¹ Bage, Yeikho natodie binna gerbangnya.Nama todiba kota aro barrada ata Israel. Daibana atama monno alouso. ² Napanewe MYORI aro barrana Yosua, kau pandege, kutaigo tana limmadetamu Yerikho ne Tokko monno ata bani ata bani apawessi. ³ Ne yo u kaenga woletamo ne kota, gara kuwa prajurit kabani ka sadekakya bawoletage kota. Hinna lyoloba barawige ne enne lodona madoina. ⁴ Pittu ata imam kaengangindida pittu trompet kadu bebe ne arona tabut.Ne lodo akapittuna, kawoletage kota papittuna monno ngara kuwada imam kaengapowida trompet. ⁵ Nebarengeko punni pamalouna trompet kadu bebe, ga i ngara kuwada umata kapaladage liida bakabaura.Nyawe, ne tembopkaka kota e ga babatana monno ia ata ia ata kaenga penneda temboka arobarrana. Pagobana aro barana Yerikho. ⁶ Murrina, Yosua anana Nun napa mai imam monno natekidawe, "Deitowa tabut lii kira liidadi, monno pittu imam kaenga ngindida trompet bakako ne arona tabut MYORI." ⁷ Bage, hinnage patekina aroda hida ata, "Majumi, woletage ne kota! Narakuwada hida ata aterra bendila kaengakakoda ne arona tabut MYORI." ⁸ Nabawe patekina Yosua barrada hida ata, hangu kakobana pittu imam hangindi trompet kadu bebe ne arona MYORI monno hapapunni trompet, tangerana tabut lii kira liidadi hadekudi. ⁹ Murrinawe, hida ata haterrena bendila hakako ne aroda imam hapowi trompet,na ata lolungona kadupuna hadekuni tabut.takka trompet enganyage bapa punni tirri. ¹⁰ Bage, Yosua napatukadi hida ata, "Dakabuarakana monno daparengekada neliimi, hinakaiye na ia patekimu a louso wali ngada danamu, dukie rapana aro barrami kabuarami balungguaga!', nyaka kabuarami ne bahinna. ¹¹ Hinnaba Yosua tabut MYORI nawoletage ne kota, hasdekakidona bawoletage. Bage awali ne padou tadowaida monno atadowaina ne kareka dana. ¹² Nebana delakage tana kapugede kii Yosua nakede, bage hida imam adeitowa tabut MYORI. ¹³ Pitu imam angidi trompet kadu bebe hakako arona tabut MYORI monno apowi trompet. Hida ata angidi bendila akako aroda monno alolungona lyira adekuni tabut MYORI tangerada trompet bapapunni tirri. ¹⁴ Nelodo akadaudana awoletage kota asedeka, bage awalibali ne kema padou tadowaida. Hinnabawe, barawige enne lodona. ¹⁵ Nelodo akapituna, hida ata akede kappugedekiina, monno awoletage kota apapittuna hahinnabana parawibada. Taka nya, nelodo hida ata awoletage kota apapittuna. ¹⁶ Bage murrinawe, ne akapittuna, tangera neidi imam apapunni trompet, Yosua natekida hida ata, kabaurami! Orona MYORI nasarahkabamie ne kota aro barrami. ¹⁷ Monno, ne kota monno ngarakuwa ina Nya doubana MYORI apamuwa ngara kuwa. Nyakidona Rahap, ata dala monno ngarakuwa ata awaina neumana engagebatoleka. orona bapakabunni ata papatukana. ¹⁸ Taka, ne you , jaga ne toumu aroda ngarakuwa barango papamuwabada. Daudedekana hida barango patiabada ga i kadanamusnakage nekema da ata Israel monno kada moddadengakage. ¹⁹ Ngarakuwa peraka, doka, ngarakuwa barango awalina tabaga monno bei ha erri tubana MYORI. Ngarakuwada patamadi nee perbendaharaan MYORI." ²⁰ Bage, hida ata akabuara monno hapapunni trompet. Monno, tangera needi akabuara barenge lii trompet, kabuara bada hida ata monno kabuara adua liina nyaka nangu tabaddara ne tembomka. Bage, hapennege ne kota ne arona monno arebuta kota monno nakuasage. ²¹ Hida ata hapamusnangarakuai ina ne kota bawaina pedang, kabani monno mawinne, kaweda, buwamane, monno sapi, bebe, monno keledai. ²² Bage, Yosua na tekida hida ata aduada aetakabunnie ne kota, hinadi, kakomi nee umana mawinne dala monno palousoi nai mawinne monno ngarakuwada ata awaina barrana hahinnana pajanjibamu bu aura aro barrana." ²³ Bage, hida duada buamane rahasia apalousui Rahap bersama amana, inana, ngarakuwa ole dadina, monno monno ngara kuwa olena. Hangindi ngarakuwai oleda dina, ataidi gyounga perkemahan Israel. ²⁴ Bage, hida ata atunnuwe ne kota monno ngarakuwa ina kota atunnu ngrakuwai bawaina api. Nyakidu perak, doka, monn o ngarakuwa barang awali tabaga, monno bei ayawi perbedaharaan umana MYORI ²⁵ Rahap, mawinne dala monno ngarakuwa oledadina nagaidi Yosua batoleka. Bage na mawinne engai tillu donga da Israel dukie bahinna nee, orona bana pakabunni hida ata papatukana Yosua baeta kabunnie Yerikho ²⁶ Hitipona, Yosua na aura, hinnage: "Kareibanagu arona MYORI ata akede tubana bapake de balie ne kota Yerikho. Monno ngauda anabodida, na apakede kawungana kota; monno ngauda anakamurrida na ngaadi ne binna." ²⁷ Hinnabana MYORI bana palolodengai Yosua, monno bana pangarana ngara kuwana ne negeri.