¹ yidda ngiayi bangsa-bangsa pa gaina Muori badda ujiyi bangsa israel,yiddi ngaradukkada ata israel a idda padde pongnguge ngaradukka kuanage patau kanaan. ² maksudnya gaimu paburruda israel ka bowodi patauna,yidda a idda patau pongnguponna. ³ da iangana limma tokko kota filistin,monno ngaradukkada ata kanaan,ata sidon,monno ata hewi a iangana ne togo letena libanon,wali letena baal-hermon dukki ba tama nee hamat. ⁴ da madaka nee bali monno ujiyi bangsa israel,gaimu kanna paddedi da patoo kadowe papawedena Muori pa yana lai ubbu waikada a li barrana Musa. ⁵ ata israel da madaka ne barrada ata kanaan,ata het,ata amori,ata feris,ata hewi,monno ata yebus. ⁶ da dekedadi ana mawinne'da badda padadidi ole umma monno yayi ana mawinne'da lai ana kabani'da,monno nobbani allah-allah waddeka. otniel,hakim a ullu ⁷ ata israel da rawige palakara a buakala ne aro matana Muori.da dengngani Muori,Marobba Alla'da monno da nobbani lai baal monno ata asyera. ⁸ bage,na keddewe banina Muori lai ata israel.na battadi ne limma dana'da kusyan-risyataim tokko aram-mesopotamia monno na madauta bani israel ne kabu paparesana kusyan-risyataim selama paddo pata dou. ⁹ bage,ata israel da kawulani Muori,makka Muori na pakedde a pabebasadi ata israel,kanas,alli kamurrina kaleb. ¹⁰ Diawana Muori na tamani monno na pawedeya banna dadi hakimada ata israel.na kako patauna monno Muori Na yawe kusyam-risyataim tokko aram,ne limma danana.monno,limmana na kuasawe kusyan-risyataim. ¹¹ na amanawe ne negri pata kabullu dou madoinage,bage na mate otniel anana kanas. hakim ehud ¹² ba pakitanagege,ata israel da rawige a buakala ne aro mata-Na Muori.monno,Muori na yani kuasana eglon,tokko moab,lai ata israel,oro badda rawige a buakala ne aro mata-Na Muori. ¹³ na woddayi ata amon monno ata amalek marengngani.na kako monno pakalayi ata israel bage na kolege ne kota wasu kurma. ¹⁴ ata israel da madautani eglon,tokko moab,kabullu paddo dou madoinage. ¹⁵ ata israel da kawulani Muori,makka Muori na pakedde a pabebasadi ,nai ehud,anana gera,paburruna benyamin,ata a kidal limmana,ata israel da'ya upeti lai eglon,tokko moab. ¹⁶ kamurrinage ehud na rawina kiato a duadana matana,sehasta malounage.na tauwe ne kiato kabu kalabbena,barra kianga kawanana. ¹⁷ bage,na yawe ne upeti lai eglon,tokko moab,na eglon na morru pongngu. ¹⁸ ba na ehud banna padukkina upeti,na pawedeyi badda kako yidda ata a ngiddi upeti. ¹⁹ akan tetapi,na kabali wali watu-watu pa buala a waina nee barra gilgal monno linna,''waige papa nau kabunni tubamu,ya tokko.''na wale eglon,''kadenna!''kamurrinage,da lousona wali arona ngaradukkada ata a dede ne arona. ²⁰ bage,ehud na mai barrana ngia neeni a madii kamiasa ne koro padouna.linna ehud,''waige patekkina Marobba Allah tubamu.''bage,na kedde wali padou madii'na. ²¹ kamurrinage,ehud na soroni limma yellona,na dekewe kiato wali barra kianga kawanana monno na dussukanage togo tiana tokko. ²² bahkan,na tama dommowe ullunage mata kiatona.morruna na tuadi kuawe ne mata kiato,ba makka danna bottukage ne kiato wali togo tiana,na lousowe raana. ²³ na lousona ehud wali aro.na tuadi we binna makkana na kusiwe binna koro diata ba makkana lousona. ²⁴ ba banna lousona,ata'na tokko ammidi badda iataya tapi binna ne koro tuba diata na makusiwe.makka lidda,''neeni a letona hajat nee koro umma padou beikana.'' ²⁵ da riamada dukki badda bingung,na tokko danna wukke dommo pomawe binna koro tuba diata.kamurrinage da dekewe kusi makka da wukkewe,monno da iataya muarida banna mate togo lante. ²⁶ ehud na palolosa wekkina yidda needi a ri-rimana.na liyi watu pa buala,bage na palolosa wekkina nee seira. ²⁷ ba banna dukki nee bali,na puawiya sangkakala ne togo letena efraim.bage da burru pamarengnga dengngadi ata israel wali togo letena monno ngia dou neeni aro. ²⁸ na panewe,''diakuga,oronage Muori bali yanani gobbamu,yiddi ata moab,togo limmamu.''oronage nee,da burru diakuni badda dekewe ne padou pala loko yordan ba kako nee moab,monno daima pa gaida lakka iyya ata a pala. ²⁹ dukki neege,da pamateyi ata moab wai kabullu rata ata.ata morru kuayi monno ngaradukka kuada ata kullisayi.daima lakka iyyako a iangana. ³⁰ dukkini loddo,ata moab da madautadi ata israel.monno,na kadennawe ne negri selama paddo pata kabullu dou madoinage. hakim samgar ³¹ ba neege,ammini samgar anana anat,a pamateya ata filistin a enne ngasu mangiadana banna waidi tokko pa dawa waina sapi.monno ngia dommona a pamuarikayi ata israel.