Sabaiyana Habakuk ¹ Sabaiyana Habakuk. Ndodo Ngi'o tekki. ² MYORI, ku rennge bawe panewe tuba Mu, parawi-Mu oh MYORI, kumadautandi! Patolekawi ne pa palawaina ndou, boge lage ne pa palawaina ndou, monno nee buttu atemu, lolowe ne manowwaramu! ³ Na Maromba Allah walina nemme padou Teman monno na Mahakudus walina nemme Gunung Paran. Ne bibbitana na ponnuwe ne ngarrakuwa langita, monno ne ponnu tana na bonnuge ndodo geile a aro barrana. ⁴ Wa'i ge ne mangewala apa gaina loddo a pota, monno waige wegara abibbaka ne limma detaNa monno nee nyawe padou pakuwa wainawe ne pawessi-Na. ⁵ Ne aro barra-Na ne kapore nakakowe, monno ne magoddoka na dekuge oro waina. ⁶ Na kedde, ne tana na goddoka, na patuuge wello kawanana monno na pawedda bangsa-bangsa. Gunung-gunung awaibana hitti tana mema ama dawu, monno ngarakua letena arata douna a runu, netti nyawi lara-larana ara douna. ⁷ Ku etawe kareka-kareka da ata Kusyam ba needi pakoseda, tenda-tenda da ata midia ama goddoka. ⁸ Barrana Loko mu bani tetatakka oh MYORI? ne kaneegu a pamoddawi hidda loko? Barrana bonnu, mu bani, nyawe ku kaletewa dara monno kreta kemenanganmu? ⁹ Na busur-Mu mu wukkeba, monno mu patamabai ana pana. Wou mu tialandi loko-loko ahinna na ne papa endaMu. ¹⁰ Hidda gununga aka dandaka ba etawu, wee kanolaka na punni, Na Samuddra raya na punniwe lii na, monn na keketa limmana. ¹¹ Na mata Loddo monno Wulla na danggi ne pa douna, orona bibbakana ana panahmu a malle. ¹² Ne BaniMu na lawiwe tanah, monno ne buttu ate-Mu, Na ledu-ledundi ata ponnu tana ia padou-ia padou. ¹³ Mu kako ullu aro gai kappa toleka umat-Mu, gai kappa toleka ata papa 'daba-Mu limma. Mu rukkuwe pa'duda ata abokala, monno mu wukkewe temana na dukkiwe tana dana monno nadukkiwe ba padeendi togo. ¹⁴ You mu duka wai ana panana douna barrana pasukanna, a beina mbani monno ba ngindiwagaa ne natara dana ba waige kabara, ne baetako yo ka beina kaballona atta milla a kwaa mboto aka bunni. ¹⁵ Hidda ndara-mu, Mu ledukge bonnu, wee bonnu bubba-buba kaldana. ¹⁶ Ne baku renge belli waiiwe, na kadandaka ategu, ne rowigu na kadandaka bana rengewe punnina, hidda ngarakua rowwigu yoka tamandi balatunga, monno kuka dandaka ne padougu. Hinnamu ku kadanna, ku remage ne loddo a sussa a ammina barrana bangngasa appa kuana ba keddema. Engage ne Maita podi barrana Myori. ¹⁷ Lakka danna wollako na Wasu Ara, na wasu anggura badanna uwa, ina wasu zaitun na pakkka roddukago ate, monno oma, nda dadiki nga'a panga'a, simbi monno bebe ama 'dau wali nee gollu dana mono ndaiki karambo sapi ne gollu dana, ¹⁸ Hinnamo, ku ma'ita podiwaga nee barrana MYORI, monno ku geile nego barrana Maromba Allah appa tolekaga. ¹⁹ Na MYORI Maromba Allah nya pawessigu. Nya rai gandi wa'igu pagaina wa'i rusa, na palokoga ba kako neti letena. Tubana angindiwe dodo, Na waina kecapi.