¹ dukki yidda ngaradukkada tokko a madaka nee tuba barat loko yordan monno ata kanaan a madaka nee malunage bonnu tillu,da rengngewe na Muori banna pa marani loko yordan ne aroda ata israel dukki badda palani,na tawarayi ateda.dai kiamage semangata badda arodi ata israel. ata israel da burru malengo ² dukkige,Muori linnani Yosua,''rawina kiato wali watu monno paburru kiadi maredda yidda ata israel a keduadana.'' ³ kamurrinage,Yosua na rawina kiato wali watu monno na paburrudi maredda yidda ata israel nee gibeat-haaralot. ⁴ ne ngiawe alasanna yosua makka na paburrudi maredda:ngaradukkada ata a lousona wali mesir,kabani monno ngaradukkada parajurit kabani,bali mateda lara dna ne maredda dana,ba pa lousona wali mesir. ⁵ oro,ngaradukkada ata a lousona bali burruda maredda,lokko balinnawe ngaradukkada ata a dadi lara dana ne maredda dana wali ba lousona wali mesir,dappa pa burru pomadi maredda. ⁶ oro,pata kabullu dou madoinage ata israel badda kako ne maredda dana,dukki banna duka kuadi pamateyi yidda bangsa,prajurit a lousona wali mesir,a idda patoowe patekkina Muori.na uaradi Muori,ba dadda iatawe negri pa janjina Muori na aura waidi ubbu waikada,ba yadi iyya negri a luana susuna monno maduna. ⁷ bage,ana da a murri na pamuarikayi badda siapayi,yidda ngiadoyi papa burruna malengo yosua.oro,dadda burru mapo maredda,oro ne lara dana dadda burru mapo maredda. ⁸ ba papa burrudi maredda yidda ngaradukkada bangsa,makka da madaka nee padouda ne kariaka dana dukki badda lengngana. paskah a ullu nee kanaan ⁹ kamurrinage,Muori na panewe dengngani Yosua''nii loddo bali uapigudi yidda cela wali mesir wali barramu.''ne ngiawe ne padou makka pangarage gilgal dukki nii loddo. ¹⁰ ata israel da rawina kariaka nee gilgal monno da rawige paskah dukki mamale ne kabu yerikho,loddo kabullu pata nai wulla. ¹¹ dukki loddo ba ba paskah,da ngaage ne i'tana,roti idda mangu ragina duguda gandum pa tunnu,nee loddo dommo. ¹² makka dukki kuakage na ngauwe manna,ba badda ngaage i'ge ne tana.ata israel dadda kole kiamana manna,monno da ngaage i'tana kanaan ne dou. panglima bala tentarana Muori ¹³ dukki na yosua ba neeni barra yerikho,na keketawe matana na iataya na ata a dede arona na terrena pedang togo limmana.yosua na barrani monno na tuaya,''you neya olewu atau gobbawu?'' ¹⁴ na wale,''iddama,yauwa ngia panglima bala tentarana Muori,neeya ku mai.''kamurrinage,yosua na sujud waina matana,na sembah ya monno linna,'appa kona muarigu patekkimuni na atama-Mu?'' ¹⁵ na panglima bala tentarana Muori linnani yosua,''kaidi kappe waimu,oro ne padou dedemu na kudusawe.''bage,yosua na rawige patekkinani.