¹ Nababawi ngara kuwa pawilli papawillina Salomo a tuba Bait MORI. Bage na ngindi kuwawi appawi payana Daud, amana a tuba ne bait baru nyabawi haiada ngara alat parawi waida wali omma kaka monno omma rara monno ngara peralatan monno na ta'idi ne aruang perbendaharaan ne Bait ALLAH. Tabut Kudus a Ngindi ne Bait MORI ² Napatukadi ngara kaweda Israel monno ngara kapala pawali wa'ida monno ngara ata pareta 'duda Israel, a pakuwana ne Yerusalem ngga'i ka ngindiwe Tabut Aurana MORI nwali Sion, wannona Daud. ³ Ngara kuwa ata Israel a pakuwana ne arona Tokko Salomo ne loddo wulla kapittu. ⁴ Balengngappa ammidi ngara kaweda Israel, ata Lewi a keketa Tabut Aura ⁵ monno a ngindiwa ne Bait MORI monno ngara benda kudus a wa'ina ne kemah dana. Ngara kuwa a keketai ngara imam monno ngara ata Lewi. ⁶ Tokko Salomo monno ngara kuwa ata Israel a pakuwana ne aro Tabut Aura monno a korbandi simbi bebe monno lembu a allu luwana. ⁷ Bage ngara imam a ngindiwa Tabut Aurana MORI ne pandou pasiapadda. Ne pandou nyabawe Koro Mahakudus danana Bait MORI. Tabut Aura a ta'i ne kabu kapana ngara malaikat kerub. ⁸ Na malaikat kerub na wekkarandi kapana ne ponnuna Tabut Aura, nyakanna todiwa tabut monno ngara wasu pakeketawaidai ne ponnuna. ⁹ Wasu pakeketa waidai na malou monno ne uppuna bisa ba etawe wali arona Koro Mahakudus, takka dappa bisaki ba eta wali ngounga Bait MORI. Ne nyabana pandouna diya loddo. ¹⁰ Da'iki wadde a wa'ina ne Tabut Aura dana nyakidu duada loh togo pata'ina Musa ne danana, ba kettena Aura monno ata Israel ne Horeb, ba louso ngara ata Israel wali Mesir. ¹¹ Ngara imam a wa'ina a pasuci wekkina bana. A paeru wekkina wali ngara kelompok da ba louso wali Koro Kudus ¹² Ngara ata a dodo pawali wa'i Lewi na Asaf, Heman, Yedutun, monno ngara a anada monno ngara 'duda a dede ne tuba timur mezbah a waina kalambe lenan halus monno a ngindi ceracap, gambus, monno kecapi. Wa'idi ngau dua kabullu imam monno ngara ata Lewi a dodo, a poi terompet. ¹³ Louka a waina terompet monno ngara ata a dodo a serentak a parengnge li'ida ba puji monno bersyukur barana MORI. A dodo waina terompet, ceracap, monno ngara alat musik badeika wundawa MORI. A dodowi dodo , "Deikawa MORI orona ne duwana. Ne duwa-NA mori wali-mori wali." Bage Bait MORI a ponnuwe kasoba. ¹⁴ Ngara imam na lanjutkingge ibadah orona na kasoba. Orona ne kemuliaanna MORI na ponnuwe Bait MORI.