Ata pia na pabenaradi Allah waige pengurbanan Yesu Kristus ¹ Bage, oronage ne itta bana pabenarada ate wai, bage itta ta dame dengani Allah a li Muorida, Kristus Yesu; ² a li Ngia, itta ta kolena lara tama a arona ate wai barrana anugerah Allah neeya a dadi dasar da itta bata dede, mono itta ta maringa nee pamenne kemuliaan Allah. ³ Da ngiama kiwe, itta ta maringa alla nee mayilla dana pa alamida oronage ta paddege ne mayilla na pa dadige tarunni, ⁴ tarunni na pa dadige pata a tahan uji, mono pata atahan uji a padadige pamenne, ⁵ mono pamenne dana pakecewa ki, oronage manawarana Allah da burriyi nee ate danada a li Roh Kudus payada barrada itta. ⁶ Ne bata lemah po, na Kristus na mate tubada ata durhaka ne rapa a tuba. ⁷ Oronage, jarang ba wa'i ata a beige mate tubana ata benar, lakka wa'i ata a beige mate tubana ata dessa. ⁸ Takka, Allah na patingoge manawara-Na barrada, ne bata rawipona a sala, Kristus na mate tubada itta. ⁹ A louka kia walina nettina, na pabenaradi waige ra'a-Na, itta da pamanumarada walina murka-Na a li Ngia. ¹⁰ Oronage, ne bana musuhpoda Allah, itta da padame dengada dugguda Allah a li matena ana-Na, louka kiawe neeya oronage itta da padame dengada dugguda Ngia. Mono ne a linna takkana bahwa neeya itta da padame dengabada dugguda Allah, bage ne itta alla da pamanu marada a li muorikana Ngia. ¹¹ Da ngiama kiwe neya, itta ta bermegah alla nee Allah dana a li Muorida Yesu Kristus, a li Ngia itta neeya ta deibawe muoli dame na Allah. Mate a li barrana Adam, muorika a li barrana Kristus. ¹² Ba linna kowe, a linnana a sala bana tama nee ponnu tana dana na liwe iyya ata mono ne mate na tama bana liwe sala dana, linna alla dowe ne mate da menyebar we barrada ngara dukkada ata oronage ngara dukkada bada berdosa. ¹³ Oronage, ne dosa wa'i bage ne ponnu tana sebelum hukum Taurat na Musa ba wa'ige, takka dosa dana yiepa kige Allah selama ba da'i hukum Taurat. ¹⁴ Takka, maut na berkuasa sejak zaman na Adam dukki Musa, bahkan barrada ata a idda rawina a sala a linnana parawina Adam, ba ngiadona mawona Ngia a ammina nemmi. ¹⁵ Takka, payana Allah dana miera dengamage ne a sala. Oronage, na salana iyya ata, mangieda ata a mate, bage na louka kiepowe karunia a walina barrana Allah mono payana a liwe karunia na iyya Ata, ngiadona Kristus Yesu. ¹⁶ Mono, anugerah da linna kiwe akibat nage dosa na iyya ata. Oronage penghakiman ne palawi na ngiddiwe hukuman, takka anugerah tubana palawida a mangieda na ngiddiwe pembenaran. ¹⁷ Ba orokonage salana iyya ata, maut na berkuasa barrana iyya ata, na louka kiapowe yidda ata a deibawe kelimpahan anugerah mono karunia a bia na paretawe nee muorika danada a liwe iyya Ata, ngiadona Kristus Yesu! ¹⁸ Bage, a linna allana bana liwe iyya palawi ngara dukkada ata da deiba hukuman, linna alla dowe oronage parawina a bia iyya ata ngara dukkada ata da deibawe muorika mono pembenaran. ¹⁹ Oronage idda waina iyya ata, mangieda ata a dadi pendosa. Takka, oronage bana waige iyya Ata, mangieda ata papa bia da. ²⁰ Hukum Taurat da tabawe ga'i ne a sala kana taba mangiedawe. Takka, ne padouna a sala bana ma tabawe, anugerah Allah na mataba allawe, ²¹ ga'i a linna allana a sala bana berkuasa we nee mate dana, ne kasih karunia na berkuasa allawe a liwe a bia a arona barrana muorika a idda kadukkana ne barrana Kristus Yesu Muorida.