¹ Ngara kuwa tokko ata Amori a neena patama waina lodo balina Loko Yordan monno ngara kuwa ata kanaan aneena uppuna Laut Tengah, harengewe na MYORI napa rotokaba Loko Yordan aroda ata Israel dukie bapala ngarakuwa, nawalibawe papangedada aduwa. Da i bage samangatada aro barrada ata Israel. Ata Israel Hatopolai ² Ne hapa ia lodona, hinage patekina MYORI barana Yosua, "Rawina keto watu monno pando topola pi ai hida ata Israel." ³ Murrinawe, Yosua narawina keto watu togo monno natopolai ata Israel nee Gibeat-Haaralot ⁴ Nenyawe pahinna denga Yosua bana topolai hida ata: Ngara kuwa ata halouso wali Mesir, hida ngara kuwa kabani, monno ngara kuwa tentara kabani hamate babana neme laradana tillu mareda dana, bapalouso wali Mesir. ⁵ Nyawe, ngara kuwa ata halousoba topola kuwabai, takka ata adadi laradana neme tillu mareda tangera louso wali Mesir, dapa topolakipu. ⁶ Oronawe, patta kabulludouna madoina bakako tillu mareda kikapa hida Israel, dukie hamate ngara kuwa hida ata, hida tentara halouso wali Mesir, dadekuge patekina MAYORI. MYORI nakutukai hida ata, daeta pongngubawe netana papakirana MYORI monno pakutukana aro barada kaweda ata ullu, gai kayada we ne tana ababu ngarakuwa susu monno kanena. ⁷ Balinawe, hida anada neme murri nakeketa ngara kuwai MYORI hidabana deluda, hidabana patopolana Yosua.Oronawqe badapa topolapu, oronawe balara dana nya kadapa topolai. ⁸ Bapa topolai ngarakuwa hida ata Israel, bage adangngi dobba nepadou kareka dana dukkie badua. Hunga katarina Paskah nee Kanaan ⁹ Bage napa newe MYORI barrana Yosua, "Nelodolage kuopibamidi dirakami awali Mesir aro barrami."Nenyawe pahinnadengawe nepadou bapangarage Gilgal dukkie lodo nee. ¹⁰ Hida ata Israel arawina kareka ne Gilgal monno arawige Paskah ne raimale nedobana Yerikho, ne akabullu pata lodona nai wulla. ¹¹ Nelodo pabawaie Paskah, angaage ina netana, hida roti dapa tau ragi monnoyasa padongngo, nelodo mema. ¹² Bage bana delakage tana angaubana manna baburru, babangaadi ina netana. Ata Israel dakole piabana, monno needau angaadi ina netanah. Panglima Bala Tentara MYORI ¹³ Tangera nei Yosua barrana Yerikho, nakeketa matana monno naeta na ata adede arona monno naterege teko ne limma detana. Na Yosua natukke barrana monno natua barra, Ne, you gobbabagugu atau oleda?" ¹⁴ Nawalewe, "Indaki, yauwadona Panglima Bala Tentara MYORI, monno neebahinna kumaiaga." Murrinawe, Yosua naka wodo kataba monno natekiwe, "appa pawukuna pateki-Mu aro barrana ana bebe-Mu nebahinna?" ¹⁵ Panglima Bala Tentara MYORI, " natekina Yosua, "Wukei sepatumu, orona ne padou dedemu na errie." Bage, Yosua nadekuge hida patekidai aro barrana.