Ukkuna Allah mono tradisi da ata pi'a ¹ Bage, da pakassana yidda ata Farisi da reggaya Yesu dugguda ahli Taurat a mai a walina Yerusalem. ² Bage, da ietayi yidda murita-Na Yesu bada nga'a roti waina limma a mettena, limma pa dapa basa. ³ Oronage, yidda ata Farisi mono ngara dukkada ata Yahudi dada nga'ama ba dada basa koyi limmada dukki koko limmada oronage tradisi nage inna kawieda da pa norroda. ⁴ Mono, yidda ata Yahudi da mai walina padou ata mangieda, dada nga'a bana ba dada basa koyi limmada. Mono, wa'i podi tradisi waddeka pa deibada bada norrodi, a linnana ba basako kuoba, kendi, mono bejana tembaga. ⁵ Bage, yidda ata Farisi mono ahli Taurat da tuaya Yesu, "Appa yidda murita-Mu ka dada diekuwage tradisi inna kawiedada, takka da nga'a roti waini limmada a mettena?" ⁶ Linna Yesu barrada, "Yesaya na bernubuat takka tubami yemmi a munafik, a linnana a matulisa, "Ne bangsa da paakaga Yauwa waige wiwida, takka ne ateda na marrowe walina barra-Gu. ⁷ Yidda da deika-Wa sia - sia oronage bada bowoge ajaran pareta parawida ata pi'a". Yesaya 29 : 13 ⁸ Sambil bou ga'ige paretana Allah, yemmi mi torroge tradisi ata pi'a". ⁹ Bage, linna Yesu barrada, "Mi cerdik bei tullarage paretana Allah ga'i kei pattuwe tradisi doumi. ¹⁰ Oronage, linna Musa, "Paakadi amamu mono innamu", mono, "Ba garra koni a auradi amana atau innana ukku mate poni". ¹¹ Takka, lummu na ata ba linna kodi amana atau innana, "Lakka appanadi pa utu pa kolemu walina barragu ngiadoyi kurban, ngiadoyi persembahan", ¹² bage di naumani bana rawige lakka appana tutuna amana atau innana, ¹³ ba lummuko mu batalwe li'i-Na Marobba Allah waige tradisimu a pa paburruda. Mono mu rawi kiage ne a linna bana". ¹⁴ Bage, Yesu na paou kiadi ngara dukkada ata mono linna barrada, "Rengewe Yauwa, yemmi ngara dukkami, mono paddege. ¹⁵ da'ima a walina bali gounga a tama nee tou danana a kotora rani, takka neya a louso a walina tou danada, ngiadowe a kotora". ¹⁶ "Na iyya ba mangu katillu kona bana renge, ga'ini kana renge!" ¹⁷ Bage, na Yesu na tama nee umma mono na ga'idi yidda ata, yidda murita-Na da tuaya tubana na tudda. ¹⁸ Bage, linnadi yidda, "Ne you dou padde poge? Dou padde mage lakka appana a walina bali gounga a tama nee tou danada ata pi'a dana kotoramawe? ¹⁹ Oronage, ne a tama dana dukki mawe ate danada, takka ti'a danada, bage na lousowe nee jamban dana". ( Ba linna kowe, Yesu na tekkiwe ngara dukkada pa nga'a na halal yi ). ²⁰ Bage linna, "Appa a lousona walina barrada ata pi'a ngia a kotora. ²¹ Oronage, a walina dana, a walina ate danada ata, na oudayi pa pangedda a idda dessa, dosa seksual, kiedu, pamate ata, ²² perzinaan, wirroka, buokala, makirri, hawa nafsu, iri hati, langi lira, padeika wekkina, mono kabanga. ²³ Yidda ngara dukkada a buokala a mai a walina tou danada ata pi'a, ngiadoyi a buokala". Ate waina na mawinne Siro - Fenisia. ²⁴ Walina nee padou, Yesu na kedde mono na kako nee wilayah Tirus mono Sidon. Mono na tama nee iyya umma mono dana nauma ba wa'iko ata a paddege, takka Ngia dana luput ma walina perhatian da ata. ²⁵ Ne bada rengewe tubana Yesu, na iyya mawinne wa'ini ana mawinnena patamada roh najis a mai mono na kawodo barra wa'ina Yesu. ²⁶ Na mawinne ata Yunani ya, a dadi nee Siro - Fenisia. Na dengi barrana Yesu ga'i kana wudaya muori tana kana lousona walina tou danana anana. ²⁷ Bage, linna Yesu barrana na mawinne, "Ga'idi yidda lakawa ga'i kada biekuta ullu. Oronage, dana dessa mawe ba dekeyi rotida yidda lakawa mono letoge barrada bogga". ²⁸ Takka, na mawinne na walewe mono linna barrana Yesu, "Linna takkawe, Muori. Takka, yidda bogga a wa'ina nee kabu meja da nga'age tieda nga'ana na lakawa". ²⁹ Bage, linna Yesu barrana na mawinne, "Oronage bou tekkiwe neya, you bisa bou kako. Na muori tana na ga'i bani anamu". ³⁰ Bage, na mawinne na bali ummana mono na ietaya na anana neni a beika ponnu padou beika, mono na muori tana na kako bana. Ata a kawanga pa palenga. ³¹ Bage, na Yesu na louso kiana walina wilayah Tirus mono na kako bana li Sidon arona nee suoba Galilea, nee wilayah Dekapolis. ³² Bage, da ngiddiya barrana Yesu na iyya ata kawanga a idda padde panewe. Da dengiya Yesu ga'i kana tauya limma-Na ponnu katuowana na ata. ³³ Bage, Yesu na ngiddiya na ata bana kamiesa walina barrada ata mangieda a pakassana. Na patamani karagga limma-Na nee katillu danana na ata, mono bana ba panu'iya, na domma kawe lommana na ata. ³⁴ Bage, Yesu na tangarawe langita, na tengiwe ngauna mono linna, "Efata!", artinage "Mawukkewe!" ³⁵ Katilluna na ata na mawukke miema pongu, lommana a makette na makaiwe, mono ngia na jelaswe bana panewe. ³⁶ Mono, Yesu na laranguyi bada tekkiwe ne dadi lakka lai garra. Takka, semakin bana larangyi, yidda da semakin bada tekkiwe. ³⁷ Yidda da takjub takka mono lidda, "Ngia na rawige ne ngara dukkanage waige a dessa. Na rawidi yidda ata a kawanga bada renge mono ata kabanga da panewe".