¹ Bage, Hatekkina Yoab, " Nehahinna takkana, tokko nangio monno naka lallu orona Absalom." ² Nyaka, menang ne loddo nakabalie kalallu tubada ngarakuwa tentara. Orona, ngarakuwa tentara barengnge ne loddo bana panewe ata, tokko nasusah atena orona anana." ³ Ne loddo meme tentara tama kanawage kota, tudakona tentara bapamakkei orona bakako kanawa bakedu wali patauna. ⁴ Tokko napa wolloka matana. Bage, ngio malelikabana tokko, "Anagu, Absalom. Absalom, anagu, anagu!" ⁵ Bage, tamabana Yoab tubana baaroi tokko ne pa dou neewa'i monno tekkina, "Ne loddo mupa makke mata ngarakuwa hambamu hapaslamatago ngaumu ne loddo, monno ngauda ana-ana mawinne mu, ngauda ngarakuwa ole ummamu, monno ngauda gundik-gundikmu, ⁶ monno bumanawaradi ata amusuh-musuhgu monno bumusuhi ata amanawaragu. Orona, yo'u boge ne loddo bangarakuwa panglimamu monno ana buahmu bada'i gunada app-appa. Hinnawe, yauwa, kupandege ne loddo, tudda baenga tolekakona Absalom nyaka ia ata-ia ata amate yo'u enga duwabana bu eta. ⁷ Nyaka nebahinna, keddeu, lousou, monno kapa kadennada ateda ngarakuwa atamu. Orona, oro ngarana MYORI ku aura, ne bada lousoko nyaka da'i bana ia ata dangngi papa lolo dengamu ne gedde. Nehahinnana nyaba bencana adipparau, wali bukiina dukkie ne bahin na." ⁸ Bage, keddebana tokko bana madii ne baa binna gerbang. Ne ngaraku wa rakyata tekkida hinnai, "tokko nama dii ne binna gerbang." Bage, ammibai ngarakuwa rakyata tubana baaroi tokko. Tangerana, ata Israel hetti badi kedu dou- kedu dou nee kemah danada. Daud Naterre Balige Tokko ⁹ Bage, ngarakuwa rakyata wali ia kabisu-ia kabisu Israel apasola badi patekkida hinnawi, "Tokko napa sellabada itto wali limma detada musuh. Nya bana hapaslamatada itto wali limma detada ata Filistin. Nebahinna, nya na kedu wali ne negeri orona Absalom. ¹⁰ Absalom, paurapa bada bana terre na pareta namate bana ne pataudana na. Appa yemmi kana kanawa toumi monno kada pawali balina tokko?" ¹¹ Tokko Daud napatukana ata barra Zadok monno barra Abyatar, imam-imam, pana'u: "Tekkida ngarakuwa paama-paama Yehuda limmidi, 'Appa yo'u kamurri pongngu bapawali tokko ne istanana? Orona, paneweda ngarakuwa Israel nadukkiba ne Istana, arona tokko. ¹² Yo'u dona ole dadi-ole dadigu monno raa kalitagu. Appa kadapa yo'u wa murri tubana bapawali tokko?' ¹³ Barrana Amasa, paneweu, 'Appa da yo'u raa kaitagu? Allah enga hukum banaga, monno nalouka dommopo bada yo'u ko panglima patauna ne arogu ne bahinna monno nemme mado'i na ayro tu bana badeluwa Yoab."' ¹⁴ Paeleda awa'ina ate danada ata Yehuda, bapaka iana, nyaka hida ata kapa ngindina pana'u barra tokko, "Wali bali mori gu, monno ngarakuwa ana buahmu." ¹⁵ Bage, kako bana tokko, monno nadukkibana nudu loko Yordan. Monno ata Yehuda adukki babana ne Gilgal, tubana badeiba tokko monno bapa palai tokko wali loko Yordan. Simei Nadengngia Daud tubana Bapa derra ¹⁶ Ngetabana Simei, anana Gera awalina Bahurin, ammidi apalolo dobba ngarakuwa ata Yehuda tubana batabboka tokko Daud. ¹⁷ Rata ata awalina daerah Benyamin hinna kaie bapalolo dobba. Ziba kaina, hamba keluargana Saul, monno kabullu limma lakawa kabani anana monno duakabullu hamba na bapalolo dobba monno bangetta-ngetta pongngu na nee loko Yordan ga'i ka ulluwa tokko. ¹⁸ Balina hida ata, pala wali padou papawa'i tuba na bapa paladi ole dadina tokko monno barawige baappawe aduwa ne paetana. Simei anana Gera nakawodo bana sembah arona tokko ne palai loko Yordan ¹⁹ Patekkina barra tokko, Morigu dueta kagadi salahgu, monno dulolokai parawigu yauwa hamba mu, hitti ulluna morigu ba louso wali Yerusalem, tuba na ba ga'idi ate dana tokko. ²⁰ Orona, nahambamu napandege ba ne yauwa ku rawibana salah dosa.Takka nebahinna, ne loddo yauwa kawungana wali ngaraku wa paburru wali wa'ina ole dadina Yusuf tubana badei ba morigu tokko." ²¹ Bage, napanewe Abisai, anana Zeruya, hinnage, "Danyakiue ne hahinna, Simei bapamate pongnguwa orona bana paweli ata paurapana MYORI?" ²² Nawale Daud, "Garragu yo'u, hei