Kawukku Kaiya

Salomo Nadengngi Pande 1 Salomo, ana Daud, tokko wa a allu pawessina, orona ALLAH bana koro golluwa. NA raiwi Salomo bana allu kuasana. 2 Hinnage Salomo barada ngara ata Israel. Napanewe barana ngara kepala pasukan ngau rata monno pasukan ngau, kepala ngara hakim, monno barada ngara ata pareta ne ngara kuwa Israel monno kepala keluarga. 3 Bage Salomo monno ngara ata a kako dobba netti lete pengurbanan ne Gibeon. Orona ne'e wa'i kemah papatabboka wa'i parawina Musa, atana MORI, tengarana ban'ei ne'e padang gurun. 4 Daud napa dikki bai Tabut perjanjian ALLAH wali Kiryat-Yearim, orona napa keddewe kemah a tuba ne tabut ne Yerusalem, 5 Bezaleel, ana Uri, Uri ana Hur na rawi bana mezbah omma kaka. Mezbah omma kaka ne'i ne Gibeon arona Kemah Suci, bage kakako Salomo monno ngara umat netti Gibeon ba dengngi petunjuk barana MORI. 6 Napenne Salomo netti mezbah omma kaka ne arona MORI ne Kemah Pertemuan monno napamarakana ngau rata kurban patunnu ne ponnuna. 7 Ne gedde mema pongngu ALLAH napa ouda wekkina barana Salomo monno hinna-GE, ''Dengngi appawi pabeimu monno YOUWA kuyagu baramu." 8 Hinnage Salomo barana ALLAH, "MU patutu bage kasih setia-MU barana Daud, amagu monno WO'U mu pede baga ba tokko baru waga ne kerajaan amagu. 9 Hinna ne'e o MORI ALLAH, terrege aura-MU barana Daud, amagu orona WO'U mu pede baga ba tokkowa ga ne ponnuna ngara ata a allu kaladana monno ngara atana a hinna kaina pa'u tana luwana. 10 Hinna ne'e yaga hikmat monno pande, ngga'i kaku bisa pimpin nadi umatmu ne lara a manada. Da'iki iya ata a pande aturawi haida umat badanyako tulu-MU. " 11 Hinnage ALLAH barana Salomo, "Orona mu dengngi we ne monno du dengngike kekayaan, hartaa benda, kehormatan, atau matena gobbamu, monno du dengike malou ngau, takka mu dengngi hikmat monno pande, ngga'i ku pande dede keputusan a bijak barana umat-GU, umat papede-GU ngga'i kou pimpin nadi." 12 Nyaka, YOUWA Ku yagu hikmat monno pande baramu, takka KU ya domogu kekayaan, harta benda monno kehormatan baramu dapa dou ponguda louka garraku tokko a wa'i bana." 13 Na ngga'i ge Salomo Kemah Pertemuan a wa'ina ne lete pengurbanan ne Gibeon monno a wali netti Yerusalem ngga'i katokko Israelwa. Salomo Napawessiwi Pasukanna 14 Salomo napakuwadi kereta monno pasukan a waina dara. Nyakanna doudi ngau pata kabullu rata kereta perang monno dua kabullu duada rata pasukan a waina dara. Na tai wa'idi ne ngara wanno kereta monno ne Yerusalem padouna. 15 Ne Yerusalem, Salomo naraina omma rara monno omma kaka a allu luwana hinna wa'ina togo luwana monno luwana wasu cedar hinna kaina luwana ngara wasu ara a wa'ina ne a lamberana. 16 Salomo napa na'u dara wali Mesir monno wali Kewe. Ngara ata papalele tokko a wo'i dara ne Kewe waige welli pasar dana. 17 Ngara ata papalele a wo'i kereta peranga wali Mesir a wellina enne ngau syikal omma kaka, monno dara a wellina ngau limma kabullu syikal omma kaka. Bage ka battadi dara monno kereta perang barada ngara tokko ata Het monno ngara tokko Aram.