Dou anggap wekki kana mu louka pa dessa walina anguwuamu ¹ Deibayi ata a lemah ate waina, takka da ngiamawe bou bantahyi pendapat na. ² Wa'i ata a yakin ge bahwa ngia boleh bana nga'a ngara dukkada jenis panga'a, takka ata a lemah ate waina ngiakadowe bana nga'a rowe. ³ Ata a nga'a dana hina kana ata a idda nga'a, mono ata a idda nga'a dana hakimi kana ata a nga'a, oronage Allah na deibaya ngia. ⁴ Garragu you sehingga you maka mu hakimi ata paanguna ata waddeka? Lakka dede atau guggila, urusan dounage muorina. Mono, na dede dou oronage Muori na sanggup bana padede ya. ⁵ Wa'i ata a anggapwe iyya loddo na louka penting powe daripada loddo waddeka, sementara waddeka da anggapwe ngara dukkada loddo mierada. Setiap ata da yakin takka poge nee ate dana douna. ⁶ Yidda a pentingkan loddo tertentu, da pentingkan tubana Muori. Mono, yidda a nga'a, da nga'a tubana Muori oronage bana pa malangi barrana Allah. Linna alla dowe yidda a idda nga'a, yidda dada nga'ama tubana Muori mono dada pa malangi maya Allah. ⁷ Oronage, da'ima lakka iyya ata a muorika tuba douna, mono da'ima lakka iyya ata a mate tuba douna. ⁸ Oronage, bata muorika ko, ta muorika tubana Muori, ata bata mate ko, ta mate tubana Muori. Bage, lakka muori kadage atau lakka mate dage, itta dounada Muori. ⁹ Oro nage neya na Kristus bana mate mono bana kedde, ga'i kana dadi Muori, lakka tuba ata mate maupun ata muorika. ¹⁰ Takka, appa you maka mu hakimi ole dadimu? Atau, appa maka muparajaka ole dadimu bou langi liraya? Oronage, itta ngara dukkada ta dedepo aroni tahta pengadilan Allah. ¹¹ Oronage ba wa'ige a matulisa, 'Oronage baku muorika, Linna Muori, na kuddo na deika barra-Gu, mono na lomma na mengaku barrana Allah'. Yesaya 45 : 23 ¹² Bage, ne itta ta yapo pertanggungjawaban tuba douda barrana Allah. Dou pa berdosa kana ata waddeka ¹³ Ba linna kowe, data saling hakimi wekki doukana, takka na dessapowe ba bertekad ga'i ka dou tauya penghalang atau watu pa katulllura dengan barrada ole dadida. ¹⁴ Yauwa kupaddege mono diyakinkan Muori Yesu bahwa da'ima a najis a wali douna neeya, takka barrada ata a anggapwe ne ngara dukkanage na najiswe, bage neya na najiswe barra douna. ¹⁵ Oronage, bana karodduka kowe ata ole dadimu oronage pa nga'amu, you dou muorika kiama sesuai kasih. Dou pa buttakaya waige panga'amu, oronage Kristus na mate alla tubana. ¹⁶ Ba linna kowe, dou ga'i kage ne pa anggapmu a dessa bana fitnahwe a linna a buokala. ¹⁷ Oronage Kerajaan Allah da tubanage ba nga'a mono ienu, takka tubana a bia, muoli dame, mono maringa nee Roh Kudus dana. ¹⁸ Oronage lakka garrakoni a layani Kristus dengan cara a berkenan barrana Allah, mono da paakani ata. ¹⁹ Bage, maida itta kata ruotiwe neya pakole denga muoli dame mono pakedde wekkina iyya mono waddeka. ²⁰ Dou parusaka kawe payillina Allah orokinage panga'a! Ngara dukkada da halal, takka na buokala na ata a nga'a mono a rawini ata waddeka bada berdosa. ²¹ Na louka padessa powe ba dapa nga'a kana'a atau ienu anggura, atau rawige a ieka a rawini anguawuana bana katullura. ²² Norroge keyakinan pa kolemu tuba doumu arona Allah. Maringa ata a idda hakimi wekki douna tubana appa pa anggapna a dessa. ²³ Takka, ata a bimbang da ukkuni bana nga'a ko, oronage bana nga'a dana berdasarkan ate waiki; mono ngara dukkada a idda walina nee ate wai dana ngiadoyi doku denga.