Latalla ge gong gelak, gekang gemal mikawai mima. Tatok ⁹ watu genok, tana tutaboka Yesus geime togente genok me Maria Magdalena gala getanami Yesus gei katai boka gemungmi boite tak. ¹⁰ Gasakbo, Yesus gaya anma bo gekang lole gebai, gedum gekak tana galil boka, taniy maling. ¹¹ Gasakbo, gemei teleysa Yesus le gengkanemang gase gasakbo anma le gatemang, ganintubo gabiy galilme gotadina. ¹² Angga le migafonggoya, Yesus anma kang mite bo geime anma okbo bo tana jeisama ya desa mide gogente. ¹³ gasakbo, dum kak bo gawai ya gawai me anma apenga gebai, ganintubo anma apenga biy galilme gotadina. ¹⁴ Angga le gawinte ya, Yesus ga sewe Sakolah-sakolah ganung karnok wawiy nok ganaisama mi tana nua kate misama Yesus gekada lei minatung ibiy ililme go tadina le Nengkaneya. ¹⁵ Gasak bo Yesus ga gebaitelei " iya buksila goite goiwe Surat bila goluwai gomaring teme nuwa karnok bo megafonggode me gebai. ¹⁶ Magengle galilme gotadi bo lime gafilang miwal gala we kang mal gemung mi, gabo mageng biy galime go tadina ganimbang gala goukang. ¹⁷ Ganiak, Kangmal bo akho ga ganeng lole galbo galime gotadi: aniak mi gaya setang,katiylan boi, ga lakmata piaya mi kawaima; ¹⁸ Ga kume maliy gatang me fung, ga dong bokha go tabode newe angga biy thohna; gaya gatang me anma gafilang bo lamfadiy mi tadi gasak anma bo fadiymi nunggomal de. ¹⁹ gasiak, Yesus gate kawaitelei GALA gakhe te me sorga mide,Latalla genangkang mi nising. ²⁰ gaskbo, gaya Latalla gekang gemal goitgomali taitang mangmangmi, ganiak Latalla we gal uh fanetabai,gasakbo gewong me tawing torumei karnok bo minaiyu megafonggode angakwe ganeng lole.