Salam tubana Timotius ¹ Walina Paulus, rasul Yesu Kristus pa pede pabeina Allah a linnana janji muorika a wa'ina nee Yesu Kristus dana. ² Tubana Timotius, ana pa manawara. Anugerah, belas kasih mono muoli dame walina barrana Allah, Ama, mono Yesu Kristus, Muorida. Pa panungada ga'i ka padukki pakitage Injil. ³ Yauwa ku malangi pakitani Allah, pa layanigu waige ate nurani a warrasa a linnana parawida inna kawiedagu, ne baku lolowu nee sabaya danagu loddo mono gedde. ⁴ Ne baku lolowe wee matamu, yauwa ku beige baku ietawu ga'i kana bonnuge maringagu. ⁵ Yauwa da palolo gage waige ate waimu a tulus, a muorika barrana inna kawiedamu Lois, mono innamu Eunika, mono yauwa ku waige neeya ne muorika nee barra allamuge. ⁶ Oronage neya, yauwa ku palolo pakita guge ga'i ka kobarkan pakitage ne karunia Allah a wa'ina barramu a liwe ne ba pajuolani limmagu. ⁷ Oronage, Allah ba dana yawe barrada itta ne roh madauta, takka roh pa kullisa denga, manawara mono pattu wekkina. ⁸ Bage, dou makke kana bou tekkiwe tubana Muorida atau tubagu yauwa, tahanan- Na. Takka, waige kuasa-Na Allah diekuge bou mayilla tubana Injil. ⁹ Ngiadona a pamanu marada mono a paouda waige li'i kudus, da oro parawi madage, takka oronage tujuan mono anugerah dounage payana barrada itta nee Yesu Kristus dana ba da'i poge ne tana. ¹⁰ Neeya, neya a dadi takkawe a liwe ba ammini Juru Selamat da itta Yesu Kristus a uopiwe mate mono a ngiddiwe muorika mono a idda kadukkana a liwe ne Injil. ¹¹ Oronage ne Injil, yauwa da dodokawa ka dadi pengkhotbah, rasul mono guru. ¹² Ngiadowe ne yauwa maka ku mayilla a linnana neeya. Takka, yauwa daku makkema oronage baku paddege lai garra baku waige mono ku yakin ge Ngia na sanggup bana dawawe appa pa percayana barragu dukki ne loddo ba ammige. ¹³ Torrodi pokok pabowo a sehat pa rengemu walina barragu nee ate wai dana mono manawara a wa'ina nee Yesu Kristus dana. ¹⁴ Waige Roh Kudus a iengana nee tou danada, dawa padessawe na pote a pawelli takka pa yada barramu. ¹⁵ You mu paddege a linnana bahwa ngara dukkada a wa'ina nee Asia da balibana walina barragu, ne yidda ngiadoyi Figelus monoo Hermogenes. ¹⁶ Kiranya Muori na yawe manawara-Na nee iyya ummada Onesiforus oronage ngia sering bana pa segarwa mono dana makkema oronage bada patamaga gollu dana. ¹⁷ Bali nage, ne ba dukki nee Roma, na semangat bana ngaddowa mon bana dukkiga. ¹⁸ Kiranya Muori da tuntun ya ga'i kana kolege manawara a walina barrana Muori netti loddona, a linnana ne you dou bou paddege pirrada pelayanan payana barragu nee Efesus.