¹ Nee kebetulan wa'i ia ata dursila ngarana Seba, anana Bikri, ata Benyamin. Nya napowia trompet monno napanewe, "Itto data kolekina torada wali barra Daud. Itto data kolekina warisan wali barra anana Isai. Ia ata-ia ata kako bada nee padouda, hai ata Israel!" ² Ngarakuwa ata Israel erubada wali barra Daud monno adeku Seba, anana Bikri. Nyaka ngarakuwa ata Yehuda tetap bapaka ia dengai tokko, walina loko Yordan dukki Yerusalem. ³ Na dukkibana Daud ne istanana ne Yerusalem. Bage, tokko nakododi aka bullu gundik mawinne padundakana tubana bakadie istana, monno ban dalai nee istana bajagai tubana bapa payarai ne hidda. Takka nya, ne hidda dapa barraki nyaka terasing dukkie loddo mateda monno batoleka baengadi ba minne walu. ⁴ Napanewe tokko barra Amasa, pakawoddeka ngarakuwa ata Yehuda ne atouda loddona, bage menghadap yo'u neme." ⁵ Kakobana Amasa tubana bapakawoddeka ata Yehuda, takka nya na eru-eru rapa dukkie na rapa yang ditentukan ba lawina. Daud Napatukai Abisai Kapamatea Seba ⁶ Napanewe Daud barra Abisai, "Nebahinna, Seba, Anana Bikri, naloukapo bana bahaya wali Absalom. Yo'u, kododi ana buahna morimu ka berusaha ba wolawa, ga'i kadana dukki kana kota dana yang berku bu nyaka terlepas wali ne paetada itto." ⁷ Kako bana nya bana wola nati ata. Bage, kako bana Yoab, ata Kreti, ata Pleti, monno ngarakuwa pahlawan awalina Yerusa lem, baberusaha bawola Seba anana Bikri. Yoab Napamatea Amasa ⁸ Nebadukki ne barra watu kalada aneena ne Gibeon, ternyata na dukki ullubana Amasa. Saat itu, Yoab natau kalambe perangna, monno ne kette kombuna wa'ige teko ha ka dakka eba detana. Nya kana maju monno nabatu ge teko wali wanno danana. ⁹ Napanewe Yoab barra Amasa, "Muluputa yo'u, ole dadigu?" Bage, limma kawanana Yoab naterre nadi wullu ngengena Amasa tubana ba dekkia. ¹⁰ Amasa dana etakie teko aneena limma detana Yoab, padakurada tia detana nya kana lousoi i tanaikona ne tanah deta. Dana pandoki bana dakura orona namate bana. Balina, Yoab monno Abisai, allikana, awolawa Seba, anana Bikri. Atana Daud Apakitana Bawega Seba balina , Yoab monno Abisai allikana hapa kitana bawola Seba. ¹¹ Bage, na ia atana Yoab adede mata wekki neikke, "Garra bei Yoab monno garra a neena barra Daud, deku Yoab." ¹² Tangeranawe, Amasa nama leilara bana mate mangu raa ne tillu tanah pepe. Neba eta na ata ba neei pawoletada ngarakuwa rakyata, hangu erubanawe kamatena ba ngindie mareda dana, bage pawollokai ingngi ne ponnu kamatena. Orona, bana kaduka ata mangeda baeta bawoletai. ¹³ Balina bapa marroge kamatena wali tanah pepe deta, kako bana ngarakuwa bana ata dekuni Yoab monno baberusaha bawola Seba anana Bikri. Seba Nakedu Kanuwa nee Abel-Bet-Maakha ¹⁴ Bage, Seba nalewata ngarakuwabai kabisu Israel, nalewata Abel nee Bait-Maakha. Ngarakuwa ata Bikri ammi kuwai bapa kuwana badeku nya. ¹⁵ Bage, hida ata mangeda adukki monno bakepungwa ne Abel-Bait- Maakha, monno apabuduna tanah bana dadi tembok arona kota. Ne tembok nadede saat ba ammidi ngarakuwa rakyata adeku Yoab baparusaka tembok monno ba pukka ge. ¹⁶ Bage, napanewe ia mawinne abijak awali kota dana, "Hei rengngemi! Rengngemi! Nebahinna tekkina Yoab: Tukkemi nebahinna nya ka kaku panewe dengai nya. ¹⁷ Natukke Yoab barran, Bage natuwa na mawinne, "Yo'u ne Yoab?" Nawalewe, "Yauwa takka." Napanewe na mawinne, "Rengnge patekkigu ne yauwa hambamu." Nawale Yoaba, "Nyado, yauwa enga rengngegu." ¹⁸ Napanewe nya hinnadi, "Hitti haulluna, napanewe ata hiddage: 'Dengngi petunjuk ne Abel,' hinnaba masalah bana mabawe. ¹⁹ Takka nyamo, Yauwa ne ata ia oleda ata atoleka dalam damai monno setia ne Israel. Takka nya, yo'u berusaha bupamodda kota, ne kota indukana Israel. Appa ne yo'u kapa hancura we milik pusakana MYORI?" ²⁰ Nawale Yoab hinnage, "Ngarakuwa indaki. Namarro baku pamodda monno baku pamuwa! ²¹ Dahinnakie adadi. Nehahinna takkana, na ia ata awalina lete detana Efraim, ngarana Seba, anana Bikri, nakeketaba limmana arona tokko. Yawa nya, nyaka ne yauwa kaku kako wali kota dana." Bage, nawale namawinne barra Yoab, "Nyado naduwai, Ne katowwana kapettige aro barramu nee bali temboka." ²² Mai bana na mawinne barra ngarakuwa rakyata monno nabijaksana. Balina, puddikana katowwa na Seba anana Bikri monno lettoge barra Yoab. Bge, powiba trompet monno matallara bana badundakage kota, bakako ia padou-ia padouda. Yoab nawali bali nee Yerusalem barrana tokko. Hida Pegawaina Tokko ²³ Yoab kapala tentara ngarakuwa Israel. Benaya, anana Yoyada, kapala tubada ata Kreti monno ata Pleti. ²⁴ Adoram kapala tubada ata Rodi, sedangkan Yosafat anana Ahilud menjadi bendahara negara. ²⁵ Seya panitera negara, monno Zadok bada Abyatar menjadi imam. ²⁶ Bage, Ira menjadi imam tubana Daud.