¹ lokko balinnawe,ata israel da rawige parawi idda dessa yidda barang-barang pakalikke,oro akhan anana karmi,anana zimri,anana zerah,a walinakabisu yehuda,na dekeyi barang-barang pakalikke. na keddewe banina Muori lai ata israel. ² bage,yosua na pawede ata wali yerikho kako ai a neena barra bet-awen,tuba timura betel.linnadi,''kako monno kapadage ne negri.''jadi,da kako monno patiatige ai. ³ kamurrinage,da bali lai yosua,monno lidda,''illa da kako kuakana ata.lakka duada atau touda rata ata a kako todowe ai.illamu pa susakayi yidda bangsa badda kako nee bali,oro dadda luamana.'' ⁴ makka,da kako touda arata ata wali ne bangsa.lokko balinnawe,da kiadu wali lai ata ai. ⁵ ata ai da pamate touda kabullu enne ata wali yidda,monno yidda ata israel da ruatiyi wali binna tama kota dukki nee shebarim,monno da palu atalirayi nee a pangabberana.bage,da mawwoyi ateda yidda bangsa,na dadiyi a linnana wee. ⁶ yosua na kuayage kalabbena monno na sujud ne aro tabut Muori dukki mamale oledi yidda rato-rato israel.monno,da burri kobbura togo katuawada. ⁷ kamurrinage,yosua linna,''ah,Muorigu Marobba Allah,appa makka mu ngiddiyi yidda bangsa badda palani loko yordan,bou yama ne lai ata amori?bamma piata piawe bamma madaka nee bli loko yordan! ⁸ ya Muori,appa kona patekkigu,ba badda kiadu yidda bangsa israel wali lai gobbada? ⁹ ne a linnana badda rengnge kowe ata kanaan monno ngaradukkada ata ne negri,ianga ammidi a todoma monno padukkagamadi ngarama wali ne ponnutana.appa na parawimu aro ngara-Mu a kaladana?'' ¹⁰ Muori linnani Yosua,''keddege!appa makkamu sujud waiwage matamu? ¹¹ ata israel bali rawida jala da palage pa janji-Gu bali patekkigu.da deke wali barag-barang papakalikke.da kiadu,monno da kabunni dommodi,da tauyi barra barang-barang'da. ¹² ata israel dadda tarrumana arodi gobbada,oro yidda dommo da pakalikke di ba padukkayi.dakku sillu palolo dengnga kiamagu yidda barang papakalikke ba dappa padukka koyi wali barramu. ¹³ keddege,pakudusudi yidda bangsa,monno tekkiwe,'pakudus wekkimu tuba kuaka,oro ne linnawe lii Marobba Allah israel:'hai israel,waidi barang papakalikke ne barramu.dei tarrumana bei arodi gobbami ba dei pamarrokodi yidda barang-barang papakalikke wali baramu. ¹⁴ kuaka kabu gedde,mi kakopo ne aro kabiusu-kabisu,monno kabisu pa bowona Muori a kako ne aro wali du ole dadina.monno,kaum keluarga pa bowona Muori da kako po aro du'da,monno du pa bowona Muori da kako iyya-iyya. ¹⁵ bage,pa kole a boddala barang-barang papakalikke pakarra waidi api,ngia monno ngaradukka kuada a waini.oro,bali palanage pajanjina Muori banna rawige noda ne barrada israel.'' ¹⁶ kamurrinage,kuakage yosua na kedde kabu gedde na marengnga kuadi ata israel kako ne aro kabisu,monno gaudi kabisu yehuda. ¹⁷ ngiddiyi ne aro ngaradukkana kaum du yehuda,monno koleni kaum zera,monno koleni du na zabdi. ¹⁸ dukki yidda keluarga badda maju iyya -iyya,koleni akhan anana karmi,anana zabdi,anana zerah. ¹⁹ yosua linnani akhan,''anagu,paakani Muori,Marobba Allah israel.mangakuwu ne aro-Na.neeya,tekkigage appa na parawimu.illa mu kabunnikage wali barragu.'' ²⁰ akhan na wale,''na bennarawe!bali jalagu arona Muori,Marobba Allah israel.ne ngiawe bali parawigu: ²¹ kuniatayi yidda barang-barang kalabbe a manadana parawi sinear,duada ngasu syikal perak,monno sapangngu masi a buoto limma kabullu syikal.ku beidi,makka ku dekeyi.yidda ngaradukka kuada waidi kariaka danagu,nee tana dana,monno peraku nee ge kabuna.'' ²² yosua na pawedeyi ata nee kariaka dana,monno yidda ngaradukka kuada na kabunnidi kariaka danana,monno ne peraku nee ge kabuna. ²³ makka,da deke kuayi wali kariaka dana monno ngiddinadi yosua monno ngaradukkada ata israel,bage tauyi ne arona Muori. ²⁴ bage,yosua monno ngaradukkada ata israel ngiddiyi akhan anana zerah,monno peraka,monno jubah,monno masi sapangngu,monno anana kabani monno ana mawinnena,lembuna,keledaina,kamiakana,bebena,kariakana,ngaradukka kuada douna,ngiddiyi ngaba akhor. ²⁵ yosua linna,''appa makka mu pacelakawamma yamme?Muori na pacelaka dommowe neeya.''kamurrinage,ngaradukkada ata israel possa waidi watu,monno tunnu waidi api,ba badda possayi watu. ²⁶ bage,padedewe ne ponnuna papakassa watu kalada,a waina dukki neeya.makkana na radakawe banina Muori a wiagara.linnadowe,ne padou makka pangarage ngaba akhor dukki neeya.