anana Zeruya, nyaka ne loddo bana dadie ba yo'u gobbagu? Appa ne loddo na ia ata pamate pongngu wa ne Israel?" Orona, dipyandekiga ba ne loddo ba yauwa tokko tuba na Israrel?" ²³ Napanewe tokko barra Simei, "Yo'u daku pamate pongngubau." Bage, autrabana tokko. Mefiboset Nadeiba Tokko Daud. ²⁴ Mefiboset, umbuna Saul, namai kaina pareng ga tokko. Nya dana wanoki di wa'ina, dana piaraki wullu ngengena, monno dana wanokidi pakaiannya sejak na loddo bana kako tokko dukkie bana wali monno bana slamata. ²⁵ Nyaka, ne baammi ne Yerusalem tubana barengga tokko, natuwa tokko, "Appa ne yo'u kanda kako papalolo dengaga Mefiboset?" ²⁶ Nawalewe, "Morigu tokko, yauwa natipuaga hambagu. Nyaka, yauwa ku tekkina na hambagu, tau sasi keledai kaku kaletea monno kaku kako palolo dengai tokko!' Orona, ne yauwa habamu kukabeko. ²⁷ Nya nawewaradi fitnah tubana na hambamu aro barramu morigu tokko, dekuge hinna takkana morigu tokko tuddawa malaikat Allah. Nyaka, rawikoge aduwa ne partamu. ²⁸ Danyakie hinna takka na ngarakuwa ole dadigu pawukuna pahukum mati oleh morigu tokko, takka yo'u mukeketa na hambamu ba nya ngaa ole dengagu ponnu meja? Appa ne yauwa wa'ipo hakgubaku matuntut aro barrana tokko?" ²⁹ Nawale tokko, Appa ne yo'u kaenga panewemu tubana perkaramu? Yauwa kuwata ne bahinna yo'u monno Ziba byagei oma!" ³⁰ Nawale Mefiboset barra tokko, "Langngo ngarakuwa badekei wali barragu, orona morigu tokko walibana monno basalamata ne dalam istana. Barzila Nadekuna Bantara Tokko ³¹ Barzila, ata walina Gilead ammikai walina Regelim.Nya napadeku palolo dengai tokko nee loko Yordan, baatarwa dukki nee. ³² Barzila nakaweda pongngubana, umurana pondo patta kabullu doubana.Nya urusai pangaana tokko se lama baneei ne Mahanaim Mahanaim, orona nya bana pote pongngu. ³³ Napanewe tokko bar rana Barzila, "Yo'u dekuga kata palolo, monno kupia rau nee padougu ne Yerusa lem." ³⁴ Nawale Barzilai barra tokko, "Pirra dou kyabana baku toleka, nyaka kaenga kakogu baku palolo dengagu netti Yerusalem? Umuragu yauwa pondo patta kabullu doubagu. Appa nebahinna kupadeka doge aduwa monno daduwa? Appa ne yauwa hambamu kurasakado appa pangaagu monno ba appa paenugu? Atau ku rengnge kado liida lakawa kabani adodo monno mawinne adodo? Appa ne yauwa hambamu menjadi bebanmuga mori gu tokko? ³⁶ Yodikya palai loko Yordan bapa lolodengai tokko, appa ne tokko koyaga ganjaran hahinna wa'ina? ³⁷ Pakalogaga ne hambamu kaku wali, kaku mate wa'i nee kotagu, barra ratena amagu monno innagu. Nehahinna takkana, hamba mu Kimham nya bana hapa lolo denga pakitagu mori gu tokko. Rawikoge aduwa baappa ne paetamu." ³⁸ Napanewe tokko, "Kimham nyabana hapa lolo dengaga. Yauwa kurawina baappawe aduwa aro barrana ba nepaetamu. Monno, ngarakuwa papa aromu tubagu enga rawi pongngudi. "Daud Nawali ³⁹ Bage, pala kuwabana rakyata bali loko Yordan.Balina bana dekkia Barzilai monno bana berkat wa pala bana bali loko tokko. Monno kako waliba li bana Barzilai nee ummana. ⁴⁰ Kako bana tokko nee Gilgal monno napadeku Kimham. Ngarakuwa ata Yehuda monno tokko hapaladobba, hainna kaiye ne hakadippu loddo awalina ata Israel. Ata Israel Haparikkana monno Ata Yehuda ⁴¹ Takka nyamo, ngarakuwa ata Israel amai menghadap barra tokko monno tekkina tokko, "Appa ole dadima yamme, ngarakuwa ata Yehuda, kaculika tokko monno bapa palai tokko, monno ngara kuwa ole dadina, monno ngarakuwa atana Daud hapalolo dengai, wali loko Yordan?" ⁴² Awale ngarakuwa ata Yehuda aro sagada ngarakuwa ata Israel, "Oro na tokko ole karabat barra mai yamme. Appa yemmi kadappa baniwa tubana ne hahinnana? Appa neyam me makolena pangaa wali barra tokko? Appa ne yamme madeiba utuna?" ⁴³ Nawale ngarakuwa ata Israel barrana ata Yehuda hiddage, yamme mapa kabullu louka tubana tokko Daud, malah yamme monno malouka kyapo. Appa yemmi bietama bipa radakama? Inda nyakie hit ti nena bayamme awyata tubana bana wali tokko?" Nalouka pamalarakai patekkida ngarakuwa ata Yehuda daripada patekkida ngarakuwa ata Israel