Na iyya ata a walina Gadar da pasellaya walina Roh a buokala ¹ Yidda da dukki nee bali suoba, daerah da yidda ata Gadara. ² Na Yesu bana burru walina tiena dana, na iyya ata a walina barra uodi patamada roh najis na ngettana bana mai reggaya Yesu. ³ Ngia na madaka nee uodi dana. Da'ima ata a sanggup bata ketteni, lakka waini rante. ⁴ Oronage, ngia na da kette pakitani waini belenggu wa'i mono rante, takka na pietayi rantena mono patawe belengguna. da'ima lakka iyya a kullisa bada lawani. ⁵ Loddo mono gedde, na kawula nee barra uodi mono togo letena mono na pamanu'a wekkina waina watu. ⁶ Ne bana ietaya Yesu wali marro, na malle mono na kawodo arona Yesu. ⁷ Bage, sambil bana kawula linna, 'Appa urusanmu antara yauwa mono You, Yesu, Ana Allah a madieta majaga? Kudengiwe barra-Mu demi Allah, dou siksa kawa!' ⁸ Oronage, ba linna Yesu barrana, 'Lousona walina barrana na ata, ta roh najis!' ⁹ Bage, linna Yesu barrana na ata, 'Garragu ngaramu?' Mono, na walewe, ' Ngaragu Legion oronage bama mangieda'. ¹⁰ Na dengi pakita barrana Yesu ga'i kana ka dana wudakayi walina nee daerah. ¹¹ Neeya wa'idi wawi mangieda a nga'a nee barra letena. ¹² Bage, yidda roh a buokala da dengi barrana Yesu, lidda, 'Patukagama barrada yidda wawi ga'i kama tama nee tou danada'. ¹³ Na Yesu na diekudage patekkida. Bage, yidda roh najis da kako mono tamadi yidda wawi. Yidda wawi a duada ratana da malle nee uppu ngaba dukki nee suoba dana, bage da tadanena nee suoba dana. ¹⁴ Bage, yidda a dawayi yidda wawi da kiedu mono da tekkiwe nee kota dana mono wanno dana. Mono, yidda ata da lousona bada ietawe appana a dadi. ¹⁵ Bage, yidda ata da mai barrana Yesu mono da ietaya na ata nenana patamada roh a buokala, a mangu legion na, neni a madi'i, mono na waibana kalabbe, mono na waras bali bana. Mono, yidda da madauta. ¹⁶ Bage, yidda a ietawe ne a dadi, da tekki dage barrada yidda ata pei wa'inage neya bana dadiwe barrana na ata patamada roh a buokala mono tubada yidda wawi. ¹⁷ Bage, yidda ata da dengiya Yesu ga'i kana duddakage ne daerah da. ¹⁸ Bage, na Yesu bana penneni a tiena, na ata nenana patamada roh a buokala na dengiwe ga'i kana palolo dengani Yesu. ¹⁹ Takka, Yesu dana naumadi, takka linnadi, 'Baliwu barrada dumu. Tekki dage barrada ne ngara dukkanage parawina Yesu barramu mono na Muori bana manawaragu'. ²⁰ Bage, na ata na kako mono na tekki dage barrada ata nee Dekapolis tubanage ngara dukkana parawina Yesu barrana. Mono, ngara dukkada ata da heran. Anana Yairus na pakeddeya mono mawinne a ra'ana da palengani. ²¹ Na Yesu bana pala kia waina tiena nee balina, ata mangieda a pakassana nee barra-Na, mono Ngia neni nee uppu suoba. ²² Bage, na iyya pemimpin sinagoge a ngarana Yairus na mai mono ne bana ietaya Yesu, na kawodo barra wa'i-Na. ²³ Mono, na dengi takka barrana Yesu, linna, 'Na ana mawinnegu a ki'i pona na tekki pamate. Ammi-Gu mono tauya limma-Mu ponnu katuowana ga'i kana lengana mono kana muorika'. ²⁴ Bage Yesu na kako palolo dengani Yairus. Mangiedayi ata a diekuni Yesu mono da kaworo-Ni. ²⁵ Mono, wa'ini na iyya mawinne a ra'ana selama kabullu duada dou. ²⁶ Na mado'i bana, bana mayilla takka bana waina dotera mangieda, mono mangieda bayi douna a dukkana, takka da'ima gunada mono keadaanna na taba buruk we. ²⁷ Ne bana rengewe tubana Yesu, na mawinne na mai barrana Yesu walina lirana nee tillu ata a kaworoni mono a norro nage kalabbe-Na. ²⁸ Na mawinne linna, 'Ne baku norro koge kalabbe-Na, yauwa ku lengana'. ²⁹ Na ngau miema ponguwe karoddukana mono na poddage ne wekki danana bana lengange karoddukana. ³⁰ Yesu na padde ponguge walina tou dana-Na ba wa'i kuasa a lousona wali tou dana-Na. Na bali kia nee barrada ata a kaworoni mono linna, 'Garra a todo gage kalabbe-Gu?' ³¹ Bage yidda murita-Na Yesu lidda barra-Na, 'You Mu ietayi ata a kaworona mono a pakessina bage lummu, 'Garra a norro-Ga?' ³² Bage, Yesu na gilla kage barrana ga'i ka ietaya ba garra koni a norroni. ³³ Takka, ne bana padde bage appa a dadi barrana, na mawinne na madauta mono na kadaddaka. Na mai mono na kawodo arona Yesu mono na tekkinage Yesu ngara dukkanage a dadi. ³⁴ Bage, linna Yesu barrana na mawinne, 'Ana-Gu, na ate waimu ngia a pamanu marawu. Kakowu nee muoli dame dana mono lengana walina ne karoddukamu'. ³⁵ Neponi Yesu a panewe, ammidi pirra ata a walinanee ummana pemimpin sinagoge a linnana, 'Anamu na mate bana. Appa maka mu ulla kiawani na Guru?' ³⁶ Takka, Yesu dana nauma bana rengewe appa patekkida, linnani na pemimpin sinagoge, 'Dou madautakana, waige'. ³⁷ Bage, Yesu dana nauma ba wa'i iyya ata a dieku-Ni, kecuali Petrus, mono Yakobus, mono Yohanes, anguwuana Yakobus. ³⁸ Bage, yidda da dukki nee ummana kepala sinagoge, mono Ngia na ietayi a kawissaka, mono ata a kaladana li'ina bada ngi'o. ³⁹ Bage, ne bana tama Yesu, linna barrada yidda, 'Appa maka mi kawissaka mono mi ngi'o? Na lakawa dana mate ma, takka neni a dura'. ⁴⁰ Takka yidda da malikani Yesu. Takka, Ngia na patukadi yidda ngara dukkada kada lousona mono Ngia na paoudi inna mono amana na lakawa, mono yidda ata a dieku-Ni, bage da tama nee ruangan dana padouna na lakawa bana beika. ⁴¹ Bage, na norro nani limmana na lakawa ki'i mono linna, 'Talita kum!' ( Artina, 'Lakawa ki'i, luggu-Gu, keddewu!') ⁴² Na lakawa mawinne na kedde mono na kako, oronage ngia ba kabullu duada dou bana, mono ngara dukkada ata da takjub. ⁴³ Bage, Yesu na yadi pareta yidda inna amana na lakawa ga'i ka da'ikana lakka iyya ata a paddege neya, mono na tekki dage ga'i kada yani nga'a na lakawa.