SIOTAU ANSA PAULUS YAI IKANG MI KAWAI ¹ Nil Paulus, Silwanus, wai Timotius me saransa almakang Tesalonika mi, yeng sipa Latala wai Tuhan Yesus Kristus mi. Kang mal ensa dame mop i kang. ² Ni tungbakmi Ni kang mi kawai di me Latala taningde me iaiana taningde, ansa mikawai me iyotaningde, ³ Kapiling iotadi woriusawang di, kanga wo fundi ansa i wota disa wofung si Tuhanmi, Yesus Kristus, si Latalami ansa sipa mi. ⁴ Nenot ne naka Latala yetamana, inglak yalk il miy lai. ⁵ Nadik, luai siwosui nibiy sue iyatadema biy lakbik tuna, iko kawai sangada mi, sinama bong wai watadi kabiyde, solmi almakang bo i rilbo ako minai alma inai sama mi, nung itunau yatung. ⁶ Ilak me almakang-almakang nitang yatak ansa Tuhan lak bik yatafanesa susa takatang adu sinamabong mi wo iyai-woipahsi. ⁷ Anih ila me almakang wotadi yaima Makedonia ansa Akhaya mi. ⁸ Nadih Tuhan yelak bile il mi yamade, biy Makedonia wai Akhaya tu na, weta-weta piyangada yaneng, Latala bo iwo tadisa yania le buk sila wote woiwe, aniyak ni biy lak bile me wo ibai na. ⁹ Angak yatung nil mi yafe ye kawai, i tom nitafane, wai i toniyak ikiy me Latala bo berhala-berhala woi sue me Latala yeng kang wai mattung i wiy lai wowaisin, ¹⁰ Ansai yedung sipou mane misue yadiy la, alma yabodeta yanai mi yeng kane anga Yesus yalil maka ya engen bo sue sue sioba kang desi.