¹ Ku beige baku dede ne padou apparedda monno baku dede ne ponnu tolakana, Ku beige baku mattarage monno baku remage appawe patekkina ne lii biana barragu, monno appawe pawalanagawe ne pakka lallugu. Na Maromba Allah Nawalewa na Habakuk. ² Na MORI hinnawe pawelenaga, "Tulisawi hiddda pa eta monno kamatokai ne ponnu kabibbi togo, gai laige hidda ata malle kaetawe. ³ Badekukoge hitti paeta engapoge bana remai rapana, takka ba nadukkiwe rapa bana tomawe daiba allawolo. Takka bana madoikolage, Remage, Ba ne ahinna takkana ammige monno daiba ma andana. ⁴ Ne ahinna takkana, na ata akeketa katukku ngau na ne atena danna lurutkiwe, tapi na ata andua ngindina natolekage ne atewaina. ⁵ Na ata a keketa wekkina, monno ata ama podeta hidda lage nda kadambe. takka lage enga waandi, nama ngangawe ngada 'da napa gaige padouda ata mate, monno nda beku pagaina mate, nyawe hidda ngarakuwa kabissu ka pakuandi monno ngarakua bangsa kappa imbondi. ⁶ Da hidda ngarakuaki hidda ata appa kakowa na tedada tubana nya, geileda monno tedekada. "Punnina: "Kareibanai ata awega pote tuba touna awaindi dou ata- pirra pia dommo? monno, apabotowe toudouna tubada pawai papa ande!'' ⁷ Danna kapaddekakipo, appa ka nda hiddaki akatiwu, monno aka tattaka hidda ata appa ganggutau, nyawe yaou ka waigu dou paka tako tubada? ⁸ Orona, bu rampokawingara kuwa Suku Bangsa, nyawe hidda bangsa-bangsa a engapona a rampokau, orona raada ata piah ama lega monno orona bottu ne ponnu tana, kota monno ngarakua ata ponnu tana. ⁹ Kareibana ata adeke utuna waline dappa douna tubana umma katongana. Nati ata na taige ummana ne padou ama jaga, gai ka nda todoka namme abokala! ¹⁰ Mu pangedage adirraka a aro ummamu, Mu tippukandi monno mu pamoddawi kabissu bangsa alua mangedana, ne ahinna takkana mu rawina salah a aro tou doumu. ¹¹ Ne ahinna takka nala ge hidda watu-watu awalina temboka deta aka aula ama dengngi, monno hidda kogola umma lage ba hidda a wale. ¹² Nanangngana ata apa keddewe ne kotana ne ponnu raa, monno a bondalawe ne pondasina ne ponnu parawi nda duwa. ¹³ Ne ahinna takkana, Na Myori a raina tana monno langita, danna patukaki na bangsa-bangsa bana dopawekkina bana pawillige ne pawilli pangaada api, monno kabinssu-kabissu ba dopage ne pawilli damangu ina? ¹⁴ Ne ahinna takkana, Ne ponnu tana na bonnuge ne pande tubana ege deta na Myori, na pagaige wee a ponnuwe bonnu. ¹⁵ Na nangngana ata a yawi paenu na olle atana na pakaulage buttu ate, monno napa maboka paenu gai kana eta nai pawaina. ¹⁶ You apa bekutawaibagu kaniska wukkupa deluwe ne kehormatan. Enu kaina you monno ka ala-ala kaiwu. Na Gosi pega Limma detana Myori na madikkira barramu, monno dirraka akaladana na mapepe weikedetamu. ¹⁷ Orona, ne kadekala a aro barada Gunung Lebanon ba nya a koporagu, monno hidda ranga papa modda hidda pa kattatakagu, orona netti raa ata ama lega, monno kadekala a'aro barada negeri, kota monno ngarakua hidda atana. ¹⁸ Appako gunana nati kasalatou pa ukira pa pahat da ata a raindi? appako gunana nati Kasala tou padopola wukku apa nungngana mapodeta? Na araiwi na waiwi na wukku parai douna, bata etako na paraina hanyalah marapu-marapu nda panewe. ¹⁹ Na nangngana ata appa newe barrana ne kadippu wasu: "keddewu!" monno, barrana na tagowatu kabongnga: "Ndindarawu!" Nyakana apa nungagu? memang na kalambena doka monno perak, tapi ndaiki lolo ngauda jana. ²⁰ Akan tetapi, Na Myori engawi ne padouna ama deta ama jaga a kudusa. Dangngiwu barra-Na, ta ngarakuwa kawiduka ponnu tana!