¹ Mi tuta kang, ading-ading getafilang, sak-sak dama wai gaima geto kawai Torat gegafilang, wai Sanhedrin gegaima gaipul ya Pilatus gatade, anma genglek mang, Sanhedrin gegaima wai ga Yesus geital mewe Pilatus gatang wite. ² Gasak bo Pilatus ga gaising, "Matung alak Yahudi gelma?" Gawai gogawai: A kawaiak gal. ³ Gasakbo imam-iman gegafilang, megofungte geto-geto de. ⁴ Pilatus wai Yesus gei ising "Minau watung obiy no gawai na?" A guilei, almakang adu eyeibai kiya aime mutang, lak telesing me ofung miyasikiy. ⁵ An mante Yesus gabiy gogawaina, ganiak Pilatus ga aking gaba. ⁶ YESUS WAI BARABAS Paskah watu Pilatus ga biasa alma gasoibo, alma ukang ba' mi nok gaboh me gatang. ⁷ Wai alma nok ganiy Barabas, genokle gegaima alma boka gasa bami goukang. ⁸ Anma adu suwe Pilatus migasoi, ganinsi ga biasa gagobaite me anmakang getatok de megasoingsi ge gama bungak goi. ⁹ Pilatus ga almakang gogawai, imaung ganingsi Yahudi ge lea na golakaite megatang? ¹⁰ Galil makak watung Imam-imam ga Yesus me Pilatus gatang wite. ¹¹ Gan mante imam-imam gegafilang wai Pilatus galil bode an makang adu ga Pilatus gasoi, ganingsi Barabas golakiy te megatang. ¹² Gasak bo Pilatus gawai almakang gebai "Ganiak minau nagobaite ikawaibo Yahudi geley gatadi?" ¹³ Almakang wai itmali "Gaime palbong topah!" ¹⁴ Gasakbo Pilatus wai almakang gebai, "Minau watung? minaiboka ga gobai mang, anmante anma ga pika itmali "gaime palbong topah". ¹⁵ Me almakang adu gemung gumalde, Pilatus ga Barabas megatang, wai Yesus gobih-gobah, game gatang wite ganingsi me palbong topah. ¹⁶ YESUS GABIY GABU WAI MIGASIYMANG Ganiak keywiling ga Yesus meya istana mide, Pengadilan kadiy mide, gewadakata gaitawah, ¹⁷ gasakbo gegaima falak bata kon ganing kinriy sine me gafileng tadi. ¹⁸ Gasak bo, gegaima me, Yesus gotai, " Kang ala Yahudi ge lei!" ¹⁹ Angania gegaima wai kei srung nok me Yesus gafilanga bone wai gosipiy, anganinte wai golu goparu. ²⁰ Gaile gegaima Yesus gariy grai de lea, gasakbo gegaima Yesus gefalek bata kon ganing me Yesus gogo, wai gefalek ge gomang kona, gawai Yesus gaipul bawai fa, ganing si gai me palbong topah. YESUS GAIME PALBONG TOPAH ²¹ Gawai gegaima anma nok gawinte gayai gote, Simon Kirene gegaima desa mi sue, Alexander le Rufus gepa, ganinsi palbong walete ²² Angah bo gegaima Yesus sa gaipul bo ya wete nok ganiy golgota, anga ge aifanga, "Tapang gafilang". ²³ Gegaima wai anggur me mur totawah, me Yesus gengganmante gabiy mena. ²⁴ Gasakbo gegaima gaime palbong topah, gegaima getalakka gegawai gegalede, gegaima undi gabare, ganingsi nua amoi gegongga, gatamang mana geme. ²⁵ Watu anga wai jam su, biy fadetedena gegaima gaime palbong topah mang. ²⁶ Gawai bilen nia me Yesus ge yeibi kiya migamade, "lei Yahudi gelma". ²⁷ Gasak bo anma ok gewatumi wete palbong topah, nok me Yesus genang biki mi. ²⁸ Gasak mewe buku bila gegamadesa, getatok de migamade, akasi gala geime anma boka gasa geita galede. ²⁹ Gasak bo anmakang ga Yesus gawinte, ga Yesus gasiy-gasaide, gegafilang gaya bo, ga kawai: "Hai! Alak eng angah bo kadiy bometareke bo watu sumi migasol le atah. ³⁰ Eisha gsama-gasama, palbong ta siy" ³¹ Gasak wete imam-imam gegatilang, anma genglek mang ahli Torat Yesus gabiy gabu, me genok le, getaka wai anma gebai, "Ga anma piya boka gasa ga mege okiy, ganmante geihsah boka gasa keh betesa boka". ³² Ganiningsih Mesias, Israel ge lei basa ina ga palbong ta siy, ganinsi sigaima guiley, wai siy me gotade". Anma bo gegaima palbong tau wete, gasiy gasaide. ³³ YESUS GABOD MANG Ang watu jam getana, mane gegaima tutu kaley ya jam ge gisang biat. ³⁴ Jam ge gisangbiat, Yesus gama pika de gepa migamintai, Eloi, eloi lama sabakhtani, anga getaifanga" Nelatalla-nelatalla, minau watung a nedi mang? ³⁵ Wai gasak bo gemei, anma nok ok angmi Yesus gelafiy lasinia ga kawai "I guiley gaElia guiti". ³⁶ Gasak bo anma nok ga tak ya anggur alesiy me bongkik wite, wai me kei gotal game Yesus gone, gawai kawaisi, guile, "Ganinsi sinung guilay Elia ga sue bo ga gesiy bare, na." ³⁷ Gasak bo gama pika de gepa migamintai gekangsila ya gelai mang. ³⁸ Ang watu akuhkadiy kerte(Tarekke) me go ok, geta mi ya gediy mide mang. ³⁹ Wai fadete deng, kei wiling gegafilang lasing, gafong me Yesus gatoning de, gasi. Gagate, ganingsi Yesus ga tota gobai te gesumei ya ge aifangamide mang, ga kawai, "Mattung, anma ako latalla gedum," ⁴⁰ Angmi male su ok, okai mi guiley, angmi malesak gaima. Maria Magdalena, wai Maria Yakobus lutiy gukui, wai Yoses, Salome we. ⁴¹ Biy fadete dena bo Yesus Galelea gemane mi, gegaima goi, gelak bile gotaik goima. Angmi wete malesak pia anungmang suwe Yesus gegaima Yerusalem mide. ⁴² Ang watu le tuta demang, ang watu gemung gogafei, tana ya aka watu midena. ⁴³ Yusuf Armatia gedu ga sue, gala majelis bata bo, alma bata lapang, latala gemane mi bo yame, ga taduka suiy gaya pilatus gata de gaway Yesus geih soi. ⁴⁴ Pilatus gogadit, gemey bo Yesus sa gabodemang. Gawai sube lam guiti, wai ga gaiising, mattung Yesus le gabodemang. ⁴⁵ Gasakbo sube lam ga PIlatus gebai, gawai katai ya me Yusuf gatang wite, wai Yusuf ga falek manih baik, gawai Yesus ge katai, falek bo ga baileya me Yesus ge katai, falek bo ga baileya me Yesus ge katai gafot, gawai me pidami getale, pida bo wiyui bo migor mang. Gasakbo ga wiy ya gasikiy, meya awing bo metame-Yesus genta de. ⁴⁶ Maria Magdalena wai Maria Yoses gukui, Yesus gekatai guiley, gewate bo gami tale mang. ⁴⁷ Maria Magdalena wai Maria Yoses gukui, Yesus gekatai mitale, ga gui lei.