PELAYANAN PAULUS MI JEMAAT TESALONIKA GOTABO. ¹ Nenok netagai Na suwe iyade Ge bal go. ² Inglakgo, Maita tadiy, Filipi mi mitatawiya anga le inglak go, niy gogonok nok de, mi riy niraide? Latala getaduka gemakaiy bo nineng ngak Nimi Injil lah golole goma tawe sal amoi ganaimi lasing. ³ Ni iyom ipaising sa biy katang gapaiy genang na, nak nuwa bo tawe geng sol na? ⁴ Ganiyak, Latala ge gamabung Injil gami niyatdi, nitewa gadung biy mi anma gaw gobaite maldena, gan mang de mi Latala galila gobaite malde, galade geng mi Nimung nga side. ⁵ Ni biy tana suwe lakmata bo mang biyta genang mi ilil bodena, ganiyak Latala gala ni saksi. ⁶ Ni biy gokega, nate tawe rasul-rasul Kristus, ili biy mi iyotung iyolake na. ⁷ Gami gakiy, tamiyma ni gobai inay mi, solmi maleysak nok gedum gabuh bo ga gokah godoong. ⁸ Gahbo, gekang gegamoi bata mi ing, Nillu genimabung nga ni milingsa biy Latala ge Injil la sakana, minai nata Ning kang Ni illuwe mi ingsn, Nililla imboka. ⁹ Ige iwawang, nonok netayai le, Ne tane kapiy sa, genung tatu nate tinsama, ganiyak Ni biy sohsu powai mi tame iyo wite na, Latala ge Injil mi miiyom upausuing. ¹⁰ Elah saksi-saksi, Latala we uh, bila masuwe, mattuna biy Ning kang inaiyni nigogasole. ¹¹ Ganiyak, le inglak go, I niyom nipaiysing, I mirumai de, Iniboh nimtamang mana de, solmi lamsak nok getawa ga gedum le gayei gasama? ¹² Ingkang nga mi Latala gemang ngak we, ga iguai tawe muna tama bo ya ge Kerajaan mi. ¹³ Nilluh weni Latala ge kang bay, minai nate wong bo Latala genang nga igata tane, I maiy ya Nil, i gata tameya biy anma kang ge lakna, nung taganing nguwe nga Latala gelak gemata. ¹⁴ Nenok netayai, ilah geng le isu iwili debo mu Latala ge Jemaat-jemaat bo Yesus Kristus gemung mi. nuya Yudea mane mi, minai nate matta fadiy bo getawa illuwe iy le mitatawiy ya anga anma anungmang bo ikang mani nok geng gobai mang, solmi Yahudi ge anma anuma ga mitatawiy ya gal. ¹⁵ Angak geng Yesus ya gelubiling le geipang gahbo ga niy boy gal moti biy mi Latala gemung goitak na yya anma amung mana gebokade. ¹⁶ Gal moti miyo sah, mi kawai masa biy mi Yahudi ge anma gomal de. gamiyak gal moti boka gasa ge olah, gani mang le Latala ge ukang le gesi mang. PAULUS GEGAMABUNG GAMI GAWAI TEYA JEMAAT TESALONIKA DE ¹⁷ Nenok netayai, ina watu ganai mi boka gasa ga Sinai gawai gawai ya biy Roh ge gamabung na, Nililla iy milake, ge nimabung sikang sitongtowaisak gekang. ¹⁸ Minai nate, genimabung nga ni suwe iyata de, gahbo nata, Paulus, le mitalesing, katiy ya ni Yosah. ¹⁹ Makona ni gorumai, gonino gorupa, nate tinrai gebata mete Tuhan Yesus gafonata mi gami gawaite suwe? anga biy il na? ²⁰ Ilah nipuang ngak, Nigonino.