Kambuna Salomo Pakedde Bait MORI monno istana ¹ Naya pareta Salomo ngga'i ka pakedde iya bait a tuba ngarana MORI monno istana kerajaan tuba dounanya. ² Na tukawi pittu kabullu rata ata a pawilli monno pondo pata rata ata tukang pahat ne letena. Napedewi touda rata enne ngau mandor ngga'i ka awasai ngara ata a apawilli. ³ Bage Salomo napana'u barana Tokko Huram ne Tirus. Hinnage Salomo, "Tuluga hinna kaina bitulugai amagu, daud. Mu pangindiwi wasu cedar barana nyakanna pakedde waige padou dangngi wa'ina. ⁴ Tetakka, youwa enga pakeddego bait a tuba ngarana MORI, ALLAHgu. Ne bait dana yamme matunnu dupa ne aro-NA monno ma tarru ta'ina kababa sajian monno maraka kurban patunnu iya kabugedde-iya kabu gedde monno remale, ne loddo Sabat, na wulla baru, monno ngara loddo biraina akaladana dekuge patekkina MORI, ALLAH da ngga'i kamma dekuge. Ne nyaba aturan a tuba umat Israel. ⁵ Enga pakeddego bait a kaladana orona ALLAHma louka kaladana wali ngara allah wadde ⁶ Da'iki iya ata a pakedde umma padouna ALLAH ma. Takka langit, louka nya langit ponnu langit danna bisa bana botiwa ALLAH, nyaka danna bisake baku pakedde iya bait padouna ALLAH. Napabisagu nyakidona pakedde padou patunnu wa;i dupa nggai kamma hormat-Wa. ⁷ Bahinna ne'e kudengngi baramu ngga'i ku pangindigadi ahli a pawilli omma rara, omma kaka, tabaga, bei, kaba ungu, kaba kirmizi monno kaba moro monno a pande maukirra ngara paukira. Napawilli wa'i ne, ne Yehuda, monno Yerusalem paiya dengadi ngara tukang papapedena amagu. ⁸ Pangindi kaiga wasu wali wasu cedar, wasu sanobar, monno wasu cendana wali Lebanon. Ku pandegu ngara ata papawillimu a rammi takka ba pogo wasu wali Lebanon. Haida atagu kanna tulu kaimi ba ⁹ ngga'i kapakuwa mangeda memana wasu orona Bait parawigu na allu kaladana monno menakjubkan. ¹⁰ Kubayaranggudi atamu a pawilli a pogo wasu pata rata pata ngau liter gandum a alusa, ngau dua kabullu limma rata keranjang jelai, pata ngau pata kabullu rata liter anggur, monno pata rata pata kabullu rata liter minyak." ¹¹ Bage hinnage Huram bana walena Salomo monno napangindige ne li'i barana: "Orona MORI namanawarandi umat-NA. Nyabawe, kanna pede rajada." ¹² Hinnakaige Huram, "Terpujilah MORI, ALLAH Israel! Nya ciptage langit monno bumi monno a aya ana a bijaksana, bonnuna akal budi, monno pengertian, a pakedde bait tubana MORI, monno ngara istana a tuba dou barana. ¹³ Hinna ne'e kupangindigu ata a bijaksana monno bonuna pengertian ngarana Huram Abi, ¹⁴ ananai mawinne pawali wa'ina Dan, na amana wali na wanno Tirus. Huram Abi na pande pawillina omma rara, omma kaka, bei, togo, monno wasu, kaba ungu, kaba moro monno kaba kirmizi. Na pande dommo pawillige ngara ukuran monno rancang monno pakedde langngu appaku patukawa. Na pawilli dengagudi tukang-tukangmu monno tukang-tukang Tokko Daud, amamu. ¹⁵ Hinna ne'e pangindiga gandum, jelai, minyak monno anggur barana ngara atagu dekuge li'ina mori. ¹⁶ Monno yamme kamma pogoma wasu wali Lebanon langngu peikona luwana padengngimu. Ma kettedi monno mangindi baramu lewat bonnu netti wanno Yafo, bage ngindiwa netti Yerusalem." ¹⁷ Bage, Salomo nahitungwi ngara ata asing a dangngi ne Israel. Hinna kaina mahitung parawina ulluna Daud, amana. A tabbokawi ngau limma kabullu touda enne ngau ata asing ne wanno. ¹⁸ Wali barada, Salomo na pedewi pittu kabullu rata ata kakeketawi ngara barang, pondo kabullu rata tukang pahat ne letena, monno touda rata enne ngau ata mandor ka awasai ngara ata a pawilli.