Mate tubana sala mono muorika nee Kristus dana ¹ Bage appako patekkida? Ne itta ta rawi pakita pona sala ga'i ne anugerah kana luadi? ² Tentu iddama! Pei wa'ikoda ne itta a mate sala dana bata muorika kiapo nee dana? ³ Atau dou padde mage ne itta ngara dukkada pa pariwoda nee Yesu Kristus dana da pariwo allada nee mate dana-Na? ⁴ Ba linna kowe, itta da tane dengadani Ngia ne bada pariwoda nee mate dana-Na; ga'i ka pamiera dengani Yesus pa pakeddeda walina tillu ata mate a li kemuliaan Ama, itta ta kako alla nee pembaruan muorika dana. ⁵ Oronage, ne itta ba paka iyya denga koni nee a pamiera dengage mate-Na, itta da paka iyya denga allada nee a pamiera dengage kedde-Na. ⁶ Ta paddege ne ata pi'ada a miemana da salib pamiera denga allabani Kristus mono tou salada dada lenyapkan ga'i ne itta ka dapa ata wekki kiakana barrana a sala. ⁷ Oronage, na iyya ata iyya ata a bo mate, da pabebasa bani walina sala dana. ⁸ Nee balinnawe, ne itta bata mate dengakoni Kristus, ta waige ne itta ta muorika denga alla-Ni. ⁹ Ta paddege na Kristus pa pakeddeda walina ata mate dana dana mate kiabana; na maut dana berkuasa bana barra-Na. ¹⁰ Oronage, tubana mate-Na, na mate tubana a sala sadekka dukki a idda kadukkana, takka tuba muorika-Na, Na muorika tubana Allah. ¹¹ Linna alladowe toumu, mu paddepoge bahwa toumu na mate bawe nee sala dana, mono mu muorika nee Kristus Yesu dana. ¹² Ba linna kowe, dou ga'i kadi a sala bada kuasaiwe toumu a fana ga'i you kou waige pabeina. ¹³ Mono, dou yakayi yidda anggota toumu barrana a sala waidi alat a buokala. Takka, ya wekkimu barrana Allah a linnana a muorika walina ata mate dana, mono yidda anggota toumu a linnana alat kebenaran Allah. ¹⁴ Oronage, ne a sala dana berkuasai ki barramu oronage you ba dou muorika kia kabuna hukum Taurat takka kabuna anugerah. Ata a bia ¹⁵ Bage, appako parawida? Ne itta ta rawipona a sala oronage ba data muorika kabu hukum Taurat, takka kabu anugerah? Tentu iddama! ¹⁶ You pasti mu paddege ne bou ya wekkina a linnana ata pa angu a waini iyya ata, you mu dadi ata paangu barrana pihak pa waimu; lakka barrana a sala a pa arogu mate dana, atau barrana ketaatan a pa arogu a bia dana. ¹⁷ Takka, malangini Allah bahwa you ettina ata paangu a salawu, neeya dadi a waige takkage tuba pokok pengajaran a bowodagu barramu, ¹⁸ mono oronage you ba pabebasagu walina a sala, you mu dadi ata paangu a bia. ¹⁹ Yauwa ku panewe waige istilah ata oronage kelemahan toumu. Oronage, a linnana a ulluna ne you bou yayi yidda anggota toumu a linnana ata paangu kenajisan mono a buokala a berakibat barrana a buokala a louka pa marro, neeya yayi anggota toumu dadi ata paangu a bia a arona barrana pengudusan. ²⁰ Oronage, ne bou dadipo ata paanguna a sala, you mu bebasa walina a bia. ²¹ Takka, appa kona pa utu pa kolemu walina yidda a pamakkewu? Oronage, lawina walina ngara dukkada ngiadona maut. ²² Takka neeya, ba pabebasa bawu walina a sala mono da wai atagu barrana Allah, you mu kolege wuana atas kesucian mono akhirnya ngiadowe muorika a idda kadukkana. ²³ Oronage upah dosa ngiadona maut, takka karunia Allah ngiadona muorika a idda kadukkana nee Yesu Kristus dana, Muorida.