waige peraturan na ata pareta ¹ Hendaklah setiap ata bada kawodo barrada ata pareta a berkuasa barrana oronage da'ima ata pareta a idda walina barrana Allah, mono yidda Allah Ngia a tetapkan di. ² Ba linna kowe, ba garra koni a lawadi ata pareta, ngia lawanadi ketetapan Allah, mono yidda a lawadi da pamai douwe ukku barrada. ³ Oronage, ata pareta da pamadauta dengakiyi barrada a rawige a dessa, takka barrada a rawige a buokala. Mu beige you bou muorika tanpa bou madautana ata pareta? Rawige a dessa, mono mu kolena pujian wali barrana ⁴ oro yidda ngiadoyi pelayan Allah demi padessa dengamu. Takka, ne you bou rawikoge a buokala, madautawu oronage da ngiamawe ba da'i alasan yidda ata pareta bada norrona beddila. Yidda pelayan Allah yi, penuntut balas a pakakowe murka Allah barrada ata a rawige a buokala. ⁵ Ba linnakowe, yemmi mi kawodopo, da ngiamawe ba oro murka Allah we, takka ba oro ate nurani allawe. ⁶ Oro balinnawe ngia maka mi bayar allana welli katuowa, oronage yidda ngiadoyi pelayan Allah a mengabdikan diri tubanage neya. ⁷ Yani barrada ngara dukkada ata appa payamu, welli katuowa barrada da berhak deibayi welli katuowa, cukai barrada a berhak deibayi cukai, rasa madauta barrada ata a berhak a deibawe madauta, mono paaka barrada ata a berhak deibawe paakana. Manawarana ata waddeka ngiadowe ukku a utama. ⁸ Dou pawuttakana lakka appana barrada ata, takka manawara wekkina iyya mono waddeka oronage ata a manawarana ole atana na ponnuwe ne ukku Taurat. ⁹ Oronage, 'Dou berzina kana, dou pamate kana ata, dou kiedu kana, dou bei kana', mono ba wa'iko pareta waddeka, ngara dukkada na terangkum bayi nee patekki dana, 'Manawaradi ole atamu a linnana tou doumu'. ¹⁰ Ne manawara dana rawikige a buokala barrada ole atada. Ba linnakowe, kasoh ngiadowe penggenapan hukum Taurat. ¹¹ Linna alladowe, mu paddege rapana bou kedde, oronage ne balinnawe manumara na louka pabarra bada itta daripada ne pertama kali bata waige. ¹² Ne gedde a lalu bawe mono loddo na barra bawe, ba linnakowe maida itta kata letoge parawida kapotta dana mono ta waige perlengkapan beddila mangiewala. ¹³ Maida kata muorika sopan a linnana ba neda loddo dana, da nema urrata dana mono mabuk dana, da nema percabulan dana mono hawa nafsu, mono da nema pangangara dana a linnana kaguola ngau. ¹⁴ Takka, waini Muori Yesu Kristus mono dou rawat kawe wekkimu ga'i kou puaskan waige toumu.