Pataguna Yohanes Pembaptis ¹ Neya a ullu Injil na Yesu Kristus, Ana-Na Marobba Allah, ² ne a linna na a matulisa kitab Nabi Yesaya dana: 'Ietawe! Yauwa ku pangiddi di pa patukagu da ulluwu yo'u da rawina lara tuba-Mu. Maleakhi 3 : 1 ³ Wa'ige li'i ata a kawula nee maredda dana : 'Siapkan lara tubana Muori, palurrusa nani lara-Na' Yesaya 40 : 3 ⁴ Bage Yohanes na pariwwoyi yidda ata nee maredda dana mono khotbahwe tubanage riwwo pa derra wai tubanage uopiyi doku denga. ⁵ Mono, ngara dukkada ata Yudea mono ata Yerusalem da mai barrana Yohanes. Ngia na pa riwwoyi nee loko Yordan, sambil bada mengakuiyi doku dengada. ⁶ Yohanes na waina loge unta mono kette kobbu kalita togo kobbuna. Na nga'a kabala mono kaniena kadawu. ⁷ Yohanes na khotbah mono linna, "Setelah yauwa, na mai na Ata a louka berkuasa walina yauwa. Daku layakki baku kawodo mono ba kainage kalerre kappe wa'i-Na. ⁸ Yauwa ku pariwomi yemmi waigumi wee, takka Ngia na pariwo waigumi Roh Kudus'. Yohanes na pariwoya Yesu. ⁹ Mono, na dadiwe netti loddana, Yesu na mai walina Nazaret, wilayah Galilea, mono na pariwoya Yohanes nee loko Yordan dana. ¹⁰ Ne bana lousona walina wee dana, Yesu na ietawe langita a mabokka mono Roh a mirrika merpati na na burru ponnu katuowa-Na. ¹¹ Mono, ammige li'i a walina Surga dana, 'You Anagu gu pamanawaragu. Barra-Mu Yauwa ku berkenan'. Yesu da nungaya muori tana. ¹² Bage, na Roh na ngiddiya Yesu nee maredda dana. ¹³ Neni maredda dana selama pata kabullu loddo mono da nungaya muori tana. Yesu neeni tilluna ranga matobba mono malaikat a layani Ngia. Yesu na padukkige Injil Allah nee Galilea. ¹⁴ Na Yohanes ba neni gollu dana, Yesu na kako nee Galilea mono na padukkige li'i-Na Allah. ¹⁵ Linna, 'Na bonnu bage rapa, Kerajaan Allah na tukke bawe. Derrami mono waige ne Injil!' Yesu na pedeyi pirra murita ¹⁶ Na Yesu bana liwe uppu loko Galilea, Na ietayi Simon mono Andreas, anguwuana, nedi a tubbage jalada nee loko dana oronage yidda ba ata jala kabokko yi. ¹⁷ Bage, linna Yesu barrada yidda, 'Diekuga Yauwa, mono Yauwa ku padadi gumi penjala ata'. ¹⁸ Simon mono Andreas da ga'ige jalada mono da dieku-Ni. ¹⁹ Ne bana kako louka pa marro kia, Na ietaya Yakobus, anana Zebedeus, mono Yohanes, anguwuana, a nena tiena dana mono nedi a padessaya jalada. ²⁰ Bage, Yesu na paoudi mono da ga'idi amada, Zebedeus, nee tiena dana dugguda ata pa kasiewada, bage da kako bada diekuni Yesu. Yesu na bowodi waige kuasa. ²¹ Bage, yidda da dukki nee Kapernaum mono da dukkibawe loddo Sabat, Yesu na tama nee sinagoge dana mono da bowodi ata. ²² Yidda da takjub bada renge nadi patekkina oronage Ngia na bowodi a linnana ata a mangu kuasana, da a linna mana yidda ahli Taurat. ²³ Nettina, nee sinagoge dana wa'ini na iyya kabani patamada roh a buokala mono na kawula, ²⁴ linna, 'Appa urusanmu ne You mono yamme, Yesu a walina Nazaret? Ne You bou mai pabutta migama yamme? Yauwa kupaddegu ba garragu You. You a kudusawu a walina barrana Allah!' ²⁵ Takka, Yesu na kayakani, linna, 'Kadenna! Lousona wali barrana na ata!' ²⁶ Na roh a buokala na kiddukani sambil bana pawaddina bana kawula, na lousona wali barrana na ata. ²⁷ Yidda ngara dukkada da takjub bage da patua wekkina iyya mono waddeka, lidda, 'Appawe neya? Ne iyya ajaran a bo'una waige kuasa! Ngia na patukadi yidda roh a buokala mono da dienage patekki-Na'. ²⁸ Bage, ne berita tubana Ngia na ngettage bana dukkiwe lakka gie dou dukki ngara dukkanahe wilayah Galilea. Yierana Simon mono ata mangieda da palengadi. ²⁹ Yesu mono murita-Na da duddakage sinagoge, bage da tama nee ummana Simon mono Andreas, dugguda Yakobus mono Yohanes. ³⁰ Takka, na yierana Simon neni a beika oronage bana kadawuka, yidda da tekkinage Yesu tubana pa poddana. ³¹ Yesu na dukkini mono na torronadi limmana mono na tuludi bana dede. Na lenga miema ponguge kadawukana mono na mawinne na layani di yidda. ³² Bana dukkiwe gedde, bana tama mata loddo, da ngiddiyi barrana Yesu ngara dukkada ata a kadawuka mono patamada roh a buokala. ³³ Bage, ngara dukkada penduduk kota da pakassana barra binna. ³⁴ Yesu na palengadi ata mangieda mono ngara dukkada karodduka mono na wudayi mangieda muori tana. Takka, Na laranguyi yidda muori tana bada panewe, oronage yidda da paddeni Ngia. Yesu na sabaya mono na padukkige li'i-Na Marobba Allah. ³⁵ Kabu gedde ki'i, bana kapotta pona, Yesu na kedde mono na kako nee padou a kasika, bage na sabaya neeya. ³⁶ Bage, Simon mono ata a palolo dengani da ngaddoya Yesu. ³⁷ Ne bada koleni Yesu, lidda, 'Ngara dukkada ata da ngaddo-Wu!'. ³⁸ Mono, linna Yesu, 'Maida kata kako nee kota a barra ga'i Yauwa kaku bisa baku khotbah barrada yidda ata neeya. Oronage, ne ba ngiadowe pa mai denga-Gu'. ³⁹ Ba linnakowe, Yesu na kako bana liyi ngara dukkanage wilayah Galilea. Ngia na padukkige li'i-Na Marobba Allah nee sinagoge danada mono na wudayi muori tana. Ata kara pa palengada. ⁴⁰ Bage, wa'ini na iyya ata a kara a mai barrana Yesu. Na dengiwe mono na kawodo bara-Na mono linna, 'Bou nauko, You mu bisa bou palengaga'. ⁴¹ Oro bana kasihan ni, Yesu na pajuolani limma-Na mono na todoya na ata sambil ba linna, 'Yauwa ku beige. Lengana!' ⁴² Na dada miema ponguge karana mono na ata na lengana. ⁴³ Yesu na patukani na ata bana kako mono na tegas we bana tekkinage. ⁴⁴ Linna barrana, 'Da'ikana patekkimu lakka lai garra tubanage neya. Takka, kakowu, patingo wekkina barrada imam, mono yawe kurban tubana bou lengana a linnana pa paretana Musa sebagai kesaksian barrada yidda'. ⁴⁵ Takka, na ata na kako mono na padukkige secara terbuka mono padukkige secara luas. Bage, Yesu dana bisama bana tama nee kota dana, takka neeni bali goungam nee daerah a kasika. Takka, yidda ata a walina nemmi iyya padou iyya padou tetap bada mai barra-Na.