¹ na mai malaikat Muori wali gilgal kako bokhim,monno linna,''bali palolo dengnga gugu lousona wali tana mesir monno ngiddiwu ne negri pa tekki waigu aura lai ubbu waikamu.monno,bali tekki guge,'dakku pa batalamage patekki-Gu barramu tuba selama-lamanage. ² you dommo illamu kettekana dengngakadi janji ata ne negri,mezbah mu pubbukapodadi.'tapi,you dou patoomagage li'i-Gu.appa makka mu rawiwage ne a linnana? ³ ku tekki dommowe,'dakku iarimadi wali aromu,monno allah-allha'da da dadi sirru tubamu.''' ⁴ ba na malaikat Muori banna tekkiwe lai ngaradukkada paburruna israel,da ngio yidda bangsa kaladadi li'i'da. ⁵ ne padou pangarage bokhim monno da ya korban pa'ya nee bali lai Muori. ba dappa patoo monno jala ⁶ yosua na pasellayi yidda bangsa badda kako.bage,da kako ata israel,da kako-kako dou padou dou'da,badda douge ne negri. ⁷ yidda bangsa da deikaya Muori selama rasina Yosua selama rasi'da a kawiada badda muarika madoi kia rasi ba yosua,a iatawe ngaradukkanage parawina Muori a kaladana,parawi-Na tuba bangsa iarael. ⁸ na mate yosua anana nun,na atana Muori,dukki ba ngasu kabullu douna. ⁹ da taneni nee padou douna nee timnat-heres,ne letena efraim,tuba utara letena gaas. ¹⁰ namun,ba papakassa kuadi ngaradukkada keturunan duguda ubbu waikana,da oudayi pa burru waddeka ba yidda,a idda paddeni Muori ataupun parawi-Na tuba ata israel. ¹¹ paburruda israel da rawige a buakala ne aro matana Muori monno da nobbani baal. ¹² da duddakani Muori,Marobba Allah ubba waikada a marengngadi badda lousona wali tana mesir.bage,da diakuni alla waddeka nai allah wali bangsa-bangsa a waina ne barrada da nobbani ba makkana keddewe banuna Muori. ¹³ da duddakani Muori da patooya baal monno ashtoret. ¹⁴ bage,na keddewe banina Muori lai ata israel.na yayi limma dana'da ata parampoka monno da battadi lai gobba'da. ¹⁵ dukki badda kakoko,limmana Muori na pamai malapetaka a linnana bali papalolona Muori monno pa tekki waina aura Muori,dukki makka da menderita pongngu. ¹⁶ kamurrinage,Muori na pakeddeyi hakim-hakim a pamuarikayi wali togo limmada ata parampoka. ¹⁷ akan tetapi,aro yidda hakim dadda patooma,oronage da rawina sillira badda diakuna alla waddekamonno nobbani.da giasa sibitana wali lara pa li'da ubba waikada,a diakuge papa wedena Muori.dadda rawimage a bennara. ¹⁸ Muori banna pakeddekodi tuba'da iyya hakim,makka Muori na palolo dengngani na hakim monno pamuarikayi wali togo limma gobba selama na hakim banna muarika.karurunage,Muori na pamanawwara na rengngedadi kangilada wali ata a tindasayi monno a pangettayi. ¹⁹ akan tetapi,dukki na hakim banna mate,da kabali badda rawi kiana a louka pa buakala wali ubbu waika'da da kako diakuni alla waddeka da nobba monno diakuni.dadda ngauma wali parawida a katto katuawana. ²⁰ na keddewe banina Muori lai ata israel,monno linna,''oro yidda bangsa badda lawiwe ne patekkigu lai ubbu waikada monno dadda patoo magage patekki-Gu, ²¹ yangngo dakku sillu iari kiamadi lakka iyyako wali aroda bangsa-bangsa pa duddakana yosua dukki banna mate. ²² gaimu li yidda kakku ujiyi ata israel,peina da diakukadoni larana Muori monno diakuge parawida ubbu waikada,atau iddama.'' ²³ oronage nee,Muori na gaidi bangsa-bangsa badda iangana danna giasa wuggamayi.danna yamayi ne limma danana yosua.