¹ ba yidda bangsa badda pala kuani loko yordan,Muori linnani Yosua, ² '' pidi kabullu duada ata,iya wali iyya kabisu. ³ pawedeyi lummudi,''deke kabullu duada watu wali nii,ne tilluna loko yordan,ne padouda rumata badda bodda layi waida,ngiddiyi nee bali,monno boddalayi padou taddomi nii gedde.'' ⁴ oronage nee,yosua na pa oudi kabullu duada ata,papasadiana wali ata israel,iyya ata wali iyya kabisu. ⁵ yosua linnadi,''pala nee tillu loko yordan,ne aro tabut perjanjian na Muori,Marobba Allahmu.deke-deke dou iyya watu ne togo lakomu,diakudi luada kabisu israel, ⁶ gaimu ne tada kanna dadiwe ne barramu,gaimu yidda anamu napa badda matuako,''appa na artida yidda watu?'', ⁷ waleyi limmidi:ne wee loko yordan na biatawe ne aro tabut perjanjian na Muori.dukki ne tabut banna palani loko yordan,wee loko yordan na biatayi.bage,yidda watu na dadiyi tada papa lolodadi ata israel dukki kadukkanage.'' ⁸ ata israel da diakuni Yosua.da deke kabullu duada watu ne tillu loko yordan,diakudi luada kabisu israel,diakuge patekkina Muori lai yosua.bage,yidda ata da pala ngiddiyi,ne padou taddoda da tauyi nee bali. ⁹ yosua dommo na tauyi kabullu duada watu ne tillu loko yordan,ne pado boddaladadi waida rumata badda keketawe ne tabut perjanjian.yidda watu wai pakitadi nee bali dukki neeya. ¹⁰ rumata a keketawe ne tabut perjanjian iangadi a dede ne tillu loko yordan,dukki ba ba kuawe patekkina Muori lai yosua banna padukkige ne lai bangsa, a linnana patekkina musa lai yosua.monno,da giasa pala bangsa israel. ¹¹ ba badda palakua yidda bangsa israel,na palawe tabut perjanjian Muori monno Rumata aroda ne bangsa. ¹² ata a walina kabisu ruben,gad,monno waddeka kabisu manasye da pala waina senjata ne aroda ata israel, a linnana papa nau nadi musa. ¹³ pata kabullu rata da ata a sadia patauna ne arona Muori,ba palage ngaba yerikho. ¹⁴ nee ngiawe Muori banna pakaladani yosua ne aroda ngaradukkana ata israel,da pa akani a linna na badda paakani musa selama badda muarika. ¹⁵ Muori na panewe dengngani yosua,linna ¹⁶ ''pawedeyi yidda rumata a keketawe ne tabut perjanjian kadda lousona wali loko yordan.'' ¹⁷ yosua na tekkidage yidda rumata,linna,''penne wali loko yordan.'' ¹⁸ dukki yidda rumata a keketawe ne tabut perjanjian Muori badda penne wali tillu loko yordan,dukki waida yidda rumata badda liaduge tana marokkota,makka ne wee loko yordan na baliwe padouna,monno na laiwe na pennewe ne uppuna a linnana a ullu. ¹⁹ yidda bangsa da lousona wali loko yordan dukki loddo a kabulluna wulla a ullu,monno da rawina kariaka nee gilgal,nee tuba timura dikki yerikho. ²⁰ kabullu duada watu,pa deke wali loko yordan,na padogotadi yosua nee gilgal. ²¹ kamurrinage,linnadi ata israel,linna,''dukki anamu badda tuakoyi amada dukki loddo kamurrina,'appa na artida yidda watu?', ²² mi tekkidage anami limmi,'israel da palani loko yordan togo tana a marokkota. ²³ oronage,Muori,Marobba Allahmu,bali pamaranani loko yordan ne aromu ba makka mi bisa papala,a linnana Muori,Marobba Allahmu,parawina nee bonnu rara,na pamaraya ne aroda ba makka ta pala. ²⁴ monno,ngaradukkana bangsa ne ponnutana da padege na kullisa limmana Muori,gaimu kadda madautani Muori,Marobba Allamu,dukki kadukkanage.